جدول رائع (لأعمال الطفل اليومية) منقول للأمانه

السلام عليكم ورحمة الله وبركاته ..

اليوم وانا ابحث لقيت جدول عجبني واااايد وحبيت انقله لكم للفايده واتمنى انه يعجبكم
___

كلنا نعرف ان تعويد الطفل على شي معين وعلى نمط حياة معينة شي صعب لكن ممكن الاباء والامهات يخترعون ويكتشفون طرق بسيطه تساعدهم على هالشي ..


وعلشان اساعد الاباء والامهات انهم يعودون اطفالهم على بعض العادات الضرورية في حياتنا اليومية صممت جدول اعمال يومية للطفل وهاي صورة مصغره للجدول :




فكرة الجدول كالتالي
نطبع لكل طفل ورقة خاصه ونضح صورته عليها ونعلقها على باب غرفته ولو كانو طفلين في غرفة وحده ممكن نعلقها فوق سرير كل طفل .. ونبدا نحط صح أو استيكر على شكل نجمه او سمايل فيس ( موجودين في المكتبات باشكال جميله ) أذا قام الطفل بتنفيذ الواجب اليومي الموجود في الجدول بشكل صحيح وبدون عناد


أنا تركت خانه فاضيه في الاسفل للوالدين علشان يكتبون فيها اي عمل هم حابين يضيفونه ويشوفونه مهم ان طفلهم يتعلمه

طبعا في نهاية الاسبوع نشوف منو الطفل الي جمع أكثر عدد من النجوم أو السمايل فيس وهو
الطفل الي يحصل على وسام وهاي امثله على الاوسمه تقدرون تستخدمونها




أو ممكن تكون جائزه رمزيه أو ممكن الطفل الفايز يكون له الحق في اختيار المكان الي العايله ممكن تقضي فيه رحلتها أو نزهتها الاسبوعية

وطبعا ها كله عائد للوالدين وطريقة مكافئتهم للطفل

والجدول طبعا ينفع للاطفال بين سن الــ 5 إلى 11 و 12


اتمنى ان الجدول عجبكم .. وطريقة طرحي للمعلومة تكون واضحه ومفهومه

___

طبعا ولانه هذا جهدها الشخصي فما غيرت فيه ولا حرفت ونقلته حرفي واتمنى انه يعجبكم مثل ما عجبتني فكرته



اختكم
ام شهاب