فروج مشوي بالزبادي + شوربة البروكلي بالكريمة

اليوم طبقنا هوا فروج مشوي بس هالمرة باللبن الرايب ( الزبادي )

وممكن بنفس الفكرة نشوي الدجاج لكن من دون اضافة الرايب يعني الدجاج لحاله بس بهارات وزيت وهذه الطريقة بتخلي الدجاج طري من الداخل ومحمر من الخارج ونفس الدجاج الي في المطاعم

يلا توكلنا علي الله

بنحتاج دجاجة او اكثر حسب الرغبة بنكون منضفينه وبنخليه كامل من دون تقطيع



ملعقتين رايب + بهارات مشكلة وملح وثومة وفلفلوملعقتين زيت زيتون بنخلطهم مع بعض علشان ندهن الدجاجة فيها




اي علبة معدنية او زجاجية فاضية ( بينفع علبة الكولا او علبة الحمص او الفول)



بندهن الدجاج بالرايب الي جهزناه من قبل



وبنجيب العلبة وبنحط فيها مية مش كثير بس علشان تثبت وما توقع

وبنوقف الدجاجة عليها وبنحطها في صينية



بندخلها علي الفرن علي درجة حرارة متوسطة مدة ساعتين

وهذا شكلها بعد الساعتين





وهذه عن قرب بنقدمه مع البطاطا المقلية وصلصة الثوم



طبقنا الثاني شوربة البروكلي بالكريمة

وهي من اطيب انواع الشوربة ومحببة كثير

بنحتاج تقريبا كوبين بروكلي مغسول ومقطع الي زهرات صغيرة



بنحطهم علي الغاز مع كوبين مي وبنضيف الهم سنين ثومة وبنخليهم مثل ما هما بس علشان الطعم



وبنخليهم علي الغاز بعد ما نغطيهم علي نار هادية بس تستوي عندنا الزهرات وتصير بهذا الشكل


بنضيف الهم كوبين ونص كريمة الخفق السائلة او حليب كامل الدسم او مثل ما انا استعملت




بنضيف الهم مكعبين ما جي ورشة صغير كركم للون بس ورشة ملح



بنخليهم يغلو شوي وبعدها بنجيب ملعقتين زبدة وملعقتين طحين وبنخلطهم مع بعض



وبنضيفهم علي الشوربة وبنخليهم يغلو علي نار هادية تقريب النص ساعة مع التحريك من فترة لفترة



وبعدها بنقدمه ساخن مع الفروج المشوي



وصحة والف عافية