إختي المتزوجة عمرها 30 سنة ....وماتعرف تمسك الفاره

ق

قمر وليل وبس

عروس جديدة

09-11-2007 | 03:37 AM

السلام عليكم خووووووووووواتي

بنات يمكن الموضوع وضح من عنوووووووانه ... بنات اليكم قصتنا ارررجوا من كل عضوة

اكرمها الله ومن عليها ان لا تحررمنا الرد .... لان محتاجه نصيحة ...

بنات حنا تقريبن ثلاث بنات اخوات ولله الحمد اهلي مو مقصرين معانا ابد علمونا وربونا

صحيح في اشياء مااهتموا فينا بس مقدرين ...المهم تعلمنا كلنا واخذنا شهادات عاليه

وعشنا في مجتمهنا والكل ملاحظ التفتح اللي احنا فيه افكارنا وتعاملنا الراقي مع كل الناس

اللي في كل مستوى وتواضعنا وحبنا للخير والحمد لله احنا ملتزمات ومكانتنا الاجتماعيه

متوسطه المهم ياعزيزاتي اختي الكبيره تقريبن درست لين الثانويه اللي هي التوجيهي

وبعدها جلست كم سنه في البيت ثم تزوجت ... طيب وين المشكله ... انا اقولكم هي تزوجت

رجل نحسبه والله حسيبة طيب وملتزم وشهم ومثقف ومدرس بمدرسة بس المشكلة في اختي

اللي اقووولها حياتك راح تخررب والسبب تفكيرها وماادراك ماتفكيرها ... بنات اختي هذي بالرغم

من انها عاشت زي ماعشنا وتربت معانا ... بس والله لما تشوووفووها تقولون مدري فين كانت

عايشة بنات تفكيري اختي حاسته مررررره يحزن بنات اختي احسسها ولا كانها في العالم ولا تدري

عنه شي اختي ماحتكت بالناس كثير بس مااحسه سبب يخليها دايم على نياتها لدرجة السداجه

يعني طيبببببببببه لدرجه اللي حواليها يستغلونها ودايم وماتعرف الناس كيف تفكرررر سهل جدا

ان احد يضحك عليها

ياماعلمنهها انا واخواتي كيف تتعامل مع الاس وبالاخير لا حياه لمن تنادي

هي حساااسه مررره وزعول يمكن لانها مو متعووودة على اي ناس بس نفسي اعررف وين الخلل وليش هي كذا مع انها عاشت مثلنا ... الحين نجي لمشكلتها مع الكمبيوتر بنات تخيلووو اهي الحين عمرها 30 سنه والله يابنات ماتعرف حتى تحرك الفارة يعيني على زوجها واخواته الحاسب شي اساسي في حياتهم عاااد انا لما شفت منتدى عروس والمنتديات النسائية الثانيه قلت بس هذولي اللي اختي لو تمت تفتح على هذي المواقع بتعلم الطبخ والمكياج وتاخذ خبرات الحريم في الحياة الزوجيه والاجتماعيه لكن بعد لا حياة لمن تنادي اختي ماتحب تطور نفسها ولا تحب الحاسب مرررره هي ماعندها في بيتاها حاسب وزوجها يشتغل عليه في العمل بس واخواته عندهم في البيت حاسب واحنا في بينتا وكل معارفنا عندهم النت وهي لين اللحين مو راضيه تطور نفسها بنات والله مانزلت الموضوع الا لسببين اولها خوووفي على حياة اختي لانها مرررره تحزني صحيح ان التطور مو بس بالحاسب بس قولوا على الاقل النت بيساعدها تتعرف على العالم
والسبب الثاني اني متامله فيكم خيررر وبردودكم ...

بنات اشلون اصحي اختي احسها احيان مااتحب اعلمها النت عشان تحس اني جالسة اتفلس عليها والله يابنات ذي اختي وتهمني مصلحتهااااااااااا

يارب يساعدها ويساااعدكم وياهاااا

!

! أنــثــى !

عروس ماسية

09-11-2007 | 04:19 AM

عزيزتي ..

فهمت قصدك زين .. لاني شخصيا اعرف واجد بنات جذي .. و منهم نسايب واجد لي !

اختك ميولها يختلف عن ميولك انتي ، ماراح تقدرين بيوم وليلة تغيرين تفكيرها و رغباتها الشخصية .. لانها عاشت

حياتها و هي بسيطة و ماتحكم نفسها باشياء خارجة عن حاجتها ( بقناعتها طبعا ) لانها تشوف ان الانترنت مو

ضروري مثل ماانتي شايفته ! و يمكن تفضل قراءة الكتب كبديل له ..

الحمدلله .. اختك طيبة و على نياتها و هذا يثقل ميزانها يوم الحساب .. و اهم شي مهتمة بدينها و بحياتها الزوجية و بعيالها و رضية ربها فوق كل شي ..

من رأيي انك تحاولين تراويها منتدى نسائي مثل عروس و تشوفي اذا تقبلت او لا .. و انا مقدرة خوفك على اختك

بس اسمحي لي واجد مكبرة السالفة انتي .. قولي اهم شي اختي تكون سعيدة بحياتها و مستانسة مع زوجها ..

اختك انثى

*

*درب المحبه*

عروس برونزية

09-11-2007 | 05:01 AM

اختي هذي مو مشكله كبيره

عادي كثير زيها مايعرفون للحاسب

وكثير يعرفون للحاسب لكن مايحبونه

وفي بعد كثير بنات ازواجهم مايرضون انهم يدخلون عالم النت
يعني انتي ليه تحرجينها
يمكن زوجها مهب راضي !!

دام مشكلتها مع الحسب تركيها

ويا اختي يقولج المثل
نام مظلوم ولا تنام ظالم

المهم انها في حالها وحياتها سليمه

شوفي كل انسان له اهتمامات
وصعب تفرضين رايج فرض عليها

خاصة مسألة الكمبيوتر
واااجد ناس يكرهونه

يحسونه شي غبي
وبالفعل هو غبي

المهم لاتضغطين عليها
وتصير مشاكل

يمكن بعدين تتحسف انها دخلت النت

.

.white Rose.

عروس مبدعة

09-11-2007 | 11:19 AM

وااااايد مكبرة الموضوع اختي
إذا صج حابة تفيدينها خليها تتصفح معاج
والموضوع الي يعجبها سوي لها print وتقراه على راحتها

ولا تحرجينها ولا تتعبي نفسك معاها

ح

حبيبة جيمي

عروس ذهبية

09-11-2007 | 12:10 PM

اذا هي مرتاحة جذي

وزوجها ما عنده مشكلة خلاص

اهم شي راحتها وسعادتها مع زوجها

ا

الجوهرة

مشرفة سابقة

09-11-2007 | 02:57 PM

حبيبتي مب لازم ادش منتديات

انتِ اطبعي لها كمٍ أكله وصور ميك أب وعطيها وبعد صور لترتيب البيت والأثاث

ومواضيع تربية الأطفال والأشياء المتعلقه بهم

ويمكن ينتابها فضول وتطلب منك اتعلمينها

ووايد حريم مايعرفون للكمبيوتر ولا النت وعحياتهم

الله يوفقها ويرضى عنك ويسعدك

و

ورد الخريف

عروس ماسية

12-11-2007 | 04:33 AM

انتي سوي اللي تقدرين عليه والباقي

بيدينها

h

halakhaled

عروس ماسية

12-11-2007 | 05:31 AM

خديها بالهدوء بلاش بالضغط وسيبيهاعلى راحتها حاولى تحبيبيها فى اللى انتى عايزاة من غير ما تضغطى عليها

ق

قمر وليل وبس

عروس جديدة

12-11-2007 | 06:08 PM

تسلمون خوووواتي بحاول اعمل بنصايحكم ..

ع

عنفوان أنثى

عروس مبدعة

12-11-2007 | 07:10 PM

أنتي وريها مواضيع عن الطبخ والمكيــاج وقولي لها كله بالنت ادخلــلي تفــرجـي

او اطبعي لها مواضـيع

#

#روحـ مغليها#

عروس ماسية

12-11-2007 | 09:18 PM

عادي حبيبتــي كثييييييير ناس كذا
خواتـي مايطيقوون نت ولا يفكرون فيه
ومتااعتقد ان هذا مقياس على العلم

لا تكبرين الموضوع دامها سعيده مع زوجها وعيالها الحمد الله

y

yasimine_2007

عروس رائعة

13-11-2007 | 03:09 AM

والله يا اختي انتي مكبرة الموضوع شويه يعني اختك يمكن تاخد الامور ببساطة يعني مو هي لوحدها ما تعرف تشغل النت اعرف كتير بنات وكمان متعلمين ومدرسين يجهلو حاجة اسمها نت انا متلا ما كنت اعرف كيف امسك الفارة بس مع التدريب كل شي صار كويس والحمد لله فاختك الطيبة وان كانت ما تعرف نت اكيد هي شاطرة في حاجات اخرى و ممكن اانتي تحاولي معها وتعلميها وتساعديها في تعلم النت وتوريها كيف تفتح مواقع وتدخل منتديات للبنات وتشارك معاهم بافكارها واخبراتها وممكن هي تصير اشطر منك :up: وتستفيد هي كمان من تجارب اخواتها :smile:
واتمنى لك التوفيق ولاختك السعادة والهناء في حياتها الزوجية