ممكن مساعدتكم يامهات

يمكن ما تكون يوعانه وقت ما تعطينها لا تضيفين لا ملح وسكر للاكل،،

يمكن ما تهرسيه ......وعطيها قليل وكل يوم زيدي الكميه .........ولازم تكون جوعانه واقل شيء ساعتين ما تكون شاربه حليب نهائي علشان تاكل........

معظم الاطفال مايتقبلون الاكل الجديد عليهم لام تحاولي اكثر من مره لحد ماتتقبله .

ربنا يخليها ليكي

مثل ما قالو البنات يمكن ما تكون يوعانه حزة انتي ما تعطينها الأكل ,,, وهذا شي طبيعي اول الأيام .. يمكن لأنج ما كنتي تخلينها تذوق شي قبل الست شهور .. وها الشي غلط .. كان المفروض حتى من عمر 3 اشهر او 2 اتخلينها اتمزمز اي شي .. بس تطعم عشان تتعرف على ذوق وطعم أشياء مختلفه .. وغير هذا اعطيها بس ملعقه وحده من كل صنف يوميا وزيدي على مدى تقبلها للأكل ..

وغير هذا لا اتمين تعطينها كل يوم صنف لا .. كل صنف خليها معاها 3 ايام او اسبوع حتى لين تتقبله .... وبالتوفيق,,,,

ريم الدماني;4575196:
مثل ما قالو البنات يمكن ما تكون يوعانه حزة انتي ما تعطينها الأكل ,,, وهذا شي طبيعي اول الأيام .. يمكن لأنج ما كنتي تخلينها تذوق شي قبل الست شهور .. وها الشي غلط .. كان المفروض حتى من عمر 3 اشهر او 2 اتخلينها اتمزمز اي شي .. بس تطعم عشان تتعرف على ذوق وطعم أشياء مختلفه .. وغير هذا اعطيها بس ملعقه وحده من كل صنف يوميا وزيدي على مدى تقبلها للأكل ..

وغير هذا لا اتمين تعطينها كل يوم صنف لا .. كل صنف خليها معاها 3 ايام او اسبوع حتى لين تتقبله .... وبالتوفيق,,,,

أوافق أختي ريم الكلام بارك الله فيها ، التعود من البداية كان أفضل ، عموما هذا ما وقت لوم بإمكانك الحين حتى لو جوعانة وما تقبلته حطي في فيمها ملعقة خضار ووراها على طول ملعقة زبادي فواكه اليهال يحبون طعمه وايد ، يعني إخدعيها بس عشان الفايدة ما تروح لأن الخضروات بها فيتامينات عالية جدا .

سوي لها قرع عسلي + تفاحة ( طعمهم حلو ويا بعض يعطي طعم سكري )
جزر وكوسا ( نفس الشي طعمهم حلو ويا بعض )
بطاطس بروحه وتضيفين له ملعقة زبادي - مغذية جدا
أو إخلطي الخضار ويا الرز الحين بنتك المفروض تبدين تأكلينها أرز مصري فوريه زييين وإخلطيه بالخلاط لين ما يصير ناعم بحليبها وحاولي تضيفين له أي نوع خضار كنكهة ..

بإختصار تقدرين تدخلين الخضار في وجباتها بخدع عشان تاخذ الفايدة منهم .

الله يتمم عليك بالخير وطمنينا