السلام عليكم ورحمة الله وبركاته
قصتي سلمكم الله بدت فصولها يوم 31 / 8 << رواية مب قصة خخخخ
سرت الدختر للمراجعة وكان موعد ولادتي (واللي أحس إنه خطأ) 25/8 << دختورة الأخت
طبعا الدكتورة (على أساس الموعد اللي عطوني إياه) قالت إني متأخرة
ولازم أسوي تخطيط يومي للبيبي لتاريخ 2/9 وإذا ماربيت قبل بيسوولي
طلق صناعي في هاليوم،، وقبل ما أطلع قالت بتفحص الرحم،،
وسوتلي فحص بس أي فحص،، طلعت عيوني حتى كنت بكسر ايدها لأني كنت ضاغطة عليها خخخخخ
قلت فخاطري إذا الفحص تعبت منه ودمعت كيف الولادة،،
طبعا أنا ماسويتلهم سالفة (بالنسبة للطلق الصناعي) وناس وايد أيدوني
منهم أمي وأم أمي الله يحفظهم ويبارك في عمارهم،،
واستمريت عالمشي اليومي وأتريا متى الله يفرجها لأني مليت،،
خلال يومين 2-3/9 نزلت مني مادة مخاطية فيها لون بني
يوم 4/9 نزلت مني بعد سألت دكتورتي (عيادة خاصة) وقالت إنه بداية طلق
سرت تسبحت وتنظفت وتنعنعت بعد مشوار مشي متعب
ونسيت كلام الدكتورة،،
تعشيت وكنت سايرة أرقد عالساعة 11،، وفجأة<< متأثرة الأخت
نزل مني ماي من الخاطر وتحريت إني -كرمتوا- أبول لا إراديا،،
قلت مابوعي أمي - يالسة فبيت هلي لأن ريلي دوم مغترب وقريب إن شاء الله بنوفر مكان نستقر فيه - غمضتني كانت توه حاطة راسها
وترييت شوي،،
ماشي الماي أبى إلا إنه يتدفق << نعم يابنت بني عبس
جان أربع صوب حجرة أمي وبشويش
أنا: أمي،، أمي،،
أمي: بسم الله ،، شو بلاج،،
أنا: ينزل مني ماي
جان تقفز أمي لأني قلتلها إن الدكتورة قالتلي فيج بداية طلق،،
ويلسنا فحجرتي،، وكل شوي أبدل ملابسي،،
أقول حق أمي أحيد الممرضة كانت تقول للمراجعات إذا فيج ألم بدون ماينزل
ماي ردي البيت،، وإذا الماي نازل يدخلونها غرفة الولادة،،
أمي فديتها ماكانت تباني أسير من وقت عشان مايلعوزوني
بس الماي كان ينزل بكمية كبيرة،،
آخر شي سرنا المستشفى الساعة 12 وبدا الألم - ألم خفيف -
الساعة 12:30
سوتلي الدكتورة فحص رحم وكان مفتوح 1 سم
وكنت أضاربها لأن فحص الرحم كان يعورني وايد،،
قالت لازم تدخلين غرفة الولادة،،
دخلت غرفة الولادة واللي لها رهبتها وهي عبارة عن قسمين اللي داخل فيه 3 حريم
حطوني فالقسم الثاني وكنت بروحي،، حطوا لي جهاز التخطيط عشان يراقبون نبض الجنين
شخصيا حسيت إن الألم كان له 3 مراحل،،
المرحلة الأولى خفيفة ومحتملة نسبيا (مثل ألم الدورة)
المرحلة الثانية أقوى وأصعب (نفس الشي مثل ألم الدورة)
المرحلة الأخيرة ألم الولادة واللي يختلف تماما عن الآلام الأولية
في مرحلة الألم الخفيف كنت أشوف غيري،، اللي تتويع واللي دخلت تربي وتصارخ
حسيت برعب وقلت ياويلي بعدني ماوصلت لهالمرحلة،،
عقب كمن ساعة تقريبا 3 ساعات بدت المرحلة الثانية حسيت ظهري بينقص من الألم
وكنت أزقر الممرضة وأفاتن عليها أقولها عطوني بنج قالت حطينالج بنج خلاص مانروم نزيد
الجرعة وقالت إنهم الحين helpless اسودت الدنيا في عيني وحسيت باليأس يعني بيتم
هالويع لين أربي،، حطت لي أول شي اكسجين في كمامة خضرا واللي حسيت إن مامنه فايدة
استحريت من الكمامة واختنقت،، يت عقب الممرضة وعطتني الاكسجين الثاني (سلندر) وكان نوعا
ما يبرد عليه بس مايخفف الألم،، وأمي حليلها ساير راد تقرا عليه وأنا أقولها أمي أبا عملية
وهي تقول بسم الله عليج ،،وتي الممرضة تقولها ممنوع
وتطلعها،، وخلال هالفترة كنت تعبانة ومدوخة بس من أشوف الدكتورة أزقرها سويلي عملية
خخخخخ
تميت على هالحالة أغفل شوي يوم يخف الألم ومن يرد أفجج عيوني،، ماكنت أشوف عدل من
التعب والرقاد ويوم أحس بايد أمي عليه أحس بالراحة شوي،،
الممرضة كانت قايلتلي when you feel like pushing tell me
عاد أنا ماصدقت كل شوي أقولها تعالي أحس إني بربي ويوم تشوفني تقولي بعدج
بس آخر شي حزة الجد حسيت بالpushing اللي تقصده هي
Daaaaaaaaarling he is comingمتفيجة تتكلم عنجريزي خخخخ
يت حليلها: ها (اسمي) شو فيه<< ملت مني حليلها كل شوي أزقرها عالفاضي شرات قصة الولد الجذاب
يوم شافت تحت تمت هي تصارخ دكتووورة ولادة
نسيت أقولكم إنهم حطوني على شبرية ثانية -سرير- يوم كانت اللآلام متوسطة
جهزوا المكان للولادة والدكتورة تقولي ادفعي
حاولت ماطلع شي،، قالتلي هادي مادفعة يا (اسمي)
ادفعي أكتر،، جان أقولها في شي مبين عشان أتشجع<< ولو ماكان شي مبين بتوقفين يعني خخخخ
قالتلي أيوة راسه مبين ولو عاوزة بسرحه كمان
حاولت وماطلع وسمعتها تقولهم هاتوا المقص its rigid
لاااااا مابا خياطة وجان أرد ع ورا << متفيجة تصارع
بس مطوني وخلصت الدكتورة شغلها وقالت ادفعي الحين
عطيتها كمن وحدة وحسيت بشي حااااااار وأخيرا شفت خلوفي فديته وهو يطلع بس الصورة كانت ضبابية << أرصاد جوية مب ولادة
شفته معلق والحبل السري نازل منه،، نظفوه شوي وراووني إياه وودوه الحضانة عشان ينظفونه عدل،،
خيطت اليرح (الجرح) وقالتلي ارتاحي، رقدت وكل شوي أفتح عيوني أدور أمي،،
عقب يت أمي فديتها وباستني
وطلعت عقب كمن ساعة للغرفة الخاصة عشان أتنظف وبدوا الزوار يهلوووون
نسيت أقولكم إن ريلي كان متواجد طوال فترة الأحداث وكان خايف عليه
وما ارتاح الا يوم أمي بشرته إني ولدت،،
ملاحظة: أشيا ساعدتني شوي وخففت الألم لو بنسبة بسيطة:
1- طبعا الألم مايكون مستمر ايي ويروح ،، يوم كان يزيد آخذ نفس عميق (بدون دفع) وأتريا لين يقل
الألم،، فالبداية بتحسين إن الألم يزيد بس بعدين يقل،،
2- في نوبة الألم أقول (اللهم هذا بذنبي فاعف عن كثير) وفي فترة الراحة أدعي للي طلبوا مني أدعيلهم خاصة وللكل عامة،، وخصيت أمي بالدعاء بعدما عانيت
الأمرين،، ودعيت لولدي فديته،،
3- حزة الولادة سمعت كلام الدكتورة وماصارخت لأن الولادة متعبة ويبالها طاقة وكلما شديتِ حيلج كلما خلصتِ الولادة أسرع،،
وتوتة توتة خلصت الحدوتة
والسموحة عالإطالة :)
قصتي سلمكم الله بدت فصولها يوم 31 / 8 << رواية مب قصة خخخخ
سرت الدختر للمراجعة وكان موعد ولادتي (واللي أحس إنه خطأ) 25/8 << دختورة الأخت
طبعا الدكتورة (على أساس الموعد اللي عطوني إياه) قالت إني متأخرة
ولازم أسوي تخطيط يومي للبيبي لتاريخ 2/9 وإذا ماربيت قبل بيسوولي
طلق صناعي في هاليوم،، وقبل ما أطلع قالت بتفحص الرحم،،
وسوتلي فحص بس أي فحص،، طلعت عيوني حتى كنت بكسر ايدها لأني كنت ضاغطة عليها خخخخخ
قلت فخاطري إذا الفحص تعبت منه ودمعت كيف الولادة،،
طبعا أنا ماسويتلهم سالفة (بالنسبة للطلق الصناعي) وناس وايد أيدوني
منهم أمي وأم أمي الله يحفظهم ويبارك في عمارهم،،
واستمريت عالمشي اليومي وأتريا متى الله يفرجها لأني مليت،،
خلال يومين 2-3/9 نزلت مني مادة مخاطية فيها لون بني
يوم 4/9 نزلت مني بعد سألت دكتورتي (عيادة خاصة) وقالت إنه بداية طلق
سرت تسبحت وتنظفت وتنعنعت بعد مشوار مشي متعب
ونسيت كلام الدكتورة،،
تعشيت وكنت سايرة أرقد عالساعة 11،، وفجأة<< متأثرة الأخت
نزل مني ماي من الخاطر وتحريت إني -كرمتوا- أبول لا إراديا،،
قلت مابوعي أمي - يالسة فبيت هلي لأن ريلي دوم مغترب وقريب إن شاء الله بنوفر مكان نستقر فيه - غمضتني كانت توه حاطة راسها
وترييت شوي،،
ماشي الماي أبى إلا إنه يتدفق << نعم يابنت بني عبس
جان أربع صوب حجرة أمي وبشويش
أنا: أمي،، أمي،،
أمي: بسم الله ،، شو بلاج،،
أنا: ينزل مني ماي
جان تقفز أمي لأني قلتلها إن الدكتورة قالتلي فيج بداية طلق،،
ويلسنا فحجرتي،، وكل شوي أبدل ملابسي،،
أقول حق أمي أحيد الممرضة كانت تقول للمراجعات إذا فيج ألم بدون ماينزل
ماي ردي البيت،، وإذا الماي نازل يدخلونها غرفة الولادة،،
أمي فديتها ماكانت تباني أسير من وقت عشان مايلعوزوني
بس الماي كان ينزل بكمية كبيرة،،
آخر شي سرنا المستشفى الساعة 12 وبدا الألم - ألم خفيف -
الساعة 12:30
سوتلي الدكتورة فحص رحم وكان مفتوح 1 سم
وكنت أضاربها لأن فحص الرحم كان يعورني وايد،،
قالت لازم تدخلين غرفة الولادة،،
دخلت غرفة الولادة واللي لها رهبتها وهي عبارة عن قسمين اللي داخل فيه 3 حريم
حطوني فالقسم الثاني وكنت بروحي،، حطوا لي جهاز التخطيط عشان يراقبون نبض الجنين
شخصيا حسيت إن الألم كان له 3 مراحل،،
المرحلة الأولى خفيفة ومحتملة نسبيا (مثل ألم الدورة)
المرحلة الثانية أقوى وأصعب (نفس الشي مثل ألم الدورة)
المرحلة الأخيرة ألم الولادة واللي يختلف تماما عن الآلام الأولية
في مرحلة الألم الخفيف كنت أشوف غيري،، اللي تتويع واللي دخلت تربي وتصارخ
حسيت برعب وقلت ياويلي بعدني ماوصلت لهالمرحلة،،
عقب كمن ساعة تقريبا 3 ساعات بدت المرحلة الثانية حسيت ظهري بينقص من الألم
وكنت أزقر الممرضة وأفاتن عليها أقولها عطوني بنج قالت حطينالج بنج خلاص مانروم نزيد
الجرعة وقالت إنهم الحين helpless اسودت الدنيا في عيني وحسيت باليأس يعني بيتم
هالويع لين أربي،، حطت لي أول شي اكسجين في كمامة خضرا واللي حسيت إن مامنه فايدة
استحريت من الكمامة واختنقت،، يت عقب الممرضة وعطتني الاكسجين الثاني (سلندر) وكان نوعا
ما يبرد عليه بس مايخفف الألم،، وأمي حليلها ساير راد تقرا عليه وأنا أقولها أمي أبا عملية
وهي تقول بسم الله عليج ،،وتي الممرضة تقولها ممنوع
وتطلعها،، وخلال هالفترة كنت تعبانة ومدوخة بس من أشوف الدكتورة أزقرها سويلي عملية
خخخخخ
تميت على هالحالة أغفل شوي يوم يخف الألم ومن يرد أفجج عيوني،، ماكنت أشوف عدل من
التعب والرقاد ويوم أحس بايد أمي عليه أحس بالراحة شوي،،
الممرضة كانت قايلتلي when you feel like pushing tell me
عاد أنا ماصدقت كل شوي أقولها تعالي أحس إني بربي ويوم تشوفني تقولي بعدج
بس آخر شي حزة الجد حسيت بالpushing اللي تقصده هي
Daaaaaaaaarling he is comingمتفيجة تتكلم عنجريزي خخخخ
يت حليلها: ها (اسمي) شو فيه<< ملت مني حليلها كل شوي أزقرها عالفاضي شرات قصة الولد الجذاب
يوم شافت تحت تمت هي تصارخ دكتووورة ولادة
نسيت أقولكم إنهم حطوني على شبرية ثانية -سرير- يوم كانت اللآلام متوسطة
جهزوا المكان للولادة والدكتورة تقولي ادفعي
حاولت ماطلع شي،، قالتلي هادي مادفعة يا (اسمي)
ادفعي أكتر،، جان أقولها في شي مبين عشان أتشجع<< ولو ماكان شي مبين بتوقفين يعني خخخخ
قالتلي أيوة راسه مبين ولو عاوزة بسرحه كمان
حاولت وماطلع وسمعتها تقولهم هاتوا المقص its rigid
لاااااا مابا خياطة وجان أرد ع ورا << متفيجة تصارع
بس مطوني وخلصت الدكتورة شغلها وقالت ادفعي الحين
عطيتها كمن وحدة وحسيت بشي حااااااار وأخيرا شفت خلوفي فديته وهو يطلع بس الصورة كانت ضبابية << أرصاد جوية مب ولادة
شفته معلق والحبل السري نازل منه،، نظفوه شوي وراووني إياه وودوه الحضانة عشان ينظفونه عدل،،
خيطت اليرح (الجرح) وقالتلي ارتاحي، رقدت وكل شوي أفتح عيوني أدور أمي،،
عقب يت أمي فديتها وباستني
وطلعت عقب كمن ساعة للغرفة الخاصة عشان أتنظف وبدوا الزوار يهلوووون
نسيت أقولكم إن ريلي كان متواجد طوال فترة الأحداث وكان خايف عليه
وما ارتاح الا يوم أمي بشرته إني ولدت،،
ملاحظة: أشيا ساعدتني شوي وخففت الألم لو بنسبة بسيطة:
1- طبعا الألم مايكون مستمر ايي ويروح ،، يوم كان يزيد آخذ نفس عميق (بدون دفع) وأتريا لين يقل
الألم،، فالبداية بتحسين إن الألم يزيد بس بعدين يقل،،
2- في نوبة الألم أقول (اللهم هذا بذنبي فاعف عن كثير) وفي فترة الراحة أدعي للي طلبوا مني أدعيلهم خاصة وللكل عامة،، وخصيت أمي بالدعاء بعدما عانيت
الأمرين،، ودعيت لولدي فديته،،
3- حزة الولادة سمعت كلام الدكتورة وماصارخت لأن الولادة متعبة ويبالها طاقة وكلما شديتِ حيلج كلما خلصتِ الولادة أسرع،،
وتوتة توتة خلصت الحدوتة
والسموحة عالإطالة :)