وكانت صعبة وااااايد....
المهم قبل ولادتي بأربعة أيام جاتني آلام تجي وتروح كل ربع ساعة وكل يوم تزيد الآلام
وما أنام كله أبكي من الألم وزوجي الله يخليه كان يقرا علي... المهم ما نمت ورحت المستشفى الساعة وحدة وكشفوا علي شافوا بعده ما مفتوح وقالولي هذي آلام ولادة ....
وقالولي تعالي أول ما تشوفي دم أو نزل الماي....
المهم جلست أربعة أيام أعاني من الألم ... وكل ما أروح المستشفى يقولولي نفس الكلام... وفي يوم 25/8/2007 رحت بيت أمي وفي وقت العصر كان ينزل مني ماي خبرت أمي قالت أنتظري شوي بعدين بنروح المستشفى المهم رحنا أنا أختي نمشي والالم يزيد وأختي تقولي أمشي وأنا أمشي شوي وأوقف من الألم وأصييييح... وبعدين خلاص ما استحملت قلت لأختي وديني العيادة عند الدكتورة الي أعالج عندها اتصلت لزوجي وسبقنا للعيادة وطلع ملفي وكان زحمة كثير... رحنا العيادة حسيت أني أريد أنزل شي... على طول أختي خبرت زوجي ورحنا المستشفى... وهناك كشفوا على وشافوا مفتوح 2 سم.... وهنا بدأ العذاب
ودوني غرفة الولادة وأنا كنت خايفة وااااااايد... وأقرأ وأدعي والألم يزيد وكانت الساعة 9:30 باليل وأنا كله عندي طلق وأزفر والممرضات يقولون لا تزفرين وقالت الدكتورة ان شاء الله على الساعة 12 بتولدي وكل مرة يكشفوا يشوفوا مفتوح 2سم لحد ما وصلت 4 سم وكانت الساعة 12 وأنا ميتة من الألم في الحوض والظهر وأصارخ كل الي في المستشفى سمع صراخي ... زوجي يقولي صراخك واصل لحد باب المستشفى وأبكي وأمي تقرأ علي وتمسح على ظهري من الألم... وكان فيه جهاز
علشان التنفس أول ما تتنفسي على طول يجيلك مثل المخدر وتنامي
المهم كنت أستعمل الجهاز لأن من الألم ما قدرت أتنفس أبدا ...وأصارخ على الممرضات والدكتورة أقولهم ولدوني أنا تعبت ... جات الساعة 5 الفجر... شافوا الماي خلاص نشف والبيبي بدأ يتعب والحمة ارتفعت عندي وأنا كله أزفر من بالليل لحد هالساعة وأنا كله أزفر
والدكتورة والممرضات يصارخوا علي لا تزفري...
بدت نبضات البيبي تضعف وكل مرة تجي دكتورة تكشف علي لحد ما وصلت 10 سم
قالولي يالله ولادة أزفري زفرت 3 مرات ولا طلع شي...
لحد ما جات دكتورة ثانية وقالتلي لا تزفري ودخلت مثل القماش ما أعرف ليش تقطع الدم ولا ايش ... وعلى طول قالولي عملية لأن الرحم كان ضيق وزوجي كان خايف وكل مرة يصارخ في الدكتورات والممرضات ووقع على العملية ... بعد ما شافني خلاص بين الحياة والموت والدكتورة فهمته الوضع أني ما أقدر أولد طبيعي لأن الحوض عندي ضيق وحتى في الولادات الثانية راح أولد في الاسبوع السابع والثلاثين ودخلوني العملية وعلى الساعة 9:30 ولدت وجبت أحلى سليمان تاريخ 26/8/2007 ... المهم ما شفت ولدي الا اليوم الثاني لأنه كان في الحضانة كان شارب أوساخ الله يحفظه لي يارب
واليوم الثاني المغرب جابولي ولدي حبيبي والله يوم شفته نسيت ألم العملية وألم الولادة ..
هذي قصة ولادتي عشت عذابين عذاب الطبيعي والقيصري.... بس الحمد لله على كل شي...
وهذي صورة قمري الغالي سليماني
http://
