مشكلة هامة تؤرقني ..

لاتخافين ام حسين ترى ولج بعه صغير وانتي بيدك اتخليه يبتعد عن هالشي

يعني تتكلمين معاه بهدوء وتقولي له ان الشي اللي مهوب لنا ماناخذه لان الله مايرضى حرام بعدين نروح النار

وان الاطفال يتضايقون منك وكذا

اما بالنسبة للاستئذان علميه ان لازم يستأذن منج في كل شي واذا تبينه يطبق هالشي لازم انتي تستأذنين منه لان الطفل يقلد اللي اكبر منه وخصوصا الام والاب يعني مثلا لما بتاخذين شي له تقولين له لو سمحت حسوني ممكن اخذ هاللعبة او هالشي ومن هالقبيل يعني
انا قمت اطبقها مع ولدي بدون شي يعني كذا بالصدفة لقيته انه يقلدني وهذا شي نفعني
مع الايام راح يتعلم

الله يخلي لش حسين انشاء الله..بالنسبه للاسراف اختي كانت جذي بس بعدين قامت ما تجيب شنطتها معاها لما تجي بيت ابوي ...زتجيب شنطه صغيرة وفيها بس 200 فلس مع عصير وجبس ...فبنتها بعدين ما قامت تروح لعند البرادة.وقامت تعصب بالبدايه بس بعدين صارت عادي جربي يمكن ينفع معاه...

الله يهدي لكى ولدك ويسعدك بيه ان شاء الله باقي الاخوات يفيدوكى

فعلا مشاكل صعبة واذا اهملتيها اكثر ممكن تستمر معاه
اختي حاوللي بشتى الطرق انك تمنعيه مو بالضرب لا طبعا انما بالكلمة والحزم الشديد منك يعني قليله لاء يعني لاء رح يبكي اولا وتانيا بس انتي طنشيه على الاخر واعمللي نفسك مو شايفتيه ابدا صدقيني راح يسكت اخرتها وينصرف عنك

الله يقويكي ويحفظه لكي يارب

انتي غلطي في الاول عشان جذي ابنك الحين تمادى

يعني لازم الحين تغيرين اسلوبه ويوم الي بتروحين بيت ابوكي لازم تقولين له هذا مصروفك واذا خلص ما لك غيره (يعني تحددي له مبلغ معين)

البداية صعب بس صدقيني مع الايام راح يعتاد

الله يهديه ان شاء الله

الله يهديه
لك

الله يعينج أم حسين عليه،، صح هالوضع وايد صعب،، أنا مشكلتي مع عبدالله بس في الشنط مهلكني مع هالوضع من يجوف شنطة قال آبيها...الحين عنده 4 شنط وكل مرة يجوف شنطة على شخصية ماعنده قال آبي بعد،، بس عندي مشكلة مع الشنط والحين آخر مرتين خذيته تويز ار اس يلعب نطلع من مكان الألعاب الا يشتري له لعبة مع أن ماعنده هالعادة،، بس قمت آسوي هالحركة آمشي عنه وأخليه يصيح وطبعا يخاف يبقى مكانه فيلحقني، طبعا طول الطريق حنة وصياح وصراخ بس ماعطيه وجه،، وأحس فادت هالطريقة شوي..

أنت حقريه وسوي فكرة الأخت بأنج ماتاخذين شنطتج معاج،، وأخذي معاج أكل في شنطة صغيرة وقولي له هذا أكلك،، أنا أسوي هالشي لما نجتمع في بيت جدي،، طبعا الفريج قديم ويجوف العيال يدورون والبرادة عند البيت ويقول آبي من البرادة بس آقول له كا الموجود في شنطتك أكله....

أنا بدي إنصحك نصيحـة إبني كان هيكي بس يشوف شغلة بيجيبا وبيقلي ماما هيدي إلي وإذا قلت لأ بيصير يبكي وبيصمم إنوا هيدي إلو

كل مرا بيعمل فيا هالحركة إحكي حكي إنوا لأ ماما هيدي لفلان مش إلك راح يضل يبكي ويقلك لأ هيدي إلي متل ما هوي مصمم إنا إلوا صممي إنا مش إلو بس بالكلام وإنزلي على مستوا وخلي عينك بعينوا مباشرة وصدقيني بيفهم بس بدك طولي بالك

اسعدني تواجدكم وردودكم على مشكلتي ..

فكرة الاسراف والشنطة ومبلغ معين تقريبا جربتها لكن مو بالتزام ،، وهناك المشكلة اليهال كل شوي رايحين رادين من البرادة .. وهو حتى لو راح واشترى له وتوه راجع واللي اشتراه بيده وشاف واحد بيروح البرادة يجي يرمي علي اللي عنده ويقول ماما انا ما ابغي هذا عطيني بيزات بروح البراده مع فلان (w) احيانا لما اخلي احد كبير هناك يخوفه ويقعده مكانه تنفع الطريقة لكن بمجر ما يقوم مثلا هالشخص او يغفل يقوم ولدي ويبتدي الموال ، انا بحاول عموما اسلوب الحقران في هالسالفه :sm229:

وعن سالفة اخذ اغراض الغير انا ما اروح به الا زيارات قليله وتكون للاهل بشكل عام ، وهو لما يشوف لعبة تعجبه يصمم ياخذها وللاسف لما احاول ارجعها وهو يبكي هالاهل يصرون ان اخليها عنده ويقولون كلام يحرجني مثل " يعني انتي تستكرهين ياخذ العاب من عندنا ؟ يعني هو مو ولدنا ؟؟ او من هالاشياء المحرجة ، غير الاكلام اللي مثل ما تغلى عليه وتحت تراب ريوله .. واذا اقوله لهم انا ما ابغيه يتعود على هالطبع قالوا ليي هو بعده صغير وما يفهم لا تخلين شي بخاطره (w)(w)(w)

لكن اخرة رحنا فيها زيارة ، كان في شهر رمضان رحنا بيت اخو زوجي .. وولدي يستحي من عمه وانتبهت له واحنا هناك انه كان ماسك لعبه طول الوقت ويلعب بها وحتى لو اخذ لعبه ثانية يكون ماسك ذيك اللعبه بيده الثانية فعرفت انه ناوي ياخذها معاه .. ولما قربنا نمشي كلمته بيني وبينه وقلت له يالله ماما بنمشي خل اللعبه هني لان عمو ما يرضى ناخذها والحمد لله بدون اي عناد ترك اللعبه ومشينا بدون مشاكل :eyelove:
جربت مرة وحملت له لعبة علشان ما يحمل معاه من العاب الغير لكن تفاجأت فيه انه رمى لعبته واخذ لعبة ولد عمته لان كنا في بيت عمته :21_163:


وحبيت اقول عن الاسراف انها غلطتنا انا وابوه بالمقام الاول وتعرفون اول طفل شلون يتدلع خخخخخخ كان لما يروح مع ابوه البرادة ياخذ اللي يبيه والحساب مفتوح والى الحين يعامله بنفس الطريقة (w) وانا بعد لما اروح بيت اهلي " بيت ابوي العود اقصد " كنت يوم هو صغير واشوف اليهال يروحون يشترون من البراده اقول متى يكبر حسوني ويجي يطلب مني فلوس ويرح البراده مع اليهال وكنت استانس يوم اخلي اليهال يشترون له اي شي ويوم كبر شوي فرحت وكنت اوصي اليهال يمسكونه في الطريق ويودونه البراده واعطيهم فلوس واقول لهم اشتروا له اللي يبغي ولا تخلون بنفسه شي ولما يرجع اذا شاف شي عند ياهل ثاني وقال يبغي مثله مباااااشرة اخلي واحد من اليهال يروحون يشتري له اللي يبغيه وللاسف الحين تعود على هالشي والسبب احنا .. وان شا الله اقدر اتفادى هالشي في تربية اخوه الحين (w)



والله يعيني على حسين اذا راح الروضة وما يسطو على اغراض غيره (w) يا رب انك تهديه

UP





:welcometo3roos: