تعبت ساعدوني.. كل يوم اتضارب مع بنتي :(

الله يعينج الغالية بس استحمليها شوي لازم في البداية بطلع لج حجج بس بالأخير بتستسلم وبترضى في الامر حاولي تشوفين وتعرفي منو مخوفنها من الذبابه وليش تخاف منها وقوليلها هذه الذبابه تحمينا من الحرامية يعني انها صديقتنا قصي عليها في البداية لين يروح الخوف منها وسامحيني حبي للحين بنتي 4 شهور يعني ماتعودت على اليهال بعدي والله يهدي بنوتج انشاءالله ولاتضايجين منها حراااااااااااااام فديتها عسى ربي يحفظها آمين

أختي الله يعينك بس أنا رأيي تطولي بالك عليها مهما كان لساتها صغيرة سايريها و شوفي من خوفنها من الذبابة و قصي لها قصص قبل النوم خليها تتسلى و تنعس و تنام و بالنسبة للدبدوب عادي خليها تنام معاه بنتي عمرها سنة و 3 شهور و ما تنام اللي جنبها دادوتها ( الباربي) و طالعه لي بسالفة جديدة اللحين صايره تخاف من ظلها تطالع في الأرض و تشوفه يتحرك معها و تجلس تصيح و تلزق على حضني و لا ترضى تقوم الا لما تسهي أو تنساه .... و هكذا الأطفال كل واحده عنده سالفة

اختي انا شفت مشكلتك و مباشرة تذكرت المربية المثالية صاحبة البرنامج الشهير سوبر ناني لانها بالبرنامج واجد حلت مشاكل النوم عند الاطفال .. !

اخذت الكتاب و دورت لك كم معلومة و اتمنى تستفيدين مع التكرار ! ..

اول شي اكسري الروتين اللي يتعلق بوقت النوم بحيث انك تشوقين البنت للنوم ، مثلا : تقولين ( خلال خمس دقائق سنذهب الى الحمام ) .

( خلال دقيقتين سنذهب الى الحمام )

( بعد ان اقرأ لك هذه القصة ، سأطفىء النور ) ..

هذا الشي يهدىء الطفل لانك بتعطينه تنبيه دائم باللي بيصير ..

الشي الثاني : امدحيها عشان انها بتنام بروحها ..

خلي لها العاب بالسرير حتى ماتحس بانفصالك عنها !

قبل ما تطفين النور ، اعطيها تنبيه مسبق بانك بتطفيه بعد شوي !

و كرري و ان شاء الله تشوفين خير ..

تسلمووووووووووووووون يالغاليات وانا بحاول كل اللي تقولون عليه .. وياليت البنات الباقيات مايبخلون علينا بحل اذا عندهم ..

كل اللي تسويه بنتك دليل على انها خايفة تنام لوحدها

اتبعي معاها جدول التعزيز كل مررة تنام لوحدها حطي لها نجمة ولما ترفض تنقص نجمة وكذا وتتفقين معاها اذا تجمع عندها مثلا 7 نجوم تعطينها هدية

ولازم تصبرين عليها واهم شي ماتصارخين عليها لانها بتعاند لازم تعودينها كل يوم مثلا يوم تجلسين جنبها لين ماتنام ويوم تجلسين على الارض لين تنام ويوم اللي بعده قريب الباب وبكذا لين ماتجلسين معاها ابد

ونصيحة خليها تدخل الحمام واعطيها موية قبل لاتنام بجديه يصير ماعندها حجة كل شوي تبي شي واذا نادت عليك اسكتي عنها

[SIZE="6"]ياحبيبتي الله يعينك على بنتك [/SIZE]في سن بنتي الكبيره هالسن متعب واايد بحكم أنه سن الغيرة والخوف
بس طولي بالك
وكثري مدح وتشجيع وثناء خاصة عند ابوها او أهلج أو أهل زوجك انها تنام لوحدها
وحاولي بعد ماتفصلينه عنك بثلاث أيام مثلا لا ترجعينها ثانيه لو تموت قدامك
التربيه يشترط فيها الحزم
والله يهديها ويصلحها

الله يعينج الغاليه ... اتخيلت ريماني يوم بتكمل 3 سنوات .. شو بتسويبي .. على الدلع ةالبزا اللي متعوده عليه من ابوها ...

بس انتي طولي بالج . ومع الوقت بتتعود .. وجربي سالفة النجوم تراها وايد مفيدة ..

عانيت مع بنتي فتره طويله من هاي المشكله ...اتبعت طريقه ومشي الحال...كنت اقولها اذا بتضلي نايمه بسريرك للصبح لوحدك بتلاقي هديه تحت المخده ( الوساده يعني) وكنت كل يوم قبل ما تصحى احط لها اي شي مره شي زاكي مره ربطة لشعرها اي شي ...على ما تعودت ..
جربي وان شاء الله مع الوقت بتتعود ..

فديتها والله دلع البنات

ياحليلها البنوته عنيده الله يخليها لج والبنات ماقصروا معاج بس اهمشي انج تتحلين بلصبر ولاتتضاربين معاها ترى مايفيد