عندي إقتراح - منتديات عروس

ن

نور الوصال

عروس مشرقة

13-04-2003 | 09:30 PM

أنا عندي إقتراح،،

ويا ريت يوصل لأم سيف وحمده.....

في الفتره الأخيره كثرت المواضيع عن مكياج أم سيف ومكياج حمده وغيرهم من المواطنات الموهوبات....(ما شاء الله عليهم)

بس المشكلة إنه وا شفنا ولا صوره لمكياجهم .....

وطبعا هذي مشكلة الأنه كل وحده تبغي تعرف وتشوف مكياجهم...

وعندي فكرة لحل المشكلة.......

يجيبون بنات (هنديات أو غير مواطنات، أو غير متحجبات) وتدفع لهم مبلغ بسيط من المال، وتسويلهم مكياج وتسريحة وتصورهم وتحطي صورهم....

وممكن تحصل هنديات واااايد بيرضون إنه صورهم تتحطى على النت.

هذي فكره عشان نشوف مكياجهم.......

شو رايكم؟؟؟؟؟؟؟؟؟!!!!!!!!!:D

ف

فواكه

عروس مبدعة

14-04-2003 | 11:34 AM

فكره حلوه اختي نو رالوصال

ع

عضوة

14-04-2003 | 12:24 PM

يا سلام فكرة حلوة علشان اعرف اختار اي خبيرة

ح

حـــوراء

مشرفة سابقة

14-04-2003 | 04:21 PM

فكره حلوه اختي نور الوصال بس وين اللي يطبقها

تحياتي ..

ا

امواج هادئه

عروس جديدة

14-04-2003 | 04:45 PM

الفكره ممتازه مشكوره اختى نور الوصال :D

ن

نور الوصال

عروس مشرقة

14-04-2003 | 11:20 PM

هلا خواتي

والله ما في أسهل منها.......

والمشكلة إنه واااااايد مواضيع عن خبيرات التجميل والمدح والكلام إلي غرق المنتدى والمواضيع إلي تتكرر على نفس السالفة وما منها فايدة لأن السمع غير الشوف.....

وأعتقد إنه موضوع الصور وااايد سهل......ممكن تجيب وحده هندية أول زبونة غير مواطنة وتسوي لها المكياج وتصورها، وإذا ما تبغي تعطيها فلوس،،،ممكن تعمل لها سشوار أو أي شي ثاني ببلاش بمقابل التصوير.....

يا ريت كلامي يوصل لحمده و أم سيف وغيرهم عشان نشوف شغلهم وكل وحده تختار إلي يناسب ذوقها.......

;)

ا

اللمسه السحريه

عروس مبدعة

15-04-2003 | 01:30 PM

هلا اختي نور الوصال اقتراحج واااايد حلو وبالفعل سرنا على كلامج حصلنا على وحده هنديه وصورناها وباجر اذا الله راد بنحط الصوره وقلنا نشوف وحده سمره وايد ونصورها قبل وبعد المكياج ما حصلنا غير شغالة امي العوده :D اثيوبيه اول ما قلنا لها بنمكيجج وبنصورج واافقت على طول اونها بطرش الصوره حق اهلها ( يحليلها ) :D
وقبل لا انسى يا نور ممكن تطرشين عينات من الدخون الي تبيعها ام محمد على الصالون؟ لان الدخون الي خذته قرب يخلص وعندي زباين طالبين لاني تبين الصدق يوميا ادخن الصالون بدخون ام محمد وانا دوم احب اغير في الدخون واسمحي لي الغاليه

ع

عضوة

15-04-2003 | 01:39 PM

لازم اسير عندكم واشوف هذا الصالون اللي دايما تتكلمون عنةلو انة مشور علية بس عادي:D

ا

اللمسه السحريه

عروس مبدعة

15-04-2003 | 09:24 PM

حياج عوشه في اي وقت اذا ما شالت الارض بنشيلج في عيوننا والصالون ما يكتمل الا بوجود اهله :)

ن

نور الوصال

عروس مشرقة

16-04-2003 | 02:43 PM

هلا أختي اللمسه السحريه

زين والله إنه جهزتوا الصور،،،،،،يالله نترياها إنشاء الله....
أكييييييييييييد بتكون روووووعه.....

على فكره، البنت إلي تجيب لكم الدخون عندها مناسبة بعد فتره وأنا اقترحت عليها إنها تسوي برفه عند حمده، هي إنشاء الله بتي عندكم قريب عشان تسوي البروفه، وبتتصل قبل على الصالون عشان تاخذ موعد.

وإنشاء الله بجيب لك عينات، بس شو تيغين بالضبط؟؟؟؟؟؟

وبالتوفيق

ط

طموووح

عروس نشيطة

19-04-2003 | 08:16 AM

السلام عليكم و الرحمه

والله فكرتج وايد حلوة بس للاسف ما طبقيتها امس لما يتينى المهم ما قلتلي رايج انشالله عيبج المكياج المهم اذا ما عيبج تراه عادي و خلينى ربع ترا الناس اذواق و مشكورةعلى الييه هاي كم تسوه و سلامي على الاخوات و انشالله بدور لي سيلانية حد من الاهل عشان اصورهم هاهها

يالله في حفظ الله

ا

الإداره

ادارة موقع ومنتديات عـروس

19-04-2003 | 08:40 AM

ليس من اللائق مناقشة هذه الامور على العام وبامكانكن استخدام الخاص في ذلك