تجمع بنات مصر المتاخرات عن الحمل

هاى يا حبيبتى أنا رانيا حبيت أشاركك أنا متزوجه من 4 سنين و حدث لى حمل ولكن فى أول السابع نزل والحمد لله على كل حال على فكره أنا كمان زوجى زوجى بيسافر ويأتى 3 شهور فى السنه و يا رب ربنا يرزقك و يرزقنى وكل من تريد بطفل صالح يملألها دنيتها يا رب اللهم أمين

السلام عليكم و رحمة الله
انا عضوة جديده وحبيت اشارك معاكم في الموضوع ده
انا متجوزة من اربع سنين و شهرين ومن اول يوم وانا بعمل كل اللي ممكن يتعمل عشان الحمل
بس لسه ربنا ما كتبش
نفسيتي تعبت كتير و كمان جوزي سافر من السنه اللي فاتت و بشوفه شهر في السنه
حماتي واهل جوزي هيموتوا ع البيبي بس اعمللهم ايه
رحت لستين دكتور و جربت منشطات و تخنت كتير بسبب ادوية الهرمونات و عملت اشعة صبغه
و دلوقت بحاول اصلح اللي خربته الادويه و هو التخن او السمنه
لان السمنه لوحدها بتمنع الحمل مع العلم ان عندي كيس صغير ع المبيض الشمال
وربنا كبير و الحمد لله على كل حال

اهلا بيكوا يا بنات مصر وامهات المستقبل انشاء الله
نونه انا كمان اهل جوزى نفسهم في بيبى وانا قبلهم بس دى مشيئه ربنا والحمد لله

عاملين ايه في حكايه سفر الزوج لانها مجننانى على الاخر

أنا عن نفسى بقضى أول أسبوع بعد السفر عياط وبعد كده بحاول أشغل نفسى بأى حاجه مع إن ساعات لما ببقى مخنوقه ببقى نفسى يكون جنبى بس هنعمل أيه ده قدرنا سلام

السلام عليكم يا احلى امهات ان شاء الله
بالنسبه لموضوع سفر جوزي فهو منكد عليا لان حياتي متغيرة من غيره ومش منظمه عشان احنا كان لينا نظام خاص و مختلف مش عارفه انفذه في بيت اهلي وكمان هو واحشني وبيتنا وحشني
ربنا يجمعنا على خير ان شاء الله و يرزقنا الذريه الصالحه يا رب احنا وانتم يا بنات
انا عموما مشغوله شويه في شغلي وهو بيلهيني عن التفكير كتير
و نفسي ربنا يشغلني ببيتي و جوزي وعيالي و طبعا ديني
دي الحياة اللي بحلم بيها طول عمري
يا رب ساعدني احققها و يدينا كلنا كل اللي بنحلم بيه
انا كمان عاوزة ابتدي ريجيم عشان اعمل لجوزي مفاجاه لما يشوفني
بس بدور على ريجيم سريع و كويس
انا قدامي ييجي شهر قبل ما ييجي جوزي هحاول اعمل فيه اي حاجه تغيير فيا عشان جوزي لما ييجي
المهم
طمنوني عليكم انتو بتعملو ايه لما ازواجكم تسافر؟؟؟؟؟؟؟؟؟؟؟؟؟؟

السلام عليكم يا امهات مصر ام الدنيا

اسمحولي اشاركم الموضوع انا زوجي معايا دائما لكني لغاية الان لم ارزق بعد بالدرية الصالحة

المشكلة في الهرمونات انا متزوجة من سنتين وشهرين في السنة الاولى حاولت اني احمل فطبعا بالمنشطات اول محاولة لم يحصل حمل غيرت الدكتورة بدكتور فاعدت كل التحاليل من اول لكن السبب واحد هرمون التبويض ضعيف فاداني دوفستون لتنضيم الدورة تم يراقب التبويض ثم اداني ابرتين تنشيط و المرادي حصل حمل فكانت سعاتي لا توصف و اهلي و اهل جوزي حيطيرو بالفرحة لكن شاء الله ان الجنين يتوقف نمو قبل الشهر التالث ما يخلص .

فانا الان محتارت هل اني اكمل بالمنشطات خيف انو يحصل نفس الي حصل مع انو دكتوري قلي اني لازم اخس و لما توصلي للوزن المتالي او معين حتلاقي نفسك حملتي من غير ادوية فانا يا اخواتي هريت ففسي الريجيم و الرياضة و انا خس لغاية الان 10 كيلو منذ 4 شهور من بعد الاجهاض و للعلم اني مش تخينة و طويلة

اريد ان اطرح هدا الموضوع انو لو المراة اخدت منشطات هل سيتمر حملها ؟؟؟؟؟

لاني في كل التجارب التي قراتها لاحضت انو الي بتاخد منشطات الحمل مابيستمر و بينزل خلال الشهور الاولى

ارجو ان تفيدوني فبجد انا عوز جواب لسؤالي وشكرا اسفة اني طولت (r):friendship::21_86:

واناكمان متزوجة منذو 5سنين وإلى الان ماربي كتب لنا حمل
واول لماتزوجنا ريلي جلس عندي سنة وشهرين فقط وبعدين سافر وجلس 10شهر ورجعلنا بالسلامه
وجلس عندي شهرين وسافر ورجعلنا مرثاني بعدسنة وخلاص الحمد لله بعد هذي المره لم افارقه قط
وانشاءالله ربنا يرزقني ويرزقكم بالذريه الصالحة ويرزق كل محروم يارب آمين :21_195:

بنات خدو الدعاء دا ربنا يتقبل منا ومنكم انشاء الله
اللهم ياد الجلال والاكرام يا حي يا قيوم ادعوك باسمك الاعظم ادا دعيت به اجبت
برحمتك استغيت يا الله برحمتك استجب لدعائي يارب
انت الرزاق ارزقني الدرية الطيبة يارب برحمتك يا ارحم الراحمين برحمتك يارب العالمين
‏"" ربي لا تذرني فردا وأنت خير الوارثين
ربي هب لي من لدنك ذرية طيبة إنك سميع الدعاء "
‏" ربنا هب لنا من أزواجنا وذريتنا قرة أعين واجعلنا للمتقين إماما "
‏" اللهم إن كان رزقي في السماء فانزله وان كان في الأرض فأخرجه وان كان ‏بعيدا فقربه
وان كان قريبا فيسره وان كان يسيرا فكثره وان كان كثيرا فبارك لنا ‏فيه برحمتك يا ارحم الراحمين "‏
‏"يارب ياسميع يا مجيب حقق لي امي ,ارزقني كما رزقت زكريا"‏
يارب هب لي هبة مباركة من عندك...قد لا اكون اهلاًلهذه الهدية ,
ولكنك اهلاً لهذا ‏العطاء يا سميع يا مجيب
‏" يا كريم يا رحيم يا رب العرش العظيم نسألك بعزك الذي لا يرام وبملكك الذي لا ‏يضام
وبنورك الذي ملأ أركان عرشك أن ترزقنا الولد الصالح "
‏" اللهم لا مانع لما أعطيت ولا معطي لما منعت "
‏" الاستغفار الدائم
‏" اللهم ارزقني ولدا واجعله تقيا ذكيا ليس في خلقه زيادة ولا نقصان واجعل ‏عاقبته إلى خير "
‏" سبحانك لا إله إلا أنت إني كنت من الظالمين "
‏" سبحان الله والحمد لله ولا اله إلا الله والله اكبر "
‏((يا من أمره بين الكاف والنون وإذا أراد شيئاً قال له كن فيكون أرزقني بذرية ‏صالحة
طيبة تقر بها العيون))
وذا النون إذ ذهبا مغاضبا فظن أن لن نقدر عليه فنادى في الظلمات أن لا اله إلا ‏أنت سبحانك
إني كنت من الظالمين فاستجبنا له ونجيناه من الغم وكذلك ننجي ‏المؤمنين
وقل استغفروا ربكم انه كان غفارا يرسل السماء عليكم مدرار ويرزقكم بأموال ‏وبنين
ويجعل لكم جنات ويجعل لكم انهارا
لا اله إلا الله وحده لا شريك له له الملك وله الحمد وهو على كل شي قدير
سبحان ‏الله والحمدلله ولا اله الله والله اكبر ولا حول ولا قوة إلا بالله العلي العظيم
يا مسهل الشديد,و يا ملين الحديد,ويا من هو كل يوم في أمر جديد,
أخرجني من ‏حلق المضيق,إلى أوسع الطريق,بك ادفع مالا أطيق ,
ولا حول ولاقوه إلا بالله ‏العلى العظيم
اللهم فرح قلبي وآنس وحشتي ونفس كربتي وفرج همي وأزل ضيقي وعوض ‏صبري
وقر عيني بطفلاً صالحاً معافى ليس في خلقه زيادة ولا نقصان
وجعله ‏خيراً لي ومن البارين بي ومن المستغفرين لي عند مماتي وجعله من الصالحين
‏ومن حفظة كتابك الكريم ومن المجاهدين في سبيلك يا رب العالمين آآآآآمين
ياذا الجلال والإكرام
يا ذا الجلال والإكرام
يا ذا الجلال والإكرام
يا ودود
يا ودود
يا ودود
اللهم ارزقني وارزق أخواتي في الله بالذرية الصالحة عاجلا غير اجل انك سميع ‏مجيب
‏
ويارب تقولوه على طول انته كمان

أزيكم يا بنات وحشتونى أنا حبيت أرد على موضوع المنشطات لإنى عارفه إن المنشطات لا تسبب الإجهاض نهائى و عاوزه أسألكم أيه أخبار دكاتره النساء معاكم مالحظتوش إن كل ما تروحوا لدكتور يطلع الدكتور اللى قابله مبيفهمش لدرجه إنى فقدت الثقه فى الدكاتره وفى كلامهم و المشكله إن كلهم دكاتره مشهورين إيه رأيكم و أيه أخباركم مع الدكاترة؟؟؟؟؟؟

ااااااااه من الدكاترة و اللي عملوه فيا
دول مش دكاترة دول مش ناس اصلا
طلعوا روحي من كتر ماجربوا فيا وكل واحد يطلع اللي قبله مابيفهمش
انا بخاف منهم و بترعب وانا داخله عندهم
ربنا يتوب علينا من الروحه عندهم ويرزقنا بالذريه الصالحة يا رب ااااااااااااااااامين
:21_210:

انا دخلت علشان ادعيلكم كلكم ان ربنا يفرحكم بشوفة اولادكم ان شاء الله
و الموضوع دة عن قريب يتقفل و تبقوا فى تجهيزات الولادة باذن الله
ربى يرزقكم جميعا بالذرية الصالحة عاجلا غير اجلا يا رب
يا ريت مشاركتى مش تضايق حد

شكرا لكي
rona
ارجو ان يكون جوابك اكيد و عن تجربة لكي يطمان قلبي :87457:

:shy::21_182:ربنا يسمع منك ومنا الدعاء
يا رب ااااااامييين

يا بنات عاوزاكم تدعولى لإنى غيرت الدكتور لدكتور تانى و الدكتور اللى ولدنى قالى عليه ممتاز إدعولى لإنه قالى إنه هيبدأ من الصفر يعنى إشعه صبغيه من أول و جديد و منظار من أول و جديد لإنه بيقول إن الإجهاض ممكن يكون تسبب بأى إنسدادات فعاوز يتأكد إن مفيش أى إنسدادات و أنا خايفه لإن الإشعه الصبغيه تعبتنى أخر مره إدعولى ماحتجلهاش

يا رب ما تحتاجيلهاش و تحملي على طول انا عارفه الالم اللي بتسببه
ربنا يوفقك و يرزقك واحنا معاكي بالذريه الصالحة ان شاء الله
و لو الدكتور ده طلع كويس ابقي اديني اسمه و عنوانه
يمكن ربنا يكتب الخير على ايديه
ويجعله سبب

اسفة ع التطفل انتوا بنات مصر وانا من البحرين لكن حبيت اسلم عليكم وادعيلكم بالحمل هذا الشهر ويااارب كل المتاخرات عاجلا غير اجل قولوا امين

على فكرة انا فكرت اسافر مصر اعالج او الاردن لكن زوجي موب موافق وبتابع مع دكتورتي ويااارب خير علي واحمل هالشهر

ايه يا بنات مصر انتو فتحتوا التجمع وبعدين بطلتوا تدخلوه ليه؟؟؟
انتو زهقتوا و للا ايه ؟؟
ربنا يرزقنا كلنا يا رب بالذرية الصالحه آآآآآميييين

أنا مقدرش أزهق من التجمع لإنه الحاجه الوحيده اللى بتشغلنى أنتم أيه أخباركم وبتقضوا وقتكم إزاى و أيه أخبار نفسيتكم أنا ساعات بكون كويسه و ساعات بتخنق و أقعد أعيط من غير سبب لأن حتى و زوجى مسافر الناس يتقعد تسأل عملتى أيه طب بتروحى لدكتور ولا لأ و مفيش حاجه بتخليهم يبطلوا يتكلموا زهقونى حاسه إنى وحيده عارفين الإحساس ده

اخباركم ايه يا امهات المستقبل قولوا آآآآآآآآآآآمين يا رب


عيزاكم تدعولى لانى ناويه اغير الدكتور هاخد راى دكتور تانى من نفس مدينتى لو محستش انه فاهم هتكل على الله واقنع جوزى بانى اروح لدكتور في القاهره بنات انا حسه ان اى واحده فينا لازم تقرا كتير عشان تفهم حالتها ايه وتقدر تحدد ان كان الدكتور الى بتتعامل معاه اهمل في حاجه ولا ماشي صح


ايوه حاجه تانيه بما اننا مصريات فكل واحده تقول هيا من اى مدينه يمكن نقدر نساعد بعض اكتر وربنا يوفقنا انا نفسيتى اليومين دول زفت رحت شقتى اعت هناك كام يوم رجعت مكتئبه وطبعا لان جوزى مش هنا:cry::cry::cry::cry: