يلا يابنات اخدت كورس في عمل الستاير ومستعدة اعلمكم

ابغى اعرف كيف اثبت الحلقات اللي ادخل فيها عصا التعليق وكيف اعملها لها جهاز خاص

جزاك الله خيرا

حبيبتى الوجه السعيد :

اي حلقات تقصدين اللي تدخل في الماسورة وبعدين يتركب فيها المشابك الصغيرة اذا كنتى تقصديها فدي بتتدخل في الماسورة عادي بدون تثبيت ولكن اظنك تقصدي شيء تاني بس انا مو فهمتك

اختى غليمة منورة الموضوع حبيبتى

عايزه منك مجموعه تصميمات لشقه صغيره و اثاثها مودرن و تكون حلوه و بسيطه و ليها افكار و الوان جريئه و طبعا كيفيه عملها و تسلميلي هتعبك معايا

حبيبتى هند جاري التجهيز والاعداد ان شاء الله انتظريني قريبا

بس ممكن سؤال انت هتفرشي شقتك مودرن ممكن تقوليلي منين جبت عفشك والاسعار اخبارها ايه لانى ناوية اعمل بيتى مودرن انا كمان ومحتارة شوية ابتدي منين؟

مشكورة عالرد لكن انا اقصد كيف اثبت الحلقات فالقماش نفسه هل له جهاز او اقص دوائر بالمقص وبعدين اثبت الحلقات . ياليت تكوني فهمتيني .

بإنتظارج ( جنة حسام الدين )

مشكورات اخواتى على البداية المشجعة:

اختى الوجه السعيد :

اعتقد النوع من الستاير اللي تقصدينه زي ستاير الحمام مثلا اللي تيجي مفرغة جاهزة يعنى الحلقات بتكون في القماش نفسه ومش احنا اللي بنعملها لانها معموله بماكينات خاصة وهى اكثر استخداما في الاقمشة البلاستيكية والمشمعات لانها تناسب الحمامات وماشابهها

انتظرونى في الدرس الاول : طريقة عمل الستاير الخفيفة

نبدأ على بركة اللله الدرس الاول طريقة عمل الستائر الخفيفة

الاول خلونى اعتذر منكم لانى اتاخرت عليكم بس والله امبارح بعد ماكتبت الدرس الاول جه ولد خالي الصغير وقفل الجهاز قبل ما ارسله او اعمل منه نسخة وانا ساعتها :mad2::mad2::mad2: بقيت هتجنن وكنت هضربه بس قولت طفل مسكين مايفهمش حاجة

المشكلة اننى بصيغ لكم الدروس من دماغي ومن فهمي للدروس يعنى مش عندى كتب او مذكرة لا دي مجرد نقاط بسيطة كنت دونتها ورا اللي كانت بتشرحلنا

المهم تعبكم راحة ومش هتعب لاغلى منكم ونبدأ بسم الله:

ماهي الستاير الخفيفة:

طبعا يابنات كلنا عارفين ان المقصود بهذه النوعية من الستاير هي الستاير التي توضع غالبا على النوافذ والشرفات ( البلكونات) والهدف منها يكون حجب الرؤية مع تمرير الضوء
وهي تصنع غالبا من احد الاقمشة التالية( شيفون ، اورجنزا، فوال، موسلين، الكوريشة الخفيفة )
وهى غالبا تكون ذات الوان فاتحة لكى تعكس الضوء وتسمح بتمريره من خلالها وغالبا مايكون عرض هذه الاقمشة 3متر للعرض ولذلك نرى انه ليس هناك ضرورة لوضع مثل هذه الستائر على اماكن غير نافذة للضوء او فتحات بداخل الشقة مثل الطرقات او مداخل الابواب لانها لن تحجب جيدا وليس هناك ضوء نريد ان ننفذه من خلالها ولهذا نستعمل عوضا عنها الاقمشة الثقيلة حتى تحجب افراد المنزل ومن بالداخل عن الصاله الخارجية



طريقة اخذ المقاسات:

كيف نقوم بحساب القماش اللازم لعمل الستارة

ذكرنا ان معظم الاقمشة المستعملة في عمل الستاير الخفيفة يكون عرض القماش فيها 3امتار

وهو طبعا عرض كبير جدا لذا درج استخدام هذا العرض بتحويله الى طول ( كطول لحائط) واغلب البيوت الان بيكون فيها ارتفاع طول الحائط من 2.5 الى 3 متر

اما عرض الحائط =نقيس مساحة الحائط او الشباك او البلكونة المراد عمل الستارة لها وده هيكون طول القماش المراد شراؤه ولكن بدون حساب نسبة الكشكشة

هعطيكم مثال على كده عشان توضح الصورة اكتر:idea:
لوعندي حائط طوله 2.70 متر وعرض الشباك مثلا 2 متر

اذا كم احتاج ان اشتري عدد امتار من القماش مع عدم حساب نسبة الكشكشة

قولنا عرض القماش 3 متر هنحوله لطول والحائط طوله 270 سم يبقى الباقي هيروح في الثنيات والالتنظيفات

اما عرض الشباك هوا اللي هنحسب عليه عدد امتار القماش

اذا هنحتاج 2متر قماش طول:poster_dots:

ثانيا: حساب نسبة الكشكشة:

لحساب نسبة الكشكشة لاي ستارة
يكون مقدارها اما مرة ونصف او مرتين يعنى مثلا في المثال السابق

احنا قولنا هنقطع 2 متر لعمل الستارة بدون كشكشة

طيب لو عاوزين نضيف نسبة الكشكشة يبقى اما ناخد 3 متر او 4 متر يعنى ما يساوي مقدارها مرة ونصف او مرتين او المتوسط بينهم يعنى 350 سم

كل الاختيارات دى بتكون مناسبة لعمل كشكشة كويسه وطبعا كل مازادت عدد الامتار بتزيد نسبة الكشكشة وده بيدي جمال اكتر للستارة

انواع الشرايط المستخدمة في عمل الكشكشة:

عندنا كذا نوع من الشرايط وياريت كان عندى صور اقدر احطهالكم بس للاسف ماعنديش فبطلب لو اي واحدة من البنات عندها تنزلها وتساعدنا في الموضوع


نرجع لانواع الشرايط

عندنا شريط بفتلتين وشريط باتلات فتل وشريط باربع فتل وكل ماتزيد عدد الفتل اللي في الشريط بيدينا كشكشة احلى

طريقة خياطة الستارة:

اولا بنقوم بتحديد طول الستارة وعرضها يعنى لو طول الحائط كما ذكرنا 270 سم اذا نقوم بثنى حوالي 30 سم من طول الستارة
وبعد كده نثني كمان حواف الستارة عشان تبقى نظيفة

وبعد كده ناخد الشريط ونقصه بنفس عرض الستارة من فوق ونبدا نخيطه بتثبيته في الستاره من اعلى بحيث يتم تثبيته من طرفيه العلوى والسفلي

بعد تركيب الشريط نسحب طرفي الخيط من الجوانب لعمل الكشكشة اللازمة بحيث يكون عرض الستارة النهائي = عرض الشباك او الجدار اللي هتتعلق عليه

وبعد كده اركب المشابك الصغيرة فيها وبعدين اعلق الماسورة وفيها عدد الحلقات مساوى لععد المشابك

وبس :Z_cool_c:


واي سؤال انا حاضرة لحين اعداد الدرس التالي :9_28:
:21_213:

اشكال ونماذج للستاير الخفيفة:



ده نموذج بسيط لستارة خفيفة مع اضافة جزء ديكور على شكل مثلثات في اعلى استارة



ستارة خفيفة عادية تقليدية ولكن الالوان المستخدمة تعطي رونقا وجاذبية مختلفة




ستارة خفيفة ولكن بدلا من استخدام الحلقات تم ربط الستارة بعقد من اعلى

ستارة خفيفة ولكن بحلقات من القماش بدلا من الحلقات المعدن وهذا هو النظام الامريكي الحديث





ستارة خفيفة عادية باضافه درابيه متهدل كلمسة جمالية للستارة

معقولة يابنات 96 واحدة دخلوا ومافي ردود ولا تفاعل

ايه الموضوع مش عاجبكم ؟ ماكنتش اتوقع والله

واااااو
ماشاء الله روعة
الله يعطيك العافيةحبيبتي
مرررة ذوق

شكرا حبيبتى على مرورك الطيب

شكرا أختي على هذا المجهود الجميل
ننتظر بقية الموضوع

الله يجزاج خير

بدات اتحمس بردودكم الحلوة بس بانتظار بقية البنات

تسلميييين ومشكوره على الجهود