حلم يرادوني اكثر من مرة
ب
14-11-2007 | 09:20 AM
سلام عليكم ،،
شلونكم أخواتي ،،
بصراحة مادري شنو اقول لكم بس هذي مو أول مرة الي أحلم فيها
يمكن من زود ماحب زوجي صرت احلم جذي حتى مرات لما اخبره يظل يضحك علي
الحمد لله آنا احبه وهو يحبني لدرجة ماتتصورونها
اليوم بعد ما راح لدوامه وآنا عندي اجازة الميد تيرم من الجامعة
ماعرف يمكن أحلام يقضة
المهم حلمت أنه زوجي متزوج علي، وهو ما خبرني بس شفته نازل وسمعت صوت السيارة
وما طلعت الا اهل العروس جايين وبيروح وياهم مشاوير التجهيز وكان ذي في بيتنا
ودخلت الصالة لقيت كل العائلة متجمعين وكأنه مصيبة طايحة على رأسهم
قعدت في الوسط على يساري أبوي وبعدين ناديته وقمت اصيح
وقلت له يوم ملجتي أبوي قال لك هذي أمانة وأنت خنت بالأمانة
وماعرف شنو من هالكلام
وقلت له ابي جواب والحين اما انا او اهي ؟
هو ما جاوب وكان منزل رأسه وقام يقول لي بس انا احبج
قلت له شلون تحبني وانت تزوجت علي ؟
المهم شكله راح وماعطاني جواب،
سوو حفلته بنفس الصالة الي سوو فيها حفلتنا وآنا رحت له
ركبت على الكوشة قلت له عرفت جوابك ورديت علي بطريقة تقتل
بس ارجوك لا تقتلني ببطء وتعذبني
ومشيت عنه
وما اذكر انه بعدين صار بيني وبينه اي تواصل
مجرد انه كانوا اهله كلهم وافقين وياي لان الحمد لله يحبوني ويموتون فيني
هالحلمة وايد مسببة لي ازمة ومادري ليش تتكرر
يمكن لان اني افكر في هالموضوع ؟
والله لانه البارحة كنت سامعة عن وحدة زوجها متزوج عليها ؟
طمنوني
ا
14-11-2007 | 11:01 AM
انصحج ماتفكري بهالطريقه وابعدي الشك عنج إذا ريلج زين وياج وكل الامور تمام إن شاءالله مابيتزوج عليج ولاشي
ا
14-11-2007 | 01:27 PM
ابعدي هذه الاوهام عن راسك ولا تخليها تاثر عليك
اهتمي بزوجك واهتمي بنفسك وطالما هو بتحبك وانتي مو مقصرة معاه فاكيد ماراح يتزوج عليكي
الله يوفقك
اهتمي بزوجك واهتمي بنفسك وطالما هو بتحبك وانتي مو مقصرة معاه فاكيد ماراح يتزوج عليكي
الله يوفقك
¤
14-11-2007 | 01:56 PM
وعليكم السلام ورحمة الله وبركاتة
هلا اختي
أنتي لاتفكرين ابد بهالاشياء وربي يوفقكم ويسعدكم دنيا وآخره
هلا اختي
أنتي لاتفكرين ابد بهالاشياء وربي يوفقكم ويسعدكم دنيا وآخره
أ
14-11-2007 | 02:43 PM
أنتي لاتفكرين ابد بهالاشياء وربي يوفقكم ويسعدكم دنيا وآخره
D
14-11-2007 | 03:02 PM
اه يا اختي دخييييييييييلج لا تفكرين بهذي الطريقه ترا والله الريال يزهق من كثر الشك.. و بعدين هذي احلام من الشيطان مب رؤيا ..
ليش ما سمعتي ان ابليس اهم شي عنده يفرق بين الزوج و زوجته .. فإنتبهي و عليج بالصلاه و اقري آيه الكرسي قبل ما تنامين..
والله يسعدكم ان شاء الله و يوفقكم لبعض و يبعد زوجك عن بنات الحرام..
اختج ليلي دبي
ليش ما سمعتي ان ابليس اهم شي عنده يفرق بين الزوج و زوجته .. فإنتبهي و عليج بالصلاه و اقري آيه الكرسي قبل ما تنامين..
والله يسعدكم ان شاء الله و يوفقكم لبعض و يبعد زوجك عن بنات الحرام..
اختج ليلي دبي
ب
14-11-2007 | 04:43 PM
اوهــــــــــــــام .. لانك تفكرين كثير بالموضوع
وشاغل بالك عشان كذا ينعكس عليك بالحلم
انتي جربي انك تقنعي نفسك انه وهم
وان شاء الله مراح تشوفيه ابددد
تحياتي
وشاغل بالك عشان كذا ينعكس عليك بالحلم
انتي جربي انك تقنعي نفسك انه وهم
وان شاء الله مراح تشوفيه ابددد
تحياتي
ب
15-11-2007 | 10:47 AM
أشكركم اخواتي على المرور
بصراحة اني ما افكر في الموضوع نفسه
بس اني سامعة عن بنات اعرفهم انهم انفصلوا
وبعضهم تزوجوا مرة ثانية
فالحلم اغلبه ينطبق على بنات اعرفهم
ولما سألت وفسرت الحلم
قالوا لي تعاطفاً وياهم
بس الحمد لله اني تغلبت على الوضع
ومابي شئ يأثر علي لاني ولله الحمد مرتاحة في حياتي لآخر درجة
ق
15-11-2007 | 11:10 AM
بـنـت الـشـيـوخ
الحمد لله آنا احبه وهو يحبني لدرجة ماتتصورونها
ما يحسد المال إلا اصحابه ...
و الله يوفقكم دوم و يسعدكم و يهنيكم ..
اختج
قصايد دبي
الحمد لله آنا احبه وهو يحبني لدرجة ماتتصورونها
ما يحسد المال إلا اصحابه ...
و الله يوفقكم دوم و يسعدكم و يهنيكم ..
اختج
قصايد دبي
ب
15-11-2007 | 12:21 PM
قصايد دبي
لا مو حسد
اللهم صلي على محمد وآل محمد
بس لو ماذكرت هالشئ جان يمكن يجي في بال البعض
أنه بسبب مشاكل او شئ الله لا يقوله
واشكرش على مرورش
تحياتي
h
15-11-2007 | 12:23 PM
حبيبتى شيلى الافكار دى من دماغك انتى بتحبى زوجك وهو بيحبك لدرجة ما نتصورهاش
فلية كل دة
ماشاء الله عليكم اختى
فلية كل دة
ماشاء الله عليكم اختى
ب
15-11-2007 | 12:31 PM
halakhaled
اني سمعت من فترة انه اذا احد يفكر في شئ قبل لا ينام يحلم فيه
ثانياً انا اعتبرتها ذي أحلام يقظة
وخصوصاً انه مالها وجود ولا أي أثر في الواقع
فحرام بصراحة أخرب حياتي وإلا أحطمها بسبب حلم
وأني الي واثقة من زوجي
وما راح اسمح لذرة شك تتسلسل لحياتي
^_^
دعواتكم لي بالتوفيق
تحياتي
ي
15-11-2007 | 06:40 PM
اضغاث احلام فقط بعدين
1 الحلم بكون اشرات مابكون نفس مابتشوفيه
2بجوز تلحمي بشخص صار معاه نفس القصه وانت تعاطفتي معها
3او شي انتي بتخافي منه كتير
1 الحلم بكون اشرات مابكون نفس مابتشوفيه
2بجوز تلحمي بشخص صار معاه نفس القصه وانت تعاطفتي معها
3او شي انتي بتخافي منه كتير
ا
16-11-2007 | 02:44 AM
ترا امي دايماتقولي لاتزوج زوجك في المنام معناه الدنيا ختكون طيبه لكم كلكم