ضروري جدااااا ....... مستشفى الكورنيش ابو ظبي!!!!!!

هلا الغاليه انا مابغي اخوفج ولا شي لا بس انا امي وربيعتها ربو ف الكورنيش تعرفين الحمدلله امي ربت طبيعي وربيعتها قيصري بس والله انهم ماكانو يعاملونها عدل موووول كله يصارخون ويوم يشلونها يشدونها يعني مايسوون شي من خاطرهم وكله معصبين وماييون بسرعه وجي عرفتي والنظافه مب لين هناك

بس بصراحه لو انتي ف دبي فتحي ملف ف مستشفى الوصل لانهم وايد طيبين كل شوي ييون يسالون عنج يشوفونج شوتبين طيبين وسيري عند الدكتورة نادية طيبة وواااايد صبورة وماشاء الله عليهاا روووعه صدق صدق فنااانه وهاي نصيحتي وانتي على راحتج

السمووحه منج الغاليه

يؤيؤيؤ منو اللي مشوه مستشفى الكورنيش بصراحه انا ولدت فيه بكري واللي ولدوني كله كانوا بريطانيات ومعامله ولااروع عاد مادري اذا تغير الحال الله اعلم وعموما في كل مكان فيه الزين والشين وكل خواتي ربوا فيه ومازالوا ماسمعت حد منهم اشتكى بس كل اللي قالوه انه النيرسات تغيروا قبل كان المستشفى معظمه بريطانيين اللحين تغيرت العماله وماسمعت حد يذمه

كلامج صحيح الغاليه كل مكان في الزين وفي الشين والنيرسات اغلبهم ملباريات واحنا ماشوهنا الصورة بالعكس
ومايندرى يمكن انا غلطانه او انتي واكيد نحن مب قصدنا شي انا بس حابه اني اعطيكم وجهة نطري والسموووحه من الكل

انا ربيت مرتين في الكورنيش ولم اواجه اي مشاكل بل العكس جميع الممرضات اللي قابلتهم كانوا طيبات والحمدلله

لا بالعكس أنا خالتي والدة في الكورنيش ووايد تمدحهم...

يارب يسهل عليج اختي ... انا هلي بكبرهم من خواتي و حريم خواني و وحمياتي وبنات اخوي بنات عمتي وصديقاتي كلهم يربون في المستشفى الكورنيش والحمد الله التساهيل من عند الله واذا عن المعاملة الحمد الله ما يقدرون يسون شي لان يخافون حد يشتكي و يسون تقرير .. انا اروح مع خواتي عند الولاده اشوف بعض اللي بيولدون يعاندون اذا بغت الدكتورة تكشف تقول ما تريد واذا يبون منها تساعدهم في عملية الولاده تصارخ لان لازن عملية التنفس تساعد على الولادة ..انا عني فاتحة بمستشفى النور و اتابع مع دكتوري لاني حامل بعملية اطفال انابيب مع ذالك فتحت بالكورنيش لان راعيتهم للاطفال لا قدر الله صار له اي شي في الولاده غير مستشفى الكورنيش ما يتسقبل لان الوحيد فيه اطفال خدج ..الواحدة لازم تتوقع كل شي ولا تغامر ع سبيل راحتها لازم تفكر با البيبي بعد ..وسلامتج

حبيبتي انا بعد معلوماتي اوكي عن مستشفى الكورنيش خواتي وحريم اخواني كلهم يربن فيه وما سمعت اي سلبيه وحتى اني كنت مع خواتي في ولادتهن والحمد لله كل شي تمام حتي اختي مرة ولدت عندهم قيصري والحمدلله تمدحهم وانا ان شاء الله ان الله راد بفتح ملف عندهم ، وبالنسبة للمعاملة اكيد حظوظ على حسب الشفتات فيه منهن والله معاملتهن وايد حلوة حتى اني يوم كنت ويا اختي اتعرفت على فلبينيتين وايد حليلهن عسل كانن يهتمن باختي وايد ، بس اختي حطي في بالج نفس ما قالن الاخوات في كل مكان فيه الزين وفيه الشين، والله يسهل ولادتج يارب

السلام عليكم و رحمة الله و بركاته

توكلي على الله أختي

أنا ولدت فيه مرتين...و المرتين قيصري...الحمد لله...

التساهيل من رب العالمين :)

شكرا لكم جميعا والله كلامكم ريحني وايد عشان انا وافدة وهنا لوحدي يعني انا وزوجي وبس مااعرف حد هنا بس شكرا ومثل ما قلتو التساهيل من عند الله بقي اطلب منكم جميعا تدعولي عشان انا واميرتي نقوم بالسلامة وبعد يلي تسمع اي شي تدخل وتقوله يعني عشان انا اتنور وكل يلي يريدون يربون بالكورنيش ........ الف شكر

بصراحة اكره في مستفشى الكرنيش اشياء وايد ..

يعني الغرف ؟؟ وقت الي تربين فيه انتي وحظج يا يحطونج ويا وحدة او 4 حريم في غرفه مشتركه ..

ودوم ما عندهم غرف ..

واذا بتحجزين غرفه بفلوس يقولون لج بعد مب اكيد لين وقت ولادتج يمكن ما يكون فيه غرفه للحجز ..

وعااااااادي لو حطوج في غرفه وبغيتي مرافق معاج يقولون لج رقديها في الارض ...

يعني اكره موضوع الغرف عندهم..

خياطتهم ما عجبتني ابد والله ..

والحين انا قلت بس بتابع عندهم لأني احتاج مكان يكون عندهم مواعيد العصر بسبب دوامي ..

وعلى اخر شهرين بروح المفرق ان شالله يمدحونها وايد الحين

[GLOW="000000"]
السلام عليكم ورحمة الله وبركاته
شحالج حبيبتي ... الله يقومج بالسلامه ..
انا بكتبلج عن تجربتي وانتي استخيري وتوكلي على الله
انا ربيت يالغاليه من 5 شهور ولله الحمد ( عقبالج ياربي)

بصرااااحه الكورنيييييش قمة في الروووعه عن نفسي واااايد ارتحت لهم سواء من ممرضات ودكاتره وقابلات
طبعا انا ولدت في الاسبوع 35 وبسبب الضغط لأنه ارتفع عندي وطبعا ارتفع قبل ويودوني على طول ورقدوني اسبوع يتابعون حالتي ... تخطيط قلب جنين وقياس الضغط كل 3 ساعات وغيره .. وعن الممرضات بمعنى الكلمه رووعه تعاملهم ويضحكون بويهج .. ويدارووونج ويدشون عندج يشوفونج تبين شيء ولا لاء .. وعقب هالاسبوع طلعت .. بس قالولي ريحي ولا تسيرين تمشين برع ومن هالنصايح ...

عقب يوم واحد بس رديت للطواريء وقاسولي الضغط لقوه مرتفع حيل ... سيده دخلوني داخل وعلى تخطيط القلب وحطولي مغذي وحولوني لحجرة فوق ... لين ما ربيت وصدقيني يوم ربيت المناوبات كانت هنديه ولبنانيه رئيسة الممرضات .. أحلى من تعاملهم ماشي ... والقابله كانت امريكيه ... وكانت مثل الأخت ساعدتني وااايد بالعكس لا صارخت علي ولا شيء كانت تحمسني وتقولي انتي تقدرين ومن هالكلام ... الخلاصه اني انا من ناحية مستشفى الكورنيش مرتاااااااحه ولله الحمد ولعلمج انا كنت مثلج بجرية ... والحجر يحطون 2 ويا بعض ما عمري سمعت انهم حطو 4 الا بس بحالة ان الحجر اغلبها فل وبالنسبه لحجر في اي بي لازم تحجزين من تبدين تدشين السابع اقل شيء .... ووعن عنايتهم بالبيبي يتمموووون وياج لين ما تقدرين ترضعين طفلج ويعلموونج كيف تسبحينه وترضعينه وكل شي .... يعني عني انا توكلي على الله ...

وهاي تجربتي ... أتمنى اكون افدتج..
والله يسسر لج امووورج[/GLOW]

انا ربيت فيه مرتين والحمدلله طبيعي ومعاملتهم وااايد حلوه اتوكلي على الله ان شاء الله تولدين بالسلامه

اختي مستشفى الكورنيش ماعليه اي كلام وممتاز من جميع النواحي
دليل ان كل الاهل يربون فيه وماقد حد اشتكى منهم
وانا ان شاالله بولد فيه
ادعولي الله يسهل عليه ولادتي