لكل أم عامله أدخلي ..وقولي لي

طبيعي هالشي أختي لأنها تعودت على امك واااايد بس يمكن لأنك أول ما ترجعين من العمل ما تيلسين وايد معاها ؟؟ أقصد تنشغلي عنها بعد

الحين هي تفهم ، دوم كوني وياها ولا تخلين أحد يأكلها غيرك بالذات لمن ترجعين وزين لو تسبحينها إنتي بعد ودايما إلعبي معاها حسييها بقربك وإنك إنتي أمها الصح وإن والدتك تكون جدتها فهميها أكيد بتفهم شوي شوي ، إطلعي معاها السوق والحدايق خل تشعر بقربك أكثر .. صدقيني الحل بإيدك في النهاية وهاي ضريبة العمل شو نسوي بعد !!

الله يحننها عليك يا رب

بالعكس اختي اقعد معاها وأكلها واطلعها معاي ... بقولج الصدمه شنو .. الصدمه ان دوامي الحين يخلص الساعه وحده ونص بعد ساعه الرضاعه وبعدين بعد ما تكمل بنتي السنتين راح يكون دوامي يخلص الساعه 3 ونص ... يعني بعدين بنتي ما تعرفني ... :sm229: انا كتبت بالموضوع هي تلعب معاي وتضحك معاي ... بس مستحيل تقولي انا ماما .. او تصيح عشاني او تترجاني اخذها معاها مثل ما تسوي حق امي .. واذا امي معانا بالصاله .. مستحيل تقعد في حضني تضربني وترفسني لين امي تاخذها .... وتصيح وما تسكت الا على يدها :BANNED2:

الله كريم اشكر مرورك

انت و الله قلقتينى انا حامل و بشتغل و لما اولد ان شاء الله بنتى او ابنى هيكون عند امى خوفتينى انا مشتاقة اشوفهم والعب معهم و الامومه اجمل شئ بالوجود معقولة يحصلى مثلك دة انا اتعب جدا موقف صعب
ان شاء الله تلاقى حل و تكونى انت لها كل شئ بس الشغل ايضا لة ضرورياته المهمة و الله انها حيرة

اي والله اختي ,,,انا كنت اظن اني اقدر اعوض عنها كل شي بعد الشغل
لكن الوقت المهم والحرج وهو الفتره الصباحيه الي تكون صاحيه ومفرفشه وتبي تلعب وتحصل امي بس قدامها .
ولمه اجي انا وقت العصر ... تجي تبي تنام وتاكل .. والنهار الحين قصير .. يعني تنام بنت الساعه 8 بالليل .. يعني العب معاها خمس ساعات او اربع .. وبعدين تنام ...

الله يعينج والله انا بعد احس بالغيرة لمن اهد بنتي عند امي بس انا بنتي كملت 6 شهور واتعرفني عدل بس ما تعطيني ويه الا بالويك اند وباجي الايام اللي تكون عند امي ما تهتم لي

نفس مشكلتي

بس انا ما اوديها عند امي لان امي حرمة كبيرة وتحتاج من يخدمها

اخليها من الشغاله !! وسبق وكتبت موضوع عن بنتي والشغاله لما كانت صغيرة


ودوامي الى الساعة 3 العصر ... بنتي صح تحبني وتحس معي بالأمان لما نكون برى البيت لكن الحق يقال ما تحس بالحنان الا مع الشغاله .. بس عارفة اني امها رغم انها سنة و3 اشهر الحين .. الا انها ساعات تتعلق فيني ما تبغى تروح مع احد غيري و لما تجوع او تنعس تطلب الشغاله !!

هذا حالنا يالموظفات ... بس مردهم لنا .. بكره تكبر وتعرف انك امها

احس اني كنت اعاني لما كانت صغيرة بس الحين لما صارت تمشي وتنطق بعض الكلمات رجعت لي رجوع جزئي بس مردها ترجع كلي .. قولو آآآمين

انا اخلي ابني مع الشغالة لاعشان امي تشتغل هي نفسها وعندي اخت واحدة اصغر مني وعمتي وتشيل عيال لانها كبيرة في السن ... لكن ابني ابدا ما يقول للشغالة ماما ...

انا اول ما ارجع من العمل انا الاهتم فيه اغير له ..ارضعه... العبه ... ويكون لاصق فيني الي اليوم التاني لما اروح العمل ... ويوم اكون في اجازة خلاص ينسي امر الغشالة هذي خالص ويبدا يدلع علي ويتحكحك فيني ويريدني اشيله ... واول ما اتحرك هو وراي من غرفة لي غرفة ... بس اول ما يجي ابوه من العمل ... خلاص ينساني ما يتذكرني الا لما يريد ينام او جوعان ...

عورتوا قلبي لاني انا نفس المشكلة

انا دوامي الين 3 ونص بعد بس لاني احصل على ساعة رضاعة اخلص 2 ونص بس انا حتى الرضاعه ضاعت مني
رضعت ولدي ربي يحفظه ان شاءالله بس 3 شهور مع ان البجر لي لاني كنت ارد من الدوام واشله طبعا لكن اكون قاعده مع خوات واخوان ريلي واستحي ارضعه صح اقدر اشله واسير لان ساعات استحي يكون مثلا عند عمته وانا ياية من الدوام تكون ترضعه صناعي والحمدلله انا حملت بسرعه وكنت يالله يالله اقولهم هاتوه برضعه طبيعي لو انهم ما يقصرون وياي مثل خوات واكثر نحن الحمدلله المهم اني ما رضعته والله كاتب لي هالشي بس اكيد قلبي يعورني عليه بس من ارجع من الدوام اشله الين يوم الثاني هو عندي حتى لو ساعات الرقاد يذبحني ما ارقد واذا حدي تعبانه اخلي الخدامه تغسله واتييبه لي حتى هو عند حد اقعد الاعبه واقوله انا ماما وحبيبي من هالكلام واسولف معااااااااااااااااه والحمدلله يوم يشوفني يضحكلي وسااعات يصيح يباني

الحمدلله على كل حال وييييييييييييييييييييييو شوقتوني حق ولدي فديته ربي يحفظه ان شاءالله باقي ربع ساعه عالدوام مب رايمه اصبر ابا اطير

فديت ثرى ريوله ان شاءالله

وصح نسيت اقولكم فالاجازة طبعا عندي طول يوم

حبيبتي لا تضايقين روحج

فيه عيال يبكون على الخدامة مو على الجده

هذي امج والحمد لله بجذي تتطمنين لما تكوني بالدوام ان بنتك بحضن ترتاح معاه مو بحضن خادمة

فيه ناس يتمنوا عيالهم يتعلقوا في الجده بدل الخدامة

وصدقيني كل ما تكبر تتعلق فيج اكثر

ومثل ما قالوا الاخوات هذي ضريبة الدوام :(

أختى لا تضايقين نفسك ترى هالشي يصير طبيعي... أن اكنت آلآخذ ولدي عند أمي وتركته وعمره 3 شهور ورديت للدوام ولما صار عمره خمس شهور جبت شغالة وتحبه وتلاعبه وكنت آخذهم عند أمي كل صباحية وكان يحب أمي وايد،، بس لما أرجع خلاص ينسى الكل ويلزق فيني ولا بزود الدلع والحركات .. ويمكن الرضاعة الطبيعية لها دور كانت تخليه يلزق أكثر، حتى يوم عمره سنة رحت مع زوجي ماليزيا عشرة أيام ،، ماشاء الله عليه مانساني بسرعة لمني ورضع مني...
دائما خلي أمج تقول لها أن ماما بترجع بعد شوي ،، وتكرر هالكلمة على طول يكون تتعلق فيج أكثر وتنتظر موعد رجعتك..
وطبعا أنت من ترجعين خليك معاها وأكليها وسبحيها وطلعيها معاج،، آنه ماكنت آعطل روحي إذا ماحصلت حد أيود ولدي، كنت أحطه بالعربانة او كرسي السيارة وآطلع أخلص أشغالي...

السلام عليكم ورحمه الله وبركاته

ما شاء الله عليكم كلكم معاناه .... ريحتوني شوي او بمعنى اصح خففتو علي .. بس شا قول لكم .. كل الي قلتوه اسويه.. وفي الاجازه انا معاها ... وامي تقولها هذي ماما وانا يدو ... بس مافي فايده .. تبي امي ... واحنا على طاوله الاكل تحبي بسرعه وتتركني تروح لامي تبي تحملها عشان تأكلها وانا كأني طوفه .. يمها ولمه احاول اشيلهاعن امي تصرخ وتمسك بكل قوتها الكرسي .. فما احاول اشيلها عشان ما تعصب وايد وتكرهني ..


اشكر تفاعلكم من قلبي

واي انا بعد هذا الموضوع مأرقني حدي خايفة انهم يتعلقون بامي اهم توهم ثلاثة اشهر بس من ارجع يبون يرضعون من عندي وعلى طول في يدي انا بعد مثلك ان كان انت ترجعين ثلاث انا ارد اربع او خمس الا

و الله حطيتوا إيدكم عالجرح
ولدي عمره 4 شهور و من شهر رجعت الدوام و بس أرجع أخذه و أحممه و أرضعه و أهتم فيه
بس ينام بدري الساعة 8 و أنا أرجع الساعة 5 ... و الله أبكي من القهر و أشتاااااااق له كثيييير و أنا في العمل
بس ويش السواة !! العيشة صعبة و معاش الزوج ما يوكل خبز

اختي انا نفس الشي بنتي خليتها عند امي من يوم عمرها شهرين تتعلقت فيها وااااااااااايد لين تمرض او شي تبي امي مب انا بس لما اخذ اجازه واعقد معاها لا اتصير تبيني انا لا تخافين الياهل كل ما كبر يتعلق بامه اكثر عااااااااااد انا الحين ابيها تفكيني ما تعلق فيني لاني حامل الله يعيني

ياجماعه عادي اهم شي انهم بخير ومع اهلكم بس المصيبه مو مع الخدامه اللي ما تدرين امينه ولا خبيثه توكله ولا تطقه يا بنات اللي اعيالها عند اهلها تحمد برها واللي تعاني من غيرة الجده تصبر والدنيا تطير بسرعه وتشوفينها بكره ترقصين بعرسها هههههههههههههه

الله يساعدك بس تكبر وتتفهم تماما
والله يحفظها لك

اهلا حبيباتي
ابي تخبريني ادا رضعت بنتك في صدرك ....لانه هدا الشي يوطد علاقتك مع طفلك وهدا الطفل يضل يستناك حتى تردي من عملك بلهفة وهدا بحكم تجربتي .طفلي الاول لم ارضعه والثاني رضعته والعلاقة مختلفةو ها شي واضح
طفلاي بالبيت وحماتي معاهم بغيابي ولما ارجع على الرابعة بعد الظهر اجلس معاهم والاعبهم قبل اي شيء بس اجد صعوبة لضيق الوقت بس احاول
نصيحتي لك ان تستدركي الوضع قبل ان تكبر الصغيرة و تتعلق اكثر بجدتها
خديها في الصبح ورجعيها في المساء شوية تعب وما تخسري الصغيرة كابنة والله معاك على ها الوقت