بغيت شي وصفة للانتفاخ تحت العينين

في ناس ينفع معهم الكمادات البارده يعني الثلج
وفي ناس ينفع معهم الكمادات الساخنه مثل الشاي او ماي البابونج
انتي شوفي وش يصلح معك
وممكن تستخدمي الجيلي يبيعوه في الصيدليات جيلي على شكل نظارة تحطيها ع العين وتامني بها ويروح الانتفاخ ان شاء الله

عندج كريم لوريال اليديد لمحيط العين يوخر الانتفاخ
وموفقه حبيبتي

اختي اول شي انصحج بالتقليل من الملح في الاكل
لان الملح يحبس الماي في الجسم وممكن يكون سبب في الانتفاخ

كثري من شرب السوايل

واستخدمي كمادات ماي ورد مثلج
يعني اخذي قطنه مدوره وغمسيها في ماي الورد البارد وحطيها على عينج

واكياس الشاي الاخضر ممتازه للانتفاخات
بعد ماتستخدمين الاكياس حطيها في مله ماي في الثلاجه
وبعد ماتبرد حطيها فوق عينك

ولو مافادوا هل طرق ممكن يكون سبب الانتفاخ موسمي يعني يمكن فيج حساسيه من نوع من انواع الاكل او في شي في الجو يحسس عينج
في هل حاله روحي عند طبيب جلدي

جزاكم الله خير اخواتي في الله