بنات شلون تعطرون غرفة نومكم خلطاتكم ومعمولتكم الكل يخل بليز

افا بس مافيكم اللي كتبت ليش النحاسه

اان عندي مجموعه كبيره من الدخون طبعا للبيت او لملابسي... كله واحد الان الريحه اهم شي اتكون قويه...

و عن العطور ... بعد نفس الشي اهم شي اني احب العطر و اتكون ريحته فايحه على لاخر...

السلام عليكم شخباركم :9_28:

بالنسبة لى استخدم بخور من بيت العرب سعرة رخيص ووايد حلو والكل يسالنى عنة واحيانا مبثوث با نافع وللفراش مخلط الفراش من الرحاب يجنن واحط بالفواحة كم قطرات من عطر من اجمل اسمة افاق هومركز لكن مع الوقت يهدى وريحتة وايد حلوة :9_28:

هلا أختي فزاعه


عطر ليلة الخميس من أجمل
عطر فركشة من أجمل

و العطر الي لونه وردي من الرصاصي

أما بالنسبة للدخون او المعمول أنا استخدم أي نوع عندي

بس مع بخور (جبل علي) أحلى ..

هلا اختي

عني انا لازم ادخن كافر وشرشف السرير بدخون الياس من ياس و عود معطر ملكي فاخر من عبد الصمد القرشي
اما العطور فاخلط العطور الفرنسيه مع العربيه واحطها في غرشه كبيره شوي وارشها على السرير او على الملابس الي في الكبت

معمول اللي استخدمه (( المراسم )) من الرصاصي

شنوو ريحته قووويه لدرجه انه ريحته تووصل لـ تحت والكل يشمه ^_^

وهم ( الراقيه ) من الرصااصي عجيب

ام الخلطه اللي استخدمها هذي الوالده مسويتها اللي يخليها لنا ويطول بعمرها

[FRAME="15 70"]بالنسبة لى استخدم بخور من وحده دوسريه والكل يسالنى عنة وريحته تقعد في البيت مده طويله واحيانا

استخدم مبثوث با نافع او البحرين وللفراش مخلط الفرش من نفس الحرمه [/FRAME].......

أنا مره أخذت من معمول عوض القبيسي
روووعه وريحته ثابته

حتى الكلونيا للكفرات والغرف فخم وراقي

ومره خذت عند علياء القمر معمولـ سعره 200 درهمـ بس يستاهل (حق عرايس)
بس مـاأذكر شو اسمه

طريقتي هي:

للأيام العاديه
أرش العطور اللي أحبهم بس ما أستخدمهم واايد
على الكفر من داخل ومن برا
والستائر والسجاد

وطبعا ما أنسى سجادة الصلاه

بس مو عطر واحد لاااا أكثر من عطر <<<<<<<<عندي عطوور واايد ما أستخدمهم حرااام
بس صدق لمن يختلطوون يعطوون نتيجه رووعه بتعجبج

لمن أخلص
أحط المعمولـ
وأدخن الكفر والشرشف
والمخدات بعد

وتحت الستاره

بس أطلع المدخن من الغرفه قبل لا يخلص الدخان
لأن الريحه على آخره تكوون محرروقه شوي


أما للأيام الخااصه:

أرش الكلونيا
وعقبها المعمولـ.. ومرااات على حسب المزااج أدمج الأثنين

والملابس نفس الطريقه
العطر وعقبها المعمولــ

والله الريحه اتم اسبووع ماترووح

جربي واحكمي
دمتي بود

يعطيكم الف الف عافيه على التجاوب وجعل ايامكم كلها طيب بس لو سمحتي الغاليه بنت الكويت الله يخليلك امك ويطول بعمرها تكفين اساليها شنو خلطتها وخبرينا لا تبخلين علينا وللغاليه العزيزه بحر الغلا الله يوفقك تعطيني رقم او مكان الحرمه الدوسريه لاني اموت بمعمول الدواسر وميته على خلطه تشبه ريحة المعمول نفسه والله انى بحثت عنها بكل مكان زوجة حماى نذله عندها وما تعلم وخاصة بعد من دوسريه تكفين والله ادعيلك الليل والنهار

احب اعطر الشراشف والستائر و السجاد في غرفتي
عطر الين من اجمل
الكوثر من الرصاصي
سدرة من الحرمين
واي عطر فرنسي تعجبني ريحته
اشتري منه المركز واخففه بعطر الفانيلا اللي يبيعوه في السنتر بوينت
ويطلع شي رهييييييييييييب:21_213:

بعد ابى مشاركات اكثر وين المخننات

نا استخدم دخون الدواسر مره روعه ويبقى وبعد يبيعون الفتشه روعه مره حلوه وطبعا مع العطورات يطلع الدخون شي عذاب

احلي عطر بريحه البخووووووووووور ريحته جنااااااان وما تلقينه في اي مكااان الف ليله وليله من قزاز

تكفين ياقويه باس عساك ما تنداسين الا بالزين هذا اللي ابيه الفتشه تكفين وين احصلها هي والمعمو ل تكفين لا ترديني

بصراحه خلطات خاصة ماأسوي لاني مأعرف..\


عندج راقية من الرصاصي..\

ثابتة..\

ومعطرات الفراش كل مااروح السوق اشم المعطرات واشتري لكن ولامرة اشتريت المعطر مرتين احب اغير..\



\..قموري

أنا استخدم للفرش رفدور ومخلط الرحاب
واستخدم مبثوث البستان
وبخور المسني كثير ريحته حلوة

افا بس يا قويه طلبتك عطر ما طلبتك شى ثاني ما تردين لا بعام ولا خاص مشكوره حبيبتي على التطنيش

السلام عليكم

أنا أبخر غرفتي ببخور (راقيــة) من الرصاصي .. وطبعاً مااااعليه أي كـــلامـ ..

وبالنسبة للمعطرات أستخدم دهن عود أحبببببه مثل (إسكادى) وأخلطه مع ماي ورد وأعطر السرير و الملابس والستاير .. ويعطي ريحه فووووووق الخيال تجنن ..

وممكن أي دهن عود مو شرط إسكادى .. بس المهمـ تكون ريحته قوووووية و أنتي تحبـينها عشان تشمينها بكل مكان .. ملابسج , و سريرج , و غرفتج ...

ســــــــلامــ

انا بالنسبه لي استخدم عود مطيب رووووووووووووووووووعه من ملك العود اي نوع عود موجود بدبي في مجمع الغرير حلوه شغلاته واظيف للعود شوي من بخور المسني واتبخر لما يكون شعري رطب


وبعد مااحط اللوشن حق الجسم مثلا اي لوشن لكن حق بنت عذاري حلو او اللي تبع العطر

واحط عطري بعد ماتبخر مره ثانيه بالعود فيه بعد بخور شمسه المهيري خياااااااااااااااااااااااالي بالثياب والشعر دخون الطبقات الاحمر


عطوري منها الين من انجل وغيرلان الطويل الموف

وفيه عطر كمان عند وجوه على شكل دمعه بحاولي 400 وشوي


فيه عطر من باريس غاليري اسمه مسك بينك يهببببببببببببببببببببببببببببل

وشانس من شانيل و ستيلا وطبعا حلو لو تحطين عقب هذا كله من دهن العود المفظل ولايعلا على اللي عند الجزيره للعطور موجوده بقطر مدري برا وين

وكمان دهن عود سيوفي من اجمل

واخر شي بخه على الشعر من عطر نبتون او كاميليا من زهور الريف واستمتعي بالريحه الثبات

على فكره باقي اقول لكم على معمولي المفظل لغرفة النوم

اسمه بخور حايل من اجمل اممممممممممممم يدوخ لكن بخري الغرفه ومن ثم حطي من الكوثر بخاخ اكوا الموف