بناات احد يعرف عن حنه تملس الشعر

مرة رحت لمشغل ونصحتني الكوفيره بأستخدام الحنه السوده تقول يخلي الشعر حرير
بس كنت مستعجله ولا اخذت التفاصيل منها

ياليت البنات يفيدونك حبيبتي

يسمونها الحنه السوداء وطبعا تصبغ الشعر اسود اضافه الى انها تجعل ملمسه ناعم جدا

ولكني اسمع عن اخطار لها لانها تحتوي على برادة الحديد يقولون تسبب تساقط

والله اعلم

حبيبتي أعرفها هالحنه صديقتك من وين اشترتها؟؟؟

لأن هي انقطعت بالسوق علشان أنها خطره

أنا استخدمتها قبل سنوات وصحيح تنعم الشعر مره

وتخليه يطول بسرعه بعد وسوادها فاحم

وبعد كذا انقطعت من السوق

لأن في مكوناتها قاز وزئبق

وهذا خطر وممكن يسبب أمراض

حبيبتي وااايد سمعت عن الحنا هذه

لكن الصراحه انا اتخوف منها

يعني شنو الشي اللي فيها يفرد ؟؟

اكيد ضافين ماده مجهوله اهي المسئوله عن هالشي

و الاعشاب الباقي وضيفتها التغذيه و اللمعان =)

هذا رأي

و انتظر معاج ردود البنات =)

السلام عليكم ورحمة الله وبركاته

مرة زوجة اخوي بغت تسويها لبتنها بس وحدة مغربية صاحبة صالون نصحتها انها ما تسويها لانها تجيب امراض

والله يوفقك يارب وزيد شعرك حلى


مع التحية

اختي وبنت خالتي سوو خالخلطه بس ماشروها
يعني فيه وحده كوفيره سوتها لهم والنتيجة بصراحة
حلوه آنا سمعت انها تسبب تساقط ومضره بس مايندرى يمكن حسب
طبيعة الشعر لأن اللي اعرفهم وجربوها مااشوف اشتكو منها بالعكس
بنت خالتي لما طال شعرها وصار فرق بين الشعر اليديد واللي فيه الخلطة
تقول حابه انها تسوي هالخلطة مرة ثانية بس بعد انتي لاتجازفين وتسوينها
عند اي احد او تشترينها جاهزة لأن مايندرى شنو مكوناتها بس اهيا صج
تخلي الشعر نااااااااااعم واسوووووووووود ويلمع .

up up

هذي الاشياء تخوف وتسبب تساقطات لان مستحيل ا\نبات الحنة يكون اسود (يا احمر او بني و من هلتدرجات)
واكيد فيها مواد كيميائية مستحيل في شي يخلي الشعر مفرود جذي وطبيعي

هلا اختي والله انا ما انصحج فيها لاني قريت عنها وايد وسمعت عنها بعد وسوي سيرج وقري عنها في المنتديات معظم البنات اللي جربوها جزاهم الله خير يكتبون عنها يحذرون البنات منها لان هي اول ما تستخدم نتايجها حلوه بس مع الوقت يلاحظون تساقط رهيب في الشعر ويقولون انها تحتوي على مواد مضره والله العالم شنو يحطون فيها علشان تفرد الشعر بس نصيحه لا تستخدمينها علشان بعدين ما تتحسفين

لا تفكرين تاخذينهااااااااااااااااا
لما قريت عنهااااا أشتريتهاااااا من العطار ( عقص وحناء وحديده وغيرهاااااا)
تجلس على الشعر 24 ساعة وخلته اسود وناعم
وبعد 6شهور ورب الكعبة صار
يتساقط بشكر رهيب خلاص بصلع من قدام
وشعري يابس كان جاف صار يابس وجاف ببكي من القهر خربت شعر وتقطع يعني شعره طويله وقصيرة يعني فشلة
حذاري منهاااااا يابنت خليك على الحناء وزيت وهذي تجربتي

ادعو لشعري يزين يابنااااااااااات

مب زين يسبب تساقط الشعر

نصيحه يااختي والله كلها مواد كيماويه انا سويتها مره وشعري احترق وتقصف وصار يتساقط بطوله ورحت قصيته بوي وراعيه الصالون قالتلي مافي شي يفرد الشعر مافي مواد كيماويه خلج علي الشغلات الطبيعه احسن ولو مانفعت ماتضر