بليز ساعدوني ..

السلام عليكم ورحمه الله و بركاته ..

و الله أكتب لكم و قلبي يحترق ...

أنا بقولكم سالفتي بأختصار و مستعده أسمع اي كلمه منكم ...


أنا و صديقتي ربع من أيام الابتدائي (( صراحه هي أكثر من أخت )) .. وأحنا ما شاء الله متفوقات و من الاوائل .. بس يوم دخلنا الجامعة دخلنا تخصص صعب الصراحه و ما يناسب ميولها .. المهم : كل يوم أحل انا طول الليل و مارقد الا وقت متأخر الواجبات و هي تنقل في البريك أو في السياره الواجب مني .. المسأله مو مسأله تأخذ مجوهدي أو ما تأخذه .. المشكله اني أحس اني أغشها اذا اعطيها الواجب لانها في الامتحان بتوهق .. و في نفس الوقت استحي أقولها مب معطتج و هي وفيجت عمري .. أمي تقولي حرام الي تسوينه مجهودج و تعبج غيرج الي ياخذه لانه ناخذ في الهوم ورك نفس الدرجه .. و الاخس من هذا انه مب في ماده وحده .. تقريبا كل المواد .. و في ماده الدكتور صادنا و ما كان يعرف من الي ينقل من من و كان موقفنا جدا محرج قالنا بليز لحد ينقل من حد .. و بعد المحاضره قالت لي عادي شبيسوي يعني خل يعطينا صفر .. هي لو تأخذ سوال سوالين أوكي بس كل الواجب و الله صعبه ..


المهم : اليوم كان عندنا أمتحان و توترت الصراحه الوقت واجد قصير و هي كانت تقولي وخري ايدج بنقل .. و الله توترت و ما عرفت احل ..

انا في حاله نفسيه يرثى لها .. من ناحيه الدين قلبي يعورني لانه من غشنا فليس منا .. من ناحيه الصداقه و الاخوه أحس انه ما أبغي اخسرها على اشياء تافه .. و صراحه أحس انه مجهودي و تعبي و درجاتي تروح لغيري ..؟؟؟؟؟ لانه لا يستوي الذين يعملون و الذين لا يعملون ..

ملاحظه : انا اثناء الامتحان يوم ما عرفت احل وهي تنقل قلت لها يعني اشلون اكتب بعصبيه ؟؟
هي الحين كلمتها في التلفون حسيت انها زعلانه بس ما تبغي تبين لي .. شــــــــــــــــــــــاسوي .؟؟؟