شنو اسوي؟ محتارة بليز عطوني رايكم

السلام عليكم والرحمه

اخيتي الغاليه أسأل الله تعالى ان يوفقك في حياتك وان يفرج كربتك ويسهل امرك

اول شي انتي انسانه فعلا حساسه جدا بس ماشالله عليج مضحيه واللي اقصده انج كتمتي ألمج وجزنج عن خطيبج مراعاة لظروف عمله وتحملتي كل هالمده عسب ماتعكرين مزاجه

انا بقولج يمكن انتي باللي سويتيه صح بس بنفس الوقت هو غلط
الغلط انج تقعدين مع الانسان الي تحبينه وانتي في قلبج هم خاطرج اطلعينه وترتاحين
وهالشي اذا استمر بيزيد من شكج له وبخلي حياتج جحيم
وهذا حقج انج تعرفين الحقيقه وترييحين نفسج وتقطعين الشك اللي في راسج
ياعمري اول شي تعوذي من لبليس ودام دموعج تسبقج ماعليه اكتبيله رساله بس هالرساله تكون جدا شاعريه وفيها نوع من الجديه والسياسه المتقنه

يعني لاتكتبيله رساله فيها حبيبي انا احبك وانت ماعرف شو جي بيعرف ان هو نقطت ضعفج وبيقدر يسطر عليج ويطلع من مشكلته

خلي رسالتج رساله هادفه جدا تكلمي فيها من الناحيه العقليه اكثر من الناحيه القلبيه خليه يفكر بمنطق قوليله انت اغلى ماعندي وانا واثقه منك لكن موب الثقه اللي تبعدني ان اعرف شو اللي بقلبك واذا كنت تسوي غلط والا لا والشي الثاني قوليله انا كتبت هالرساله لان يمر علي حلم ويتكرر معاي دوم دوم انك تخوني وانا اعرف انك تحبني بس يمكن بعدك عني هالفتره خلى في احد يدخل حياتك لو كان بالمتعه
قوليله حبيبي اذا انك ارتكبت خطأ او خنتني هذا قلبي مفتوح لك اذ ا تبي تصارحني انا مسامحتك من كل قلبي بس اذا اكتشفت انك تلعب بذيلك بتخسرني

قوليله انا اعرف انك تحبني وماتبخبي علي شي وانا ماقول جي الا عسب قلبي يطمن

وانتي تعرفين خطيبج اكثبر مني اذا ماقدرتي تصارحينه نغزيه بالكلام
وانتي قاعده معاه مثلا قوليلق مااااااااااااااااااااتخيل بيقولج شو قوليق حلمت انك تكلم غيري وكاه اقعد افكر شو بتكون ردت فعلي طبعا هو بيسألج خاصه اذا كان يسويها قوليله اذا اعترفت بغلطك وحتى لو انا ماكشفتك بسامحك من قلبي بشرط انك توعدني ماتكررها بس لو كررتها يمكن اعطيك فرصه ثانيه ولو عدتها ( تكون نظرتج قويه ونبرة صوتج حاده مع حزن وحتى لو كنتي تبكين) بتخسرني وانا عند كلمتي

وانشالله الله لايفرق بينكم حياتي

والسموحه عالاطاله

حبيبتي انا ما اقدر اجزم ان قفي خيانه بالموضوع
لان البنت تقوله انا زعلانه عليك لانك ماترد
انا انصحج انج اطولين فتره الخطوبه اكثر عشانتتأكدين من اخلاصه
لان اذا وانتوا مخطوبين وتأكدي من الخيانه اعتقد ان هذا شي صعب

المهم تكونين عقلانيه ولاتخلين عاطفتج تلغي عقلج وكرامتج
وخليج قويه لانج صاحبه حق
بدون رسايل والا اوراق خليج قويه وواجهيه

تسلمون عزيزاتي السقطرية و غزالة الحب على الرد


طيبتون خاطري شوي ... حبيبتي غزالة الحب انا صار لي مخطوبة سنتين وتعرفت على خطيبي لمدة اربع سنين يعني كان بيننا قصة حب طويلة.... بعدها ارتبطنا والحمد لله وهو حلمي الاول والاخير في هاي الدنيا ... بس ما ادري ليش احس انه بعيد عني في هاي الفترة يمكن لان وجوده في المعسكر وما اشوفه كل يوم خلاني احس بهالاحساس مع اني دوم افكر فيه ولا لحظة غاب عن بالي.....

بس عن جد مب عارفة اشلون اصارحه وما ابيه يضايق.... لانه لي الحين في فترة تدريب ... واذا كتمت في نفسي زيادة راح تتعب نفسيتي اكثر واكثر بس احاول اكون معاه على طبيعتي .... لاني احبه واموت فيه واتمنى راحته حتى لو على حساب راحتي... لان اذا هو مرتاح بكون مرتاحة... فعلا ما اقدر استغنى عنه ومن جذي خايفة اكلمه ويصير شي ثاني بيننا مثل ان احنا تكون بيننا حواجز بسبب سالفة ما اعرف شنو اصلها وما ادري هل هو مذنب ولا لا...

مشكورين عزيزاتي ما قصرتوا

مااعرف شنو اقولك بخصوص البنت
بس الي اريد اقوله الك لا تكلميه ولا تكتبي رساله بالي تحسي فيه
لان باين خطيبك نفسيته تعبانه من دورة التدريب لاتكلميه ابلعي الي انتي حاسة فيه لحد مايخلص من المعسكر
هو متى يخلص؟
مااقولك غير الله يعينك ويصبرك ويوفقك

[GRADE="FF1493 DC143C FF7F50 FF6347 00008B"]
استهدى بالله اختيه ولاتكلمينه الحينه لانه اكيييد بكون متلعوز ونفسياته مو داك الزود عشان المعسكر والبعد.بس انتى لازم تتاكدى من طبيعه علاقته بها البنت وصدقينى يمكن اهو خايف يقولج ولا يفتح الموضوع مرة ثانيه لانه خايف انج لنج راقبتيه وكشفتيه فهذا حز بنفسه وبكدا هو صامت ومايبى يفتح ع نفسه ابواب لكن يبدو انه شاريج ويحبج انتى بعد لا تتسرعى وتحكمى بعواطفج وانتى ادرى واحده فيه دامج تعرفينه من سنين وعلى فكرة لو كان يخونج فسهل تكشفيه وتعرفين احيان احساس الواحده يكون 99% صحيح بس انتى فكرى بعقل واذا عرفتى انها نزوة وتقدرى تطوفينها برضه يرجع لج المهم تعرفين تتصرفين وياه يوم يرد وخلك ع طبيعتك ماله داعى اسلوب المواجهه الحينه يمكن تنصدمى من رد فعله او كذا وبعدين اختى لو كنتى تشكين ولو مقدار ذرة انصحج ولراحه بالج لاتدورين بالموبايل وخليه ع كيفه لانه لو حس انه مراقب ماراح ترتاحين ولو كشفتى هم بعد بس زيدى ثقتج فيه وبنفسك وتوكلى على الله فهو وكيل الغافلين وادعى ربنا يهديه ويسخرة لك ويجمعك معاه ع الخير
ربى يوفقج
[/GRADE]

حسيته كل ساكت واساله ليش ساكت يقول لي لاني مو مصدق اني شايف حبيبتي قدامي كفاية عيوني تعبر ... ابي بس اطالع فيج ارتاح.... قلت له اوكي بس تكلم لا تقعد ساكت... ومشكلتي اني حساسة يعني اقل شي وازعل.... وما ادري شنو اسوي...

الريال بطبعة يميل الى الصمت فلا تجبرينه انه يتكلم


اما فكرة الرسالة

ما انصحها

ان شاء الله ينصلح حاله

ولا يحتاج لا ورقة ولا شي

اختي يمكن هي كلمته وقالت له انك كلمتيها ... وهو مستغرب من ردة فعلك انك الى الان ما فتحتي الموضوع معاه

تسلمون عزيزاتي على الردود

فعلا اني فكرت ما اواجهه لاني احبه واموت فيه وما اقدر اضايقه باي شي ومتفهمة انه في معسكر ومحتاج حق الراحة في هاليومين الي يجيهم حقي.... وواثقة منه مع اني شفت المسج بعيني....


اختي روبا.. يمكن كلمته وخبرته ويمكن لا... كل شي جايز والله العالم بما تخبئه القلوب


الله يوفقنا ويصلحنا يا رب