ابي حل مع بنتي

بالنسبة للتدريس بصرراحة ماعندي خلفية قوية يمكن البنات يفيدونك اكثر

بس انا ملاحضه :
ابدا ابدا ابدا ................ لاتبكين قدام الطفل اذا تبين منه شي وهو يرفض يسويه

انتي كذا راح تخلينه يتلذ بالرفض

والله يعينك

انا ماصيح قدامها اصلا هي مومهنا تلعب مع الاطفال

خلص اجل الله يعينك بجد

احس التدريس متعه اذا فيه استجابة

ان شاء الله البنات يفيدونك

اختي في بنات ما يجبون لش درجات كويسه لو شو ما تسوي وهم في مرحله الابتدائي لكن شوفيهم بعدين من المتفوقات مع لوحه شرف ..ويمكن عندها اسباب بالصف تخليها ما تقدر تتجاوب مع المعلمه حاولي تعرفين هالاسباب ....وانشاء تشوفينها متخرجه من الجامعه بتفوق وما يروح تعبش بلاش يااااااااارب

مرحبا اختي..

بلاش الصياح وشد الاعصاب..

كلام زوجك صحيح.. الناس قدرات... بس طبعا مش معناه ان نترك الحبل على الغارب ونضع يدنا على خدنا ونندب حظنا !

طبعاً اختي واضح جداً من كلامك انك مو مقصرة معاها ابداً.. والدليل ان اخوانها متقدمين في دراستهم..
وشيء مهم .. مو بالضرورة ان المتفوق لازم يكون ذكي و نبيه جداً، حتى اصحاب الذكاء المتوسط والفهم العادي ممكن يصيروا متفوقين مع قليل من الاجتهاد..

المهم الحين..
اول شيء انصحك تستشيري مدرس تربية خاصة .. تقدرين تتصلين في معاهد التدريس واطلبي منهم يوصلونك فيه.. المدرس في هذا التخصص يعمل على معرفة الامور اللي تعيق الطالب عن التقدم في الدراسة .. والاشياء اللي تمنعه من التفوق واحراز درجات جيدة..

مرينا بنفس التجربة.. عند اختي
عندها ولدين.. الاول مستوى ذكاءه عادي لكن ما شاء الله عليه متفوق.. بسبب متابعة اختي معاه اول باول في دروسه ومذاكرته..
والثاني ذكائه مرتفع جداً، لكن يالعجب.. مستواه الدراسي متدني !!!!

مثل ما قلت لك تواصلنا مع مدرس التربية الخاصة، وصار ياخذ عنده دروس لمدة معينة.. بعدين اكتشف السبب..
وهو ان الطفل محتاج لشخص اخر غير امه تذاكر معاه .. وانه ما يحس بالجدية في الدراسة في المنزل..

وبناء عليه اتفقنا مع احدة السيدات اللي تدرس في بيتهم.. وصار ولد اختي يروح كل يوم العصر عندها يدرس ويحل واجباته كلها والحمدلله جات نتائجه مرضية جدا ً جداً..


بالتوفيق اختي

أختي حاولي تختصري وقت مراجعتك معاها في البيت يعني ما تصير المدرسة مدرسة والبيت كذلك مدرسة !!


فيكون تصرفها ردة فعل على إجبارها على الدراسة فترات طويلة أو طريقة تحاول تخبرك بها إنك لا ترهقيني في الدراسة فالنتيجة عكسية !!!

وحتى تستطيعي اتخاذ موقف سليم وتتداركي الأمر عليك أن تقابلي معلماتها وتناقشي معها كل المور وكذلك الخصائية الاجتماعية وتعرفي مدى تجاوبها في الصف ...

مشكووووووووووووورة بنات بعمل بنصايحكم وانشالله تتعدل الامور معاها