أبي حل حق المشكله الي أحس ان مالها حل ... بنات ردوووووا علي

شلونكم ياعرايس ... أتمنى من كل وحده تقرا موضوعي ترد علي لأني صج محتاره وموعارفه شاسوي...

أنا مخطوبه صار لي شهرين وخطيبي هو أكبر اخوانه وخواته ... المهم عنده أخت صغيره يعني عمرها 17 سنه ... هاذي اخته الحبوبه الي يمووووووت عليها ويدلعها ووواااااايد يحبها ( هذا كله انا ماعندي مانع فيه ))

بس شوفوا شيصير لما تجي وتقعد ويانا وانتو الحكم ... يمكن انا كبرت الموضوع وهو مايستاهل .. منجذي انا محتاجه لردودكم ...

طبعا احنا دايما نتلاقى في غرفة الطعام وأول ماتدخل لازم يقوم لها ويضمها بأقوى ماعنده ويبوسها ( يخلي شفايفه على خدها) مو عالطاير يعني وتكون بطريقة يعني ..... !!!! صراحه انا هني ابتدي اتنرفز ... بعدين لما نقعد ناكل يتناقزون من تحت الطاوله زز تعرفون الحركه الي بالخاصره وتنقز ,,, وجذي وتقعد تقول اسمه بطريقة المد والدلع ....( أكيد انتو فاهمين شقصد )))


لا وذاك اليوم حطت له اكل في صحنه جان هو يقول ان الاكل لذيذ ترد عليه وتقول انه اكيد حلو لأن انا الي حطيت لك اياها صح ولا لا ....


ومن عادة خطيبي انه في نهاية الاسبوع مايحلق لحيته .. عاد انا كنت رايحه الظهر بيتهم الا اشوفه محلق ..المهم قلت يمكن يبي يتكشخ لي ( مصدقه روحي انا )


الا يوم رحنا نتغدى وضم اخته وباسها بالطريقة المعتاده قالت له الله احين ناعم مو نفس مساعه .. يعني عشان هي الي قايلة له روح حلق ...

صراحه انا مو عارفه شاسوي اخاف اقوله ويفهمني غلط وماعرف شلون افتح الموضوع معاه بس صراحه انا اغير واحتر ... ودي انا يصير معاي هذا كله مو حق اخته ... حتى انا ماقد أكلني وأخته يأكلها وتأكله... صراحه مو عارفه شاسوي والله يجزيكم خير ساعدوني وشوروا علي :cry::sm215: