الطفل الثاني

هل تفكرين بالانجاب ثانية؟ظ و بسرعة ام تريدين الراحة؟

طبعا ودي بالولد الثاني اليوم قبل باجر ! .. مافي احلى من نعمة الاولاد الحمدلله .. يارب يعطي كل محرومة !

وهل يكون خبر المدام حامل للمرة الثانية كالمرة الاولى؟؟

و الله ما جربت المرة الثانية ، بس اتوقع انه مثل الشي و بالنسبة لي حتى لو كان الحمل بدون تخطيط !

باختصار ماهي المدة المناسبة للراحة بين الحمل الاول والحمل الثاني؟

يقولون الحريم الكبار انه اذا صار عمر الولد الاول سنة حلو الوحدة تحمل عشان يصير التعب واحد و تكون اعمارهم متقاربة .. بس الحين الحياة تبدلت عن قبل .. و صارت الاغلبية لما يصير عمر الاول سنتين تحمل بالثاني ..

موضوع حلو .. و ادري مروري الاحلى خخخخ !

بتكلم عن تجربتي انا تعبت في االاول وقلت تووووووووووووووووووبه احمل
فعلا خايفه احمل لانه ريلي ماخلانى اخذ حبوب بمووووووووووووووت لو حملت خاصه انه سليمانى معذبني واكبر دليل انى يالسه اهزه عشان ينام ويالسه اكتب بنفس الوقت ..واليوم ابد مانمت ماتتخيل اعييييييييد القصه من جديد لا والف لا لين ماانسى اللى استوى وانس ى الم الولا دة بس احلى لحظة ابيها نعاد وهى الحظه اللى طلع منى ونظتله اههههههههههه مااحلاها لحظة حللللللللللللللللوة

انا بعد حملي الاول خذت مانع مدة سنتين وتسع شهور عقب حملت بولدي .. يعني بينه وبين اخته

الحين ثلاث سنوات ونص بالضبط .. ادري فررق كبير .. بس وقتها اضطريت اخذ مانع علشان اخلص

دراستي ..

بس تبون الجد احس ينكسر خاطري لما اشوف الفرق بين بنتي واخوها .. خاصه اني ع بال مااجيب

اخت لبنتي بيكون عمرها كبير مررره .. بس الحمد لله ع كل حال ..

أنا ماعندي غير ولدي ربي يحفظه حملت به بعد الزواج ب 3 شهور والحين له 3 سنوات وأربع شهور ،، كنت رافضة فكرة الحمل لغاية السنتين و3 شهور وبعد 5 شهور من المحاولات حملت وماصار لي شهرين الا أجهضت.. بس لما عرفت مرة ثانية أني حامل كنت باطير من الفرحة مو مصدقة والله يمكن أكثر من المرة الأولى، لأن بالمرة الأولى ماكنت أتوقع اني أحمل من أول محاولة والثاني نطرته من شهر،، بس الحين أكيد لو يقولون لي حامل باطير من الفرحة،، العيال حلوين،، أنا تأخرت بالحمل على ولدي لأني أشتغل وماعندي غير أمس تمسكه الصبح وأنا من النوع اللي أعتمد على الخدم فكانت المسئولية كبيرة وأنا وزوجي كنا صغار بالسن وتونا في بداية حياتنا...

بس الحين تحسفت أني تأخرت عليه، لأن الحين لين يشوف أطفال على عمر السنتين قال ذول بيبيات طيب أخوه أو أحته شنو بيقول عيل عنهم دام بينهم 4 سنوات وأكثر إذا الله عطانا...

فنصيحة الوحدة لاتتأخر بالحمل الثاني وايد...

موضوعج صج حلو، أنا عن نفسي لما ولدت ببنتي والله قلت خلاص ما اتوقع اني اعيدها ، انواع العذاب وقلة الخبرة من الوحام اللي ما خلص لين ولدت الى حساسية الحمل الى آلام الولادة الى آلام الرضاعة الى انتفاخ الصدر وبعدها العملية اللي في الصدر بسبب الانتفاخ ويتبعها السهر والصياح، بس الحين صار بنتي عمرها 3 سنين وخمس شهور صارت تكسر خاطري كل ما اشوفها بروحها بلا أنيس لعبها معاي اكلها معاي صداقتها معاي صارت تتكلم اكبر من سنها صرت اتمنى اني افرحها بونيس في البيت، بس نصيحتي للأمهات الجدد انهم بعد السنتين يفكرون على طول في الحمل عشان الطفل الاول ما يظل الحاله وما تبكر قبل السنتين عشان عطي نفسها فترة نقاهة وتتفرغ الى نفسها شوي.
والسموحة على الاطالة

السيرة هذي حقيقة تخووووووووووووف !!!! انا حقيقة ما تمتعت بشي اسمه زواج من اول 5 ايام وانا حامل ... الحمد لله الوحام كان عادي ... بس في الولادة والاربعين يوم شفت الويل .... الجرح ما برا الا بعد 30 يوم غير كدة البواسير تعبتي كثير ... كل ما ادخل الحمام اقضي حاجتي ابكي واتعذب
40 يوم انا ما شفت غير الغذاب وعدم النوم ,,,
والي الان انا اعاني من البواسير بسبب ضغط الجنين في الولادة ... كل ما يكون عندي امساك ... اجلس ابكي واتعذب ... احب وافكر اجيب اخ لوسام ونفسي اجيب 4 عيال بس بدون تعب والم .... وهذا مستحيل ...

انا حقيقة بس وسام يكمل سنتين ونص بعدين بافكر ... بس ما اعتقد باجيب اكثر من 2 ابدا ... العيال حلوين و سعيدة جدا ان ربنا رزقني بابن بس حقيقة التعب الجسماني الي مريت فيه زيادة على قدرتي واحتمالي ...

وهل يكون خبر المدام حامل للمرة الثانية كالمرة الاولى؟؟

ما اعتقد ان زوجي بايفرح كثير ... لانه هو من الان يخاف من فكر الانجاب مرة ثانية ... هو يريد عيال ونفسة في 4 بس من العذاب الي كان فيه معي ,, صار يخاف ...

انثى
الله يعطيك عيال قد ما تبي
ويعطينا صبرك


وهج الحب
انا مثلك خايفة من شي اسمه الحمل
وكل شهر اموووت عبال ما تجي الدورة
واطير من الفرح
خبرج بنتي لسا ياهل صغيرة
وترى فدوكتي اكبر من سليمانج بستة ايام

alzanbaq
اكبر قلب
هذه السالفة انا الفرق يصير وايد والبيبي ييلس بحاله
ماله ونيس غير الام ويمكن هالشيء يكبره قبل اوانه

ام وسام
وانا مثلج بعد حملت من بداية زواجي
واحس اني ما استانست ابد
وحام وتعب وشتاء ( كلما اتذكر الشتاء ياي احس بلوعة لاني اذكر اوحامي العام الماضي)
لااااااااااااااااا وملابسي اغلبها ضاقت علي وما لبستها الا اللحين بعد الولادة

رانيا
معاك حق يالله احنا بنتعب بنتعب
انخلي التعب قريب احسن
ع قولت الكبار (حطو التعب على التعب)

انثى
وهج الحب
اكبر قلب
الزنبق
رانيا البحرينية
ام حبيبي وسام

نورتووووووووووووو
ومشكورييييييييين حبيباتي

الغالية ام فدوكة بصراحة طرح جميل ويستحق التوقف عنده والمناقشة فيه للإفادة،،،
اول شي حبيت اقول رغم صعوبة مراحل الحمل وآلام الطلق والولادة الا انها تجربة تستحق التكرار وبصراحة لولا نعمة الأولاد وشعور الأمومة لما جربنا الحمل مرة اخرى.
وهل يكون خبر المدام حامل للمرة الثانية كالمرة الاولى؟؟
انا ولله الحمد حامل للمرة الثانية والشعور مثل ما هو فرحة الله يديمها علينا.
باختصار ماهي المدة المناسبة للراحة بين الحمل الاول والحمل الثاني؟
من رايي سنه وشوي عشان يربون مع بعض، حالياً عمر ولدي سنه ونص الله يعطيه طولت العمر ولين موعد ولاتي ان شاء الله بيكون كمل السنتين.

وتشكرين انتي والاخوات على المشاركة.

بصراحه شديده على تعب الحمل و الولاده واللي اكبر عنه التربيه والسهر وتغير حياتي 180 درجه قلت لو الامر بايدي كنت باكتفي بطفل واحد...بس ريلي طبعا يبغي اكثر...واحيانا يوم اشوف بيبيات اتوله ان يكون عندي بيبي بهال سن..حمودي كمل سنه و 3 شهور...بس بعده صغير ومتعب جدا...مادري فكري متشتت من هالناحيه جدا....يعني احيانا ما ابا احمل واحيانا اقول انتظر شوي..واحيانا اقول يمكن الوقت صار مناسب...الموضوع صعب بالنسبالي...بس اللي بيحكم فيه هو رب العالمين..يعني اذا كتب انه يرزقني وفي الوقت اللي يريده انا قانعه و راضيه واحمده على احلى نعمه و هديه...وبالنسبه لفرحتي عند سماع الخبر..مادري والله اتوقع بطير من الفرحه مع خوووووف في نفس الوقت...ادري خربطت وايد بس والله هالامر ملخبطني خايفه اتريا وايد مسكين ولدي يكبر من غير اخوان..وخايفه استعيل وتطلع عيني :(وفي نفس الوقت ريلي يحن يبغي بيبي ثاني وانا اتهرب خخخخ عشان جذيه خليها لرب العالمين متى ما اراد ومتى ما شاء..عالاقل طلعت شويه من فتره الخطر..يعني لو حملت الحين ولدي بيكون سنتين يوم اولد يعني..مثل الفرق بيني وبين اختي...فرق حلو

الله يرزق كل نساء المسلمين يا رب العالمين..ولا يحرم اي انثى من احلى شعور في الدنيا

خخخخخ بنات مادري شو فيني..افكاري متلخبطه...خايفه اكون عن جد حامل

:21_184:

الموضوع هذااا مخوفني وااااااااجد
كله على بالي وأفكر ليل ونهااار..
انا طبعي ما أحب العايلة تكون كبيرة
يعني عندي 5 أفراد واااجد بعد..
وبنتي بعدها صغيرة يعني توها في 8 شهور
ومع اللي شفته من عذاب الحمل والولادة
مخليني دوووم أفكر كم بتكون المدة بينها وبين تفكيري
بالحمل الثاني..زوجي يبا على الاقل 3 سنين وبعدين
نفكرررر بالأولاد..
لأن اخواتي ما يفصلون بين عيالهم غير بسنه بس
وشايفتهم مستجنين منهم..كله صراخ وتعب ما يخلص
بعدين أحسهم مو متفرغين لحالهم ..كان عندهم الوحده
تجيب اولاد لييين خلاص تطلع روحها خخخخخخ
انا لااااااا.... احب التنظيم وما فيها شي لو اكتفيت
ب3 أولاد.. بس الفرق بينهم هذا اللي محيرني!!!
اتوقع بيكون 3 سنوات أفضللل يعني بتكون الوحدة
تفرغت شوي لحالها من هم الرضاعة والوزن
الزايد سنه نقاهه خخخخخ بعدين
تحمل وهي مستعدة نفسياً ..ومو فرق كبيرررر
متوسط ..الحين الجهال يبالهم طولة باااااااااااال
وصبر واحنا نباهم مثاليين في كل شي
وهذا ما يصير بين يوم وليله...
خخخخخخخخخ قلبت الموضوع.
الله يرزق كل محروووم بالذرية الصالحة
المعافاة ياااااااااارب

موضوع وايد مهم مشكورة اختي على طرحه

انا عندي ولد عمره 3 سنوات و4 شهور

وما افكر في شي اسمه حمل الحين

ولدي وايد متعب في كل شي

ومانسيت تعب الحمل والولادة والرضاعة

والسهر ومرض ولدي كان عنده لين عظام وتعالج والحمد لله صار زين

والحين بعد عنده فتق سري ويحتاج عملية في نهاية السنة الجديدة بنسويها له

يعني وراي 100 شغلة والي شفته خلاني اكررررررره الحمل وانا حملت بداية زواجي وطول حملي تعبانة

وفي نهاية الشهور طلع لي بواسير ولحين اعاني منها مثل الاخت ام وسام

يعني انا ابي احمل مرة وحدة بسس اتمنى اجيب بنت عشان يصير عندي ولد وبنت بسسسسس

وما راح افكر في الحمل مرة ثانية الا لين يصير عمر ولدي على الاقل 8 سنوات

لانة الحمل مهما كانت فترة متعبة هي فترة 9 شهور وتعدي

والولادة بعد مهما كانت متعبة بعد هي فترة وراح تعدي

لكن التربية الي ما راح تكون لها نهاية لين عيالنا يتزوجون كبرت الموضوع خخخخخخ

وطبعا الحين الحياة صعبة جدا والاوضاع متعبة والاطفال يبي لهم طولة بال وصبر ورعاية واهتمام

وانا كنت مخططة وية زوجي في البداية ان نجيب 3 اولاد

بس الحين كنسلنا الثالث وبجيب الثاني لين ولدي يروح المدرسة

وبالنسبة لفرحتنا في الحمل الثاني اعتقد ان راح نطير من الفرحة انا وزوجي

لكن بتكون فرحة معكرة بالتفكير والمحاتاة

ومشكورة اختي على طرح الموضوع

موضوع حلو ومهم للمناقشة..

بالنسبة لي يمكن اكون خارج نطاق الموضوع .. لكن ممكن افيدكم بتجربتي.. شنو كنت اشوف وشنو صار لي..

قبل ما احمل كنت دائما اقول حلاته الطفل يتم محور اهتمام امه لعمر 3 سنوات.. وقتها يطلع من حضن امه عادي..
يعني كنت افكر بالحمل لما يكون عمر الولد سنتين وكم شهر.. 3 او 4 شهور..

بس اللي صار انه حملت قبل بسنة من تخطيطي.. وما بقول بالغلط .. كله رزق من رب العالمين الحمدلله..

اول شيء شفته ان الحمل الثاني كان متعب بصورة ما تخيلتها والسبب طبعا هو ان جسمي ما امداه يرتاح من الحمل والولادة الاولى.. ( افكر بس في اللي حملوا وعيالهم ما كملوا سنة شلون تعبهم ؟ )

والشيء الثاني والاهم هو ان ولدي مووووتني من تأنيب الضمير وزودتها في تدليله لأن كله ببالي اني ظلمته ومن هالقبيل .. والنتيجةانه صار دلوع جداً، ومع موعد ولادتي كان بعمر السنتين وشهرين.. تمرد علي بصورة كبيرة بسبب الدلال اللي عيشته فيه قبل الولادة.. الاعتدال مطلوب دائماً..

وعن التربية.. الحمدلله.. تعذبت ف البداية لما كانت بنتي اصغر.. بس الحين يوم كبرت وقريب تكمل السنة.. وايد اعتدلت الامور.. وصاروا يلعبون مع بعض.. احلى اللحظات لما اشوفهم يلعبون مع بعض.. الحمدلله على النعمة ..


وعن الفرحة.. للاسف انا ف البداية تعكر مزاجي وايد لأن كنت ارضع ولدي طبيعي وصار لازم اوقفه، وبنفس الوقت كنت ابحث عن عمل والحمل خلاني اوقف عن بحثي.. لكن بعدين لما اخزيت ابليس وكبر النونو وسمعت نبضه.. حلّت علي الامومة ومتت عليه ..


ووووو
بس خلاص ما افكر اييب حالياً غيرهم !
خلهم يكبرون واتفرغ لتربيتهم.. وبعدين لين راحوا المدرسة وتأكدت اني مشتاقة لبيبي من قلب.. راح اييب لهم نونو صغير يستانسون فيه..

هذا كلام الحين.. وادري فيه صعب التحقيق في ظل عدم استخدام وسيلة منع حمل مضمونة..
بس بسوي الي اقدر عليه والباقي على الله

موضوعش حلو.........بنتي عمرها سنه واسبوع ,,,وووانا ابي احمل عليها بس زوجي مو براضي.ززقال لما تكمل سنتين......بس برد احاول ما ابي يكون وايد فرق بين اولادي مثلنا انا وخواتي بيناتنا كله سنتين وبعضنا اشهر الحمل بس

الطفل الثاني كنت مفكرة فيه وانا اولد بالاول ههههههههه على الرغم من شدة الالم وطول وقت الطلق بس سبحان الله
كان نفسي اعيد التجربة واكيد فرحتنا بخبر حمللي بالاول غير الفرحة بالتاني سبحان الله يمكن لاننا خلاص عندنا طفل ومو خايفين من طووول فترة الانجاب

واول ولدين جيبيهم على الاقل بينهم سنين اريح الك ولطفلك كمان الاول بيكون نوعا ما تدلل

والله يرزق كل محرووومة يارب

انا بين اولادي ثلاث سنين
الاول عمره ثلاث سنين والثاني اربع شهور
مع اني حملت بالغلط بس هذي احلى غلطه والحمد لله

والله يالسه يا ام فدوكه اقرا ردرد البنات وبطنى فيه مغغغغغغغغغغغغغغغغغغغص يمكن لانه احنا بعدنا عيالنا وااايد صغار ولازم مانتلكم عن الطفل الثاني ...لازم نهتم بسليمان وبفدك وبسسسسسسسس ولالالالا والف لالالالا للطفل الثاني حااللياااا انا مانسيت يوم كان مزجم كيف طلع عيني واليوم موووول مارقدت الا الظهر وعلى فرات متقطعه ومتقاربه وادري انه فدك فديتها لما مرضت بعد جنننتج بس يلا تراهم ونعمه ولازم نشكر الله على النعمه لانه بالشكر تدوم النعم

انا اذا بفكر في طفل بيكون هذا الطفل الثالث :21_201:

الحمد لله عندي اطفال اثنين " اولاد " ، الفرق بينهم سنتين و8 اشهر وكنت اتمنى يكون الفرق اكبر لكن الله كتب يصير هالشي :1_3:

التعب صراحة كبيييير في الحمل الثاني عن الاول ، والتربية ايضا متعبببببببة جدااا وبالذات في فترة الاربعين او اول شهرين كانت معاناتي وايد صعبة معاهم ، غير ان كنت اعاني من اكتئاب طول فترة الحمل تقريبا وبعد الولادة استمر معاي الاكتئاب لاكثر من 8 اشهر (w)

وانا اتبع وجهة النظر اللي تقول خلي فرق مناسب بين الاطفال واعتني بواحد وتعبي عليه بروحه ولا تنجبين ورا بعض وتتعبين معاهم لان تربية طفل واحد والتعب عليه غير تماما عن تربية طفلين والتعب عليهم :sad:

عموما انا اشوف ان فرق 3 سنوات بين الاخوة جدا مناسب ، بالذات بين الطفل الاول والثاني .. اما من بعد الثاني فعادي الوحدة تتأخر اكثر لان بيكون الطفلين مونسين بعض الا اذا كانوا مثلا ولد وبنت وغير منسجمين مع بعض حزتها الوحده عادي لو فكرت تنجب بعد 3 سنوات :21_92:


وانا شخصيا ما زلت طالبة ،، وللاسف الانجاب اثر على دراستي بشكل كبير ويمكن لو ما انجبت اطفال كنت تخرجت وتوظفت حتى .. لكن الانجاب عطل مسيرتي الدراسية (w)(w) والآن بعد انجاب الطفل الثاني اتمنى من كل قلبي ان ما انجب طفل اخر الا بعد ما لا يقل عن 5 سنوات اكون في هالفترة كملت دراستي ان شاء الله ويا رب اكون متوظفة وارتحت شوي من تعب الاطفال لان بيكونون كبروا واعتمدوا على نفسهم :21_201:
والاهم طبعا ان جسمي بيكون ارتاح من تعب الحمل والولادة والتربية خصوصا ان الحين وبعد ما يقارب السنة من ولادتي الاخيرة الا ان جسمي تعبااااااان وظهري رايحه خلاص ،، وايضا يكونون عيالي تدللوا شوي :1_3: ونكون اخف بعد هههههههههههههههههههه لان انا جربت وسافرت مع زوجي قبل ما يصير عندي اطفال وجربت وانا عندي طفل واحد وجربت وانا عندي طفلين واكيد في كل مرة التعب والثقل كان ازيد من قبل :balloons: والحين في بالي دايما ان خلنا فترة على 4 افراد وفي هالفترة نستانس ونسافر ونطلع وكذا لان وجود شخص 5 في العايلة الكريمة بيكون مزحم خخخخخخخخخ



الحمد لله على كل حال .. قل لن يصيبنا الا ما كتب الله لنا :9_28:

الاول بنوتي القمر

كان حملي بعد زواجي مباشره
تعبت كثيــــــــــــــــــــــــر بحملي الاول وولدت قيصري
كنت معزمه ان مستحيل احمل قريب لسببين
1- قيصريه
2- اني ماتهنيت في اول زواجي فقلت ااجل الحمل واستانس مع زوجي شوي

لكن سبحان الله حملت وعمر بنوتي 7 شهور

كان حملي الثاني اخف بكثيرررررررر وكثير قالو لي دايما اذا كانت الحملتين متقاربات بالوقت الام ماتتعب واجد

المهم بالفعل ماتعبت مثل حملي الاول

بس كفرحه .. حملي الاول او البيبي الاول كنت اسعد او اكثر احساس فيه

حملي الثاني مو نفس الفرحه
وابدا مش نفس المشاعر مع اني اموت بالبيبي الثاني بس كل شي يختلف

التعب ومجهود البنت الاولى اشغلني كثير عن اختها

لكن الصراحه
الحين عمر بنتي الثانيه شهرين واسبوع

ويوم تضحك
احس اطيرررررررررررررررررر من هالدنيا لان شحكتها تسرق قلبي بقوه

وفيه شي جدا مفرحني

ان بنتي مابتكون وحدانيه
هي تحب الناس وتحي تخالطهم وكانت تكسر خاطري لكن الحين لا بالقوه احسها مبسوطه باختها

الحمد لله