شوفوا ها المرجيحة المخصصه للرضع من اي شهر ممكن احطه عليها

أني استخدمتها لولدي لما كان عمره شهر ونص

بس شافتها عمتي وقالت لي مو زينة حق ظهره بس بصراحة أني تميت استخدمها له لحد ما كمل 4 شهور تقريباً بس ما أحطه فيها فترات طويلة

هلا ملاك والله انا استخدمتها من كملت بنتي شهرين بس الا عندي مسطحه مومقوسه عند الضهر:) واتوقع انها مب زينه لضهر البيبي :rolleyes:

مرحبا ملوكة ... وكيفو عزان ؟؟؟
يعتمد الموضوع على ظهر المرجيحة اذا تقدرين ترجعينها لورا خالص في وضع راقد ... مااظن راح تكون مشكلة ... لانها بعده صغير ... وما يقدر يصلب ظهره ... بس اذا كانت مستوية مثل الكرسي خليها شوي على ما يدخل الخامس ممكن يقعد فيها فترات بسيطة ... وبعد السادس عااااااااااادي يقعد زي ما يحب ....

ادري طولتها وهي قصيرة ... بس اتمنى اكون افدتك..

حطي في فراش يعني حاولي تخلين منطقة الظهر مستوية وعقب حطي ولدج ربي يحفظه ان شاءالله

اختى اصبرى حتى يتعلم يقعد افضل

المراجيح هذي حلوة كثير للاطفال .. وتهديهم واعتقد كمان فيها موسيقي ... بس حقيقة ما ادري عنها اذا كانت مقوسة او لا ... بس انا اعتقد ان الان ممكن تعمل له شي ... بس ممكن في سن الست شهور لما يبدا يتعلم الجلسة ... يمكن ما تساعدة علي تعلم الجلوس ...

اعتقد من عمر شهرين ونص اوكي

كلامي مثل كراميل.. حسب ظهرها..

هلا والله بأم عزان.. منورة الركن...

أنا أستخدمت نفسها حق ولدي وعمره 3 شهور او شوي أقل،، بس ظهرها من النوع اللي يتنزل إلى تحت وكنت أحط أسفنجة تحته وماكنت أخليه مدة طويلة.. إنتظري كم أسبوع وبعدين خليه فيها بس أهم شي ظهرها يكون مسطح مو مقوس لأن مساكين ظهرهم مايشد....

الاييييييي عجبتي الي من البحرين اتقول لي من وين اخذتها

تسلمممممممممون حبيباتي وفعلا جربت اخليه وما ارتحت حسيته مو قادر يثبت عليه متععبه للظهر بخليه بعد كمن اسبوع ان شاء الله بخليه عليها

بنت نواعم اعتقد حبيبتي تلقينها ببيبي شوب شفت منها كثير

اختي بقولج بس ماادري اذا تناسب او لا

الصرااحه انا كان في خاااااااااااااااااطري فيها وكل مااروح يقولي ريلي لا موزينه والخ ويخليني مااشتريها وتحسفت بنتي خلاص بدت تقلب وتتحرك احسها خطر عليها

لكن ان شاءالله للطفل الجاي على طول من يصير عمره 3شهور لين 5شهور ويبتدي يقلب بوقف عنه

وبمر وبسئل ريال في بيبي شوب من عمر كم لين عمر كم اذا تصلح لعمر بنتي على طول بشتريها وبحطها فيها

الصراااااااااااااااااااااحه هديه روعه وذوق واذا خايفه على ظهر حطي تحته اسفنجه تشيله شوي وربطيه عدل لاسمح الله يطيح

وبالعاافيه عليكم

عروس الدوحة

هلا الغالية

انا عكسك زوجي يقولي عادي وانا خايفة

حطيت قبل شوي مفرش تحت واسفنج مكان الحفرة ههههههههه حسيت استانس يحليله وهي تتحرك بالبطارية وفيها اصوات عجبته حبيبي بس بعدني خايفة قلت اخليه بعد اسبوعين على الاقل يمكن اخليه فيها

تسلمين على الرد الحلو حبيبتي

ملوكة انا بعد حصلت هالمرجوحة هدية ورحت لسيتي بلازا سالتهم قالوا لي احنا نكتبها للرضع بس ما تستعمليها الا لما تحسي انها تقدر تقعد لانها ماتنزل واجد وانا بديت استخدمها الحين وشهود اربعة اشهر
افضل انتظري شوي

سلام ملوكة انا بنت اخوي عندها منها و مكتوب انه لازم من 6 شهور

و انا ولدي عنده نفسه بس على كرسي و توني شفت الكتيب مكتوب للامان اكثر استخدامها بعد 6 شهور

و انتي بكيفك بعد

أنا بعد ما كملو عيالي ثلاث شهور استخدمته

انا مع الاخوات الظهر لازم يكون سيدا مو مقوس
انا اللي عندي ترجع لورا واستخدمتها من عمر شهرين ونص

انا بعد استخدمت المرجيحة وهم في الشهر الثالث ولا ذيك صاير مثل الكرسي يعني كانهم قاعدين بالقاعد
بس اشوي احطهم وارد اشيلمهم مااخليهم فترة فيها

هلا ملاك ا
نا ابني عمره شهرين و 16 يوم تقريبا بعمر ابنج و قبل اسبوع اشتريتله وحده تقريبا زي هذي ومكتوب عليها من 0 يعني تقدرين تستخدميها
وتقدرين تشوفينها بهذا ا لموقع بس هو دنماركي
Jalsأ¸e A/S - Fisher Price - Rainforest Cradle Swing - Rainforest Bouncer - Rainforest Take-Along Swing - Fun to Learn Potty - Rainforest Jumparoo Entertainer - Melodies & Lights Deluxe Gym - Rainforest Mobile - Peek ’n Play Waterfall Soother - Rai

انا شريت الاولى