اللي تاخرت بالحمل وثم حملت تدخل

بنات وينكم

انتظر ردودكم

ماعودتونا على كذا نبغى تفاعل بالموضوع

بصراحه عزيزتي انا احس بنات عروس مو مثل بنات مواقع ثانيه احس ان المواقع الثانيه مترابطات مع بعض ويواسون بعض ويردون على بعض وبنات عروس محد يعطيك وجه الا من رحم ربي :(


الله يرزقنا بالذريه الصالحه

اهلييييييين انا متزوجه لي سنه واربع شهوررررررررر ولما الحين ماكتب ربي لي حمل بس ان شاء الله اللي عندهااااااااا تجارب راح ترد علينااااااااا

أما انا متزوجه من سنه ونص وماحملت بس بخبركم بكم تجربها سمعتها من حولي

بنت عمي كملت سنتين ما حملت فالبدايه مااعرف اذا كان عندها شي تعاني منه
بس اعتقد ما كان عندها شي محدد
بس بعد سنه ونص غيرت دكتورتها ولقت عندها تكيس وقرحه فعالجتها الدكتوره عن التكيس والقرحه
وعطتها كلومين وهيه في فتره الدوره الي حملت بعدها مع الكلوميد راحت لحرمه تمسحها (تمرخها)
والحمدالله حلمت وعندها ولد مثل القمر

اشكركم اخواتي العزيزات على مروركم وتعليقكم

والله يرزقنا يارب الذريه الصالحه عاجلا غير اجلا وماتنتهي السنه الا وهنا في قسم الحوامل يارب

وننتظر باقي الاخوات يردون ويحكون لنا عن تجاربهم

:9_33:

تسلمين أختي على الموضوع الشيق... أنا صار لي متزوجو سنتين ولين الحين ما حملت وإن شاء الله يارب الله يرزقنا كلنا يارب العالمين... ونحب نسمع خواتنا عن تجاربهن

اشكرك غاليتي شما على مرورك

واسال الله ان يرزقنا من لدنه ذرية طيبه انه سميع الدعاء

ننتظر الاخوات ونشوف التجارب ونستفيد باذن الله:no:

مرحبا خواتي

اما عني من تزوجت وانا انتظر اني احمل مرت الايام الين كملت سنتين ..وانا في انتظار


جربت كل الدكتورات وكافة العلاجات اكن مافادتني ..

ورغم هذا ماكان عندي اي سبب معروف لمنع الحمل ؟؟

وعقبها جربت

تنزيل الوزن والدعاء والاستغفار

والحمدلله النتيجة كانت رضا رب العالمين

ورزقني باحلى ولد وربي يحفظة ويبارك فية

ويجعلة نافع وصالح يارب

مشكووووووووره حبيتي ام نيلا على ردك ومرورك

والله اسعدتيني لما قلتي ان ربي رزقك وعقبالنا يارب

وفعلا الدعاء والاستغفار يفتح الرزق باذن الله

والله يخليلك ولدك ويهديه ويصلحه يارب العاللمين

بس ماقلتي لنا هل تعرضتي لمواقف وكيف كانت نفسيتك قبل ماتحملين والتجارب اللي مريتي بها

اتمنى ردك

واكرر شكري:9_33:

وينكم يابنات

ننتظركم بسرعه لاتخيبون ظني فيكم
:sad:

اتمنى ان اكتب تجربتي وقد رزقني الله .. الله كريم
بس ممكن احكي عن تجربتي الاولى اللي كانت قبل خمس سنوات او اكتر ..
من بعد زواجي بسنه زرت الطبيب للمره الاولى وعمل لي الفحوصات اللازمه والحمدلله كان كله سليم ..ولزوجي نفس الشي والحمدلله كمان كان كل شي سليم ...ولكن ارادة الله ..
بدأت باخد الكلوميد لمدة سبعة شهور وكل شهر يكون التبويض ممتاز ولكن ما يحصل حمل ..
مليت وتركت العلاج وبرحمة الله والدعاء ربي رزقني بدون اي علاجو حملت ببنتي ربي يحفظ لي اياها بعد ما تركت العلاج بسبع شهور تقريبا وبعد سنتين وتلات شهور من زواجي .
ومن عمر بنتي سنتين وانا بحاول احمل مره تانيه وربي ما كتب لي الحمدلله بالاول والاخر وربنا قادر على كل شئ ..
اسفه على الاطاله ..سامحوني وادعولي..

اما انا فصار لي 8 شهور نحاول وماحملت لين حملت

تميت عقب هاذي ال 8 اشهر احاتي وافكر واخاف فيني شي

وقصتي مضحكه جدا.. حيث اني قررت اروح للدكتوره بس اول شي رحت مستشفى حكومي سويت فحص للهرمونات وطلعت النتيجه ولما سألت عن نتيجتي الدكتوره هناك قالت كلشي اوكي بس عندج نقص بسيط في نسبة التبيوض انا اهني زعلت شوي قلت باروح خاص وبارويهم هاذي النتايج ورحت للدكتوره فرح في التخصصي مع زوجي وقتلها القصه وشافت الورقه وقالت لي هاذي النسبة مو معناتها انه فيج شي وكل وحده تختلف عن الثانيه وكل يوم النسبة تتغير.. وقالت اذا تبون بيبي بنبتدي الحين لازم زوجج يسوي فحص للحيوانات المنويه
وفعلا رحت وخذيت له موعد مع انه كان جدا منحرج وماكان راضي.. طبعا رجوله.. وجه يوم الفحص وماراح كان جدا مشغول في الشغل وماقدر يروح وانا اهني زعلت ماكنت ابي اتأخر... المهم كنت انتظر دورتي الشهريه علشان الدكتوره قالت لي اليوم الثالث سوي فحص واليوم العاشر تعالي لي.. وانا انتظر وانتظر والدوره ماجاااااااااااااااااااااااااااااات وتميت طول ذاك الشهر اجابل ربي من الزين من ادعيه واستغفار كثيييييييييييييييييير وقرأة للقران وحافظت على نوعية الأكل كله عسل وحمص وفواكه وخضروات حتى في شغلي اودي معاي جزر وخيار هههههههههههه... لي ما جه رمضان والدوره تأخرت عن موعدها 10 ايام.. شكيت في روحي وكنت حاسه اني حامل 60% شريت مال الفحص المنزلي للمره الرابعه وقبل لا اروح افحص صليت صلاتي وصحت ودعيت ربي اني اشوووووف خطيييييييييييين وفعلا رحت الحمام بعدها وسويت الفحص وعيني غمضتها دقيقه وفتحتها الا اشوووووووووووووووف الخطيييييييين جان اصيح وشوي وانطط بس خوفي على البيبي هههههههههه واتصل حق امي واروح لها المستشفى لأنها تشتغل ممرضه هناك وتسوي لي فحص للبوووول للتأكيد وفعلا كنت حامل والحمدلله وبشرت زوجي وأستانس من قلب..

وهاذي قصتي انشاء الله ماطولت عليكم وأفدتكم

ادعولي الحين اني اولد بالسلامه انا فالشهر ال 3

اختي ريحانة القدس
مشكوره جدا على مرورك
والله يرزقك يارب بالذريه الصالحه عاجلا غير اجلا يارب العالمين
ومشكوره على قصتك وان شاء الله نستفيد وربي يرزقنا اجمعين

اكرر شكري ومنوره موضوعي يالغاليه

الف الف مبروووووووك حبيبتي نازو الون

والله يتمم لك على خير ويرزقك باحلى توام يارب

ومشكوره على مرورك
ومنوره يالغاليه

اكررر شكري

انا صار لي متزوجة سنة و6 اشهر بدون حمل

وكنت آخذ مواعيد عند دكتورة نسائية وتقول لي كل شي تمام بس انها قسمة

وكنت احاتي وافكر وايد

بس لما شلت الموضوع من بالي نهائيا

حملت

وموعد ولادتي قريب باذن الله

مشكوره حبيبتي ام شجاع على مرورك
والله يتمم عليك على خير ويرزقك الذريه الصالحه والف مبروووووووك الحمل ماشاء الله وعقبالنا يارب

اكرر شكري ولاتنسينا من دعواتك بس ماقلتي لنا كيف كان شعورك لما كنتي متاخره بالحمل هل احسست يبمضايقات واذكريلنا مواقف مرتي بها ؟؟؟؟؟

وننتظر باقي البنات وينكم لاتطنشون

مرحبا انا اختكم رهيفة بعد زواجي تاخرت سنه ونصف والحمد لله اللحين عندي اثنين الله يخلهم انصحكم بعدم تناول حبوب منع الحمل اذالله رزقكم بذريه ولله يزقكم انشاءالله

مشكوره اختي رهيفه

والله يرزقنا اجمعين وشكرا على النصيحه

اكرر شكري