السلام عليكم ورحمه الله وبركاته
كيفك اخواتى :flower:
انا احب اتكلم معاكم شويه لانى بجد انا تعبانه
انا بجد خايفه من كل حاجه بتحصل حوليه
خايفه من حجات كتير
انا يا بنات مرتديه خمار بس والله فى نيتى ده مؤقتا لان امى ترفض انى انتقب رفضا باتا وانا لبست الخمار بس مش مكتفيه بيه لانى على اقتناع تام ان النقاب هو الحجاب الشرعى ولكنى رضيت بالخمار كحل مؤقتا
انا اتقدم لى اشخاص الحمد لله ملتزمين وكان شرطهم على ابى انى انتقب ولكن قدر الله وما شاء فعل المواضيع ما صارت والحمد لله على كل شيء واتمنى من الله يرزقنى زوج صالح ويكون برضه ملتزم
بس انا خوفت انى ممكن يتقدملى واحد مش ملتزم والموضوع يسير وهتكون وقتها مشكله انا خايفه من كده بجد:down:
انا اهلى متدينين بس مش لدرجه الالتزام انا الحمد لله التزمت وبحاول انى اخليهم يلتزموا لكنى لا استطيع
انا لا انكر انهم متدينيين لكنى نفسى اوصلهم لدرجه الالتزام
ونفسى اقنع امى انها توافق على النقاب نفسى بجد جدا
انا نفسى البس النقاب بشكل غير طبيعى
والله انا لما بشوف واحده منقبه سواء بنت او امرأه كبيره ببقى هموت من الغيره لانها هى مش احسن منى :sm215:
انا بجد تعبت مع اسرتى انا عندى اخوات ولدين وللاسف الشديد جدا لا يصلون وحاولت معاهم كل المحاولات والله وقت الاذان اشده للوضوء شد يزعقلى وما يروح يصلى ربنا الهادى وهو المستعان
ده غير انهم بيشاهدوا المسلسلات ويستمعون الاغانى
وانا اكيد انتم حاسين بيه واحده ربنا انعم عليها بالالتزام هتعيش فى الجو ده ازاى؟؟
يا ريت تساعدونى وتقلولى اعمل ايه علشان اخليهم يلتزموا
والله انا جربت كل الطرق
جبتلهم كتيبات وجبتلهم اشرطه وسمعتهم محاضرات طيب هعمل ايه اكتر من كده
وانا خايفه انى اتزوج واحد اقل منى فى الالتزام
انا عايزه واحد يكون اكثر منى التزاما علشان يساعدنى على الطاعه
يا ريت تساعدونى
ازاى اقنع امى تجعلنى ارتدى النقاب بدل الخمار
وازاى اجعل اسرتى كلها تلتزم
جزاكم الله خيرا