كيف أحط (خطة العين اللي كأنها ممسوحه) مثال حاطه صوره

اهلااختي ف البدهية لازم تمرني ايدج على رسمة العين عشان يكون الخط مستقيم وبعدها تبدين من مقدمة العين لغاية الطرف ومن
اسفل العين بنفس الطريقة اتمنى اني اكون افدتج:9_28::9_33:

ام طاهر مشكوره ياعمري انا بس ابي اعرف اللي صوب نهاية العين تكون كأنها ممسوحه او موزعه شوفي صورة هيفا وشوفي عيونها صوب الزاويه الخارجيه شلووون موزع الكحل السائل

انا سألت وحده وقالت لي بفرشاه ضعيفه سحبي الزاويه الخارجيه ولين يتكون الظلال وعقبها زيدي الكحل تحت وفوق العين وبعدين اخذي عود اذن وغمسي راسه بكريم الاساس بس مسحه بسيطه بالكريم وامسحيه بسحب العود لنهايه الحاجب عشان يتكون الخط ويطلع حلو

اتمنى اكون افدتج حبوبه

من صجكم هذي كحلها تاتو ما تذكرونها بالوادي

مشكوره يابنت البوادي الله يعطيج العافيه ,,


ماقصرتي كفيتي ووفيتي :)

الاميره توفي تصدقين توني ادري عن هالمعلومه ! ! !

بس انا ابي اعرف هالخطه شلوووووووون احطها لاني دايم اشوفها على فنانات وتعجبني :)

رسم العين يبغى تدريب

واللي بزاوية العين شدو

شفوووووق انا على طوووووول اقعد اتدرب بس هالخطه عذبتني ماقدرت اضبطـــــــــهاااااا :(

هلا الغاليه هالحطه سهللللللله

ارسمي عينج كامله بالايلاينر فوق وتحت وبعدها بالشدو الاسود بفرشاة ماك 263


وحطيه على رسمة الكحل وتحكمي في كثافة الشدو ع الزاويا واذا بغيتي مل ندى هي عند الزاويه الخارجية تدمج الكحل بالشادو اللي بلمعه وتقدرين تحطين لون غير الاسود تحت عينج بنفس الطريقه وبعدها تنظفين العين بالفاونديشن يعني تستخدمين اسفنجه الشدو وتعدلين الرسمه من تحت يعني تساوين الخط اللي تحت بالاسفنجه واذا بغيتي شرح كثر لاتستحين احنا خواتج

ترى سهله جداً بس يبي لها تركيز عالخفيف وتضبطونها

انا اول شي احط داخل العين الكحل الكريمي الاسود ،،

وبعدين بفرشاة الاي لاينر الي استخدمها من ماركة بن ناي RS1 تكون ضعييييفه وايد استخدم الكيك اي لاينر الاسود من بن ناي

امشيها تحت رموشي ويصير الخط سيده واذا بغيت اعرضه ارجع اعيد عليه مره ثانيه

وبعدين اخذ فرشاة من ماركة مكياجي المايله ماعرف كم رقمها مب فاضيه اقوم من مكاني ههههههه

المهم اخذ بها شوية شدو بني وامشيها على حد الاي لاينر الاسود عشان اكسر حدة اللون الاسود ومرات اسوي هالحركه باللون الرمادي طبعا هالحركه تكون احلى بالمات شدو (( الدخاني)) وممكن ماتسوونها عادي الي يعجبكم

قطريات & ستايلش برنسز



تسلمـــــــــــووون حبيباتي وماقصرتوا ان شاءالله بجرب طريقتكم وبقولكم بالنتايج :)

بنات ياريت اي وحده تدخل تقول لنا عن طريقتها بهالخطه علشان نستفيد وحنا مافي شغل اي خطه بنجربها ههههههههههه

هاااي المغروووره انتي اللي بكويتيااات صحححح حيا الله الزميييله ههههه


شوفي حبوووبه حطي شدو فوووق الرسمه صوووب النهايه بس وبفرشه ثانيه نظيفه مرريها فوق الشدو بحركه سريعه لي برى بيطلع الشدووو خفيف ممسووووح


جربي وعلمييينيي اوكييييييييك :>>

بالفرشه الغلا

صورة هيفوووه حلوة:)

هالرسمة هذي هي اللي معقدتني وإلى الحين ماقدرت أضبطها ابدا..:cry: :cry:
انا أحب دائما الكحل يكون أسود ثقيل و عريض زي اللي يحطونه الممثلات الكويتيات و زي حق المغنية رولا(يذبح مووت):21_235: :21_235:
بس تعبت مرة ماعرفت اضبطه كنت احسبهم يستخدمون كحل رأسه عريض و رحت دورت في كل المحلات إلين لقيت زيه في زهور الريف بس طلعت المشكلة في مدى إحترافية اليد مش في الكحل نفسه

و على فكرة هو اللي دارج الحين و هو اللي يظهر جمال العين :1_81:

عسليه هلا حبيبتي لا يالغاليه مو انا العضوه اللي بكويتيات :) وتسلمين على الطريقــــــــــه :)



uae life تسلمين يالغاليه :)



المدام شكرا على المرور :)



رومانسيه موووووت انا كل يووووم اقعد اتدرب على اي خطه نفسي احطها والحمدلله ابشرج هالخطه قمت اضبطها شوي يعني مو حيل يبيلي تدريب اكثر :)

اول شي ارسم العين بس ابدي من اخر العين اللى الدمووع وبعدنين تيبين عوود اذن وتمسحين فيه شوي من لون الاسود الفحم ... وبدين من النهياايه او بس تيبين عود الاذن اللي فيه قطن وتبسحين مسح بسيط ...

تسلمين حبيبتي على الطريقه الحلوه والسهله :)