( كل أكثري ميِّت إذا يوم ماالقاك !! نبطية غزلية

[POEM="font="Tahoma,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]( ريلاكس) هدّ أعصابك ارفق على شْفاك = يا(هوه ) والله ماتمنيت غيرك

ماشافت عيوني شبيهٍ لحلياك = وماسمعت اذني مثل نغمة أثيرك

وما لَمْسَت إيديني وهذا الذي جاك = إلاّ دفاك وغيرهن مايثيرك !

ماذوق غيرك ماتنفّس بليّاك = ماشمّك إلاّ إنت .... وإلآّ عبيرك

أصلاً أنا مفقود لين أسمع إخطاك = وأصلاً أنا المولود لارف طيرك

(كل أكثري ميِّت ) إذا يوم ماالقاك = كم ليلةٍ ذبحت فيها أسيرك !

الله يسعد من كِذَب لين خلاّك = تجيب ونّات الهوى في زفيرك

خدعك قال اني تجاهلت ذكراك = وإني أنا نادم عشاني عشيرك

جزاه ربي خير بدّل نواياك = وأنقذ من الموت المحقق ضميرك

مادام أنا غالي لهاالحد وش جاك = تترك مصيري يفترق عن مصيرك ؟!

وين انت عني يوم أنا اتبعك وأبراك = أمشي على ممشاك كنّي خفيرك

لو أدري الغيرة تحرّك خفاياك = بالكذب لأعشق لين تجبر كسيرك

المشكلة حتى لو بْكِذْب أبجفاك = مقدر أقاوم نظرةٍ من شطيرك

ولو تقدر عيوني بصدفة تَخَطّاك = الأذن ماتقوى تجاهل هديرك

إرقد وآمن ( أَبك ) وشلون أبنساك = مادمت أنا مبلي بك الله يجيرك

( ريلاكس ) واهدا لاتكدِّر محيّاك = مادام جرحي حاسبه بعض خيرك

لكنْ أنا أبنخاك تكفى أبنخاك = لامن نويت إتصد مكِّن جفيرك !


شعر \ حمدان سالم العنزي[/POEM]