أرجوكم ردوا علي بسرعة، ما أعرف شاسوي

لا يا عمري ما يصير تخلطين بين حليبين ومن شركات تختلف ........غيري عن سيميلاك وبعدين سيميلاك 1 الي 6 شهور وخلاص وبعدين لعمر 6 شهور حليب يناسب عمره لان كل ما كبر الياهل يكون الحليب اللي بعمره مضاف له فيتامينات اكثر لتقوية جسمه وحسب العمر ولاحظي واقري المعلومه .......علي الحليب روحي لدكتور شاطططر ويكون استشاري عندكم واستشيريه بهالموضوع .......وادعيلي تكفين ان اللي بطني ولد......اللهم آآآآآآمين

جربي تغيرين نوع الحليب استخدمي حليب ثاني بشكل منفرد

غيري الحليب الىنوع ثاني يكون رقم 2

و بس لاتخلتين حليبين مع بعض

السلام عليكم ورحمة الله وبركاته

الغالية غيري لحليب رقم 2 سيميلاك لو حبيتي تستمرين معاه بس عطيه معاه بالوجبات عصير برتقال او فواكه مثل الكمثرى تمشي بطنه

او غيري الحليب الى واحد ثاني بس لحاله

انا غيرت لفهودي لسيميلاك2 بس ما سبب له شي ....

في أمان الله

الله يعينج والله

استمري ع سميلاك 2 ومثل ما قالت الاخت عطيه برتقال او عصير بطيخ او حطيله خاشوقة عسل مع الحليب

وعندج دكتور صالح في عيداة الزعفرانه صراحه واااااااااااااااااايد توب هذا اول استشاري اطفال فالدولة

غريبة شلون قالش الدكتور عادي تستمرين على رقم 1 !!!!!!!!!!

الطفل من بعد 6 شهور يبدأ مخزون الحديد عنده يخلص وحليب المرحلة الثانية معزز بالحديد " وغالباً هذا اللي سبب الامساك " وما يصير تستمرين على رقم 1 منوين بيحصل الطفل احتياجاته ؟؟؟ احنا نعطيهم رقم 2 وبعد أكثر الأطفال يكون عندهم نقص في الحديد

نصيحة روحي بأسرع وقت لدكتور شاطر يمكن ينصحك بتغيير الحليب " بس لا تستخدمين اثنين في وقت واحد " واتوقع عادي تغيرين نوع الحليب ألحين لأن بعد 6 شهور نبدي نأكل الطفل فهو يتعود على الأشياء الجديدة

وإذا كنتِ خايفة تغيرين الحليب قبل لا تروحين للدكتور عطيه رضعة عصير تفاح عشان تمده بحديد شوي وشوفي بعد شنو الأشياء الغنية بالحديد وممكن تعطينه إياه

شوفي الغاليه انا كنت نفس حالتج بالضبط سيميلاك 2 بهدل ريماني وايد .. قام يسويلها امساك و تعبت منه ... فغيرتلها إلى ميلوبا 2 اللي اسمه ابتاميل كمفورت 2 هذا خصيصا للإمساك وعسر هضم .. والحين الحمدالله اوكيه .. بس نصيحه لا اتمين على سيميلاك 1 وعقب ولدج بينقصه حديد وفيتامينات وايد ..

هلا أختي
لازم تعطينه حليب 2
لان فيه مكونات تناسب عمره
ما عليج من الدكتور
جربيله حليب أس 26 أعتقد أسمه بروجرس هو نفس العلبه الزرقا بس مكتوب عليه 2

هلا فيك أختي ..

طبعا غلط ومليون مرة أقولك إياها غلط تستمرين تعطين طفلك حليب تبع المرحلة الأولى وهو عداها ..
لأن كل مرحلة عمرية لها مخزونها من الفيتامينات والمعادن اللي تناسب عمر ولدك في السن اللي يوصله وإلا ليش الشركات المصنعة فصلت هالأنواع عن طريق العمر ؟؟ صدقيني ما راح يحصل غذائه الصحيح بهالشكل ..

والله يعطي ولدك العافية أنصحك بالمتابعة على سيميلاك رقم 2 وشي طبيعي إن الطفل تصير لها حركات من هالنوع في البداية لييين ما يتعود عليه أهم شي طولي بالك وحاولي تساعدين ولدك بالملينات الطبيعية مثل عصير البرتقال ومنقوع التمر ومنقوع اليانسون لين تتحسن حالته كل هالأشياء تساعد إن البطن يمشي ..

طمنينا على أخبارك

اختي انا بنتي بعد صار فيها جذي بس طبعا كنت استخدم حليت اس 26 .. المهم انتي حطي له الحلبين وشوي شوي زيدي من الحليب 2 يعني اذا كنتي ترضعينه في اليوم 5 مرات خليه مرتين حليب رقم 2 و3 مرات الحيلب رقم واحد .. يعني كل رضعه لحالها مو تخلطين .. يعني سوي له من سيملاك رقم 2 .. رضعتين باليوم والباقي كملي على رقم واحد وشوي شوي زيدي الرضاعات لين ما يتعود .. بس اكبر غلط انك تستمرين على حليب واحد .. اتمنى البنات افادوج

تحياتي

والله البنات ماقصرو معك

وكل كلامهم 100%


وعادي اذا بتغيرن من شركه لاخرى

انا بنتي كنت اعطيها لاريلاك تركيبه لعدم التقيئ

وقالي الدكتوور استمري عليه لمندة 6 شهووور وبعدها اعطيتها نان 2

والحمدلله ناسبها وبقوولك ملحوظه ( هي ان الطفل اول ماتغيرين له حليبه يصيبه امساك يوم يومين ثلاثه وبعدين يصير طبيبعي)

واتمنى تلقين اللي يريح طفلك

أم المهند;4575728:
هلا فيك أختي ..

طبعا غلط ومليون مرة أقولك إياها غلط تستمرين تعطين طفلك حليب تبع المرحلة الأولى وهو عداها ..
لأن كل مرحلة عمرية لها مخزونها من الفيتامينات والمعادن اللي تناسب عمر ولدك في السن اللي يوصله وإلا ليش الشركات المصنعة فصلت هالأنواع عن طريق العمر ؟؟ صدقيني ما راح يحصل غذائه الصحيح بهالشكل ..

والله يعطي ولدك العافية أنصحك بالمتابعة على سيميلاك رقم 2 وشي طبيعي إن الطفل تصير لها حركات من هالنوع في البداية لييين ما يتعود عليه أهم شي طولي بالك وحاولي تساعدين ولدك بالملينات الطبيعية مثل عصير البرتقال ومنقوع التمر ومنقوع اليانسون لين تتحسن حالته كل هالأشياء تساعد إن البطن يمشي ..

طمنينا على أخبارك

يا ام المهند ... نصيحتك مرة جميلة ... اوكي انا حاصلي مثل الي حصل مع الاخت ...

انا لما وسام تم السنة كان ضروري اغير له من بروميل 2 الي بروجرس 3 .. بس من يوم ما غيرت له الي بروجرس ... كان عنده طرش ما عادي ... ياكل عادي - يشرب عصير عادي - يشرب ماء عادي
بس اول ما اعطيه حليب ،،، يطرش هذاك الطرش العجيب الي ينشف الدم في عروقك ... غيرت من البروجرس الي النيدو نفس الشي حصل ,,,

خلاص هذاك الوقت اخذته للدكتور قال لي رجعيه لحليب البروميل ... بعد ما رجعته للبرميل راح الطرش الي غير رجعه ...

تعرفي ابني استمر معاه هذا الشي شهر ونص .. الي ان صار قشه من كثر ما ضعف ...
فخلاص استسلمت ورجعت اعطيه البروميل واشوف الان صحته اتصلحت اكثر من اول ,,,

انا اعتقد ان نصيحتك هذي ضروري تعيدي النظر فيها .. لان ابني انا استمريت معاه علي هذا الحليب شهرين تقريبا وما تعود ... اذا رجعت اخربط له الاثنين ... الخربطة باتكون اكثر وباتتعبه اكثر ... اذا ما اتقبلت معدة الطفل نوع حليب ... وهذا يعني انه لن يتقبلها مرة ثانية .. في هذه الحاله يجب البحث عن حليب اخر

انا اشوف انك لا تخلبطي ولا شي ... شوفي نوع حليب اخر مختلف ... لو كويس بايتقبله على طول بدون اي مشاكل .. لو مش كويس معاه انتي باتعرفي تلقائيا عن طريق الامساك ...

لا تستمري في شي ممكن يكون مضر لابنك ... وتجبري بطن طفلك لتقبلها بالعافية ...