افكار للاماراتيات فقط

ط

طموووح

عروس نشيطة

13-04-2003 | 11:58 PM

السلام عليكم

اود ان اطرح قضية هي ان الاماراتيات عندهم مواهب وابداعات بس للاسف ما حد يعرف عنهم يعنى احنا اللحينه كم عضوة في المنتدى ليش ما انسوي اجتماع حقنا للعضوات وانفعل هذه العضوية يعنى نجتمع مكان و انخلي لنا صيت في الدولة مو مندسين كل وحده في بيتها و دافنة مواهبها و ابداعاتها واللا شو رايكم انا احب ان لبنت الامارات ان تبرز في مختلف المجالات يعنى مره في الشهر او حتى في السنة انسوي اجتماع تعارف يعنى كل واحد يعرف الثاني بالاسم المستعار ليش ما انكون ايد وحده نرفع اسم بنات الامارات و صدقوني بعدين الكل بتشجع لينضم لنا

والله الافكار تهف علي وايد وو افكاري ما تخلص و رؤيتى للمستقبل انشالله له قياس فاذا حد يؤيد يشاركنى الراي لعقد اجتماع للعضوات للتعارف و تبادل الخبرات والله بتكون وناسة .

المهم اتريا ارآكم

ع

عضوة

14-04-2003 | 12:18 AM

مشكورة يا طموح فكرة حلوة بس ووين البنات يلا شاركوا فكرة حلوة:D

X

XxSnow WhitexX

مشرفة سابقة

14-04-2003 | 12:41 AM

أنا أشجع هالفكره واتريا البنات عشان احط ايدي في ايدكم.. واذا اجتمعنا وطلعنا مواهبنا بتكون لنا مكانه وبيطلع اسمنا وبنفتخر بمواهبنا وما بنكتمها.. تسلمين اختي الطموووح على الموضوع ونتريا البنات..

*

*هنودة*

عروس مبدعة

14-04-2003 | 12:44 AM

فكرة وااايد حلوة ..... وانا انضم وياكم

إ

إماراتية حلوة

عروس جديدة

14-04-2003 | 12:53 AM

الفكرة حللللللللللللللللللللللللوة وااااااااايد ..

وأنا معااكم ايدي بيدكم..

يالله شو اللي تامرون فيه أنا حاضر وتحت أمركم ..

يالله لازم انفذ هالشي لأنه شي روعة والله ..

س

سراي1

عروس جديدة

14-04-2003 | 01:46 AM

أنا معاكم ...... بس وين بيكون الاجتماع ......

*

**العروسة ترف**

عروس مبدعة

14-04-2003 | 02:30 AM

ياليتني معاكم...:confused:

ش

شجرة التين

عروس نشيطة

14-04-2003 | 06:59 AM

انا بعد خذوني وياكم

أ

أمل مقتول

عروس متألقة

14-04-2003 | 07:36 AM

فكرة وااايد حلوة ..... وانا انضم وياكم

:D:D

د

دائما عروس

عروس مبدعة

14-04-2003 | 07:41 AM

وانا بعد اضم صوتي لصوتكم :)
ترا انا من بوظبي
يالله انتظر باجي البنات
تحياتي

ب

بنت زايد

عروس مبدعة

14-04-2003 | 07:47 AM

وانا بعد انظم اليكم... ولبلادي الحبيبه

M

MissAnGeL

عروس متألقة

14-04-2003 | 08:02 AM

حبيبتي طمووووووووووووووح انا بعد معاج لا تنسيني مووووول

ب

بنت دار زايد

عروس مبدعة

14-04-2003 | 08:18 AM

انا انا بعد وياكن

شو رايكن انسوي الاجتماع في بيتنا تعالوا عندي اوكي وانا اترياكن;)

ياهلا والله ببنات دار زايد يلا شدوا الهمه ونرفع راية بلادنا

ن

نور الليالي

عروس جديدة

14-04-2003 | 08:26 AM

مرحبا
بصراحه انا من الامارات بس كنت اشوف احلى يوم المنتدى كان عام افضل
يعني اقصد الكل يستفيد من الثاني .

اتمنى لكم التوفيق

ط

طموووح

عروس نشيطة

14-04-2003 | 01:13 PM

السلام عليكم

والله اخواتي احرجتوني بتجاوبكم وياي والله افتكرت ان محد معاي على الخط المهم بنت دار زايد والله انا اشكرج من كل قلبي لتطوعكج على استضافتنا بس والله بوظبي ابعيده حبتين ...

المهم الفكرة يا حلوين انا نعقد اجتماع في دبي مثلا لانه بيكون قريب من بوظبي و الشارجة و عيمان وانا راس الخيمة يعنى خير الامور الوسط..

و الله بعد ما نبا انكلف على حد في الاجتماع يعنى شو رايكم ان نخلي حد يدعمنا في اجتماع مثلا في جمعية او قاعة او صالة اي مكان المهم نجتمع انزين احنا نبا انكون لنا راس في المجتمع و الا شو رايكم يعنى هدفنا هو الوصول لمبتغنا و هو ابراز مواهبنا و ابداعاتنا لذا لابد من الاعلان والنشر لذا يجب على كم متطوعة من دبي اتحدد لنا المكان اللي بنجتمع فيه يعنى ادور حد يدعمنا ماديا هب بالسياير هاهاه المهم يعنى انحصل مكان نجتمع و ينعلن عن انولاد منتدى بنات الامارات للابداع مثلا ممكن انغير الاسم بعدين و انشكل مجلس و هدفنا انشالله بيكون عمل معرض لانتاجاتنا وابداعتنا والكل لازم يعرف عنا صح والا لا المهم هذا رايي .. و لازم انكون متواصلين هب بس في المنتدى مجرد اسم مستعار و شخصية مستعاره..

ارجو المشاركة منكم بالراي والرد ...............

س

سماهر

مشرفة سابقة

14-04-2003 | 01:20 PM

صبروا صبرور وين سايرين ؟

انا بعد خذوني وياكم

ع

عاشقة أرت

عروس مشاركة

14-04-2003 | 01:27 PM

احط ايدي في ايدكم

ش

شواخه

عروس نشيطة

14-04-2003 | 01:29 PM

انا معاكم بعد بس فيه ناس ما عندهم مواهب وممكن يساهمون معاكم

ج

جروح البنفسج

عروس نشيطة

14-04-2003 | 01:40 PM

أنا بعد احب انضم للمجموعه :)

*

*هنوده*

عروس جديدة

14-04-2003 | 02:13 PM

فكرة حلوة بس وين المكان و متى التنفيذ؟؟؟
اتمنى انها تتيسر الإمور انشالله :D