جاوبوني يا امهات

هلا ام عموري...

بالفعل كلام الممرضة صحيح تقدري تفصليه..

بس احنا بالعادة ما نفصلهم مو عشان شيء بس لأنه يستيقظ مرات عدة طول الليل فنشتري راحة بالنا ونخليهم معانا.ز
بس لو كان ينام متواصل افصليه اريح لكم انت وابوه .. :)

والرضاعة الطبيعية حق عليك للطفل ترضعيه سنتين كاملتين، واذا بتفطميه قبل بيكون عشان اسباب وظروف قاهرة ومتى ما حسيتي انه الرضاعة صايرة مو في مصلحة الطفل ..

عادي تقدرين تفصلينه حبيبتي بس اهمشي السماعه تحت اذنج وتسمعي البيبي بلليل يمكن يكح او ايشي

والبيبي ينفطم اذا كمل السنتين مثل ماقالت الاخت جمانه بس اذا عندج ضروف فحاولي من اللحين تعطينه الصناعي عشان مايجي وقت الي بتتركينه وتروحي الشغل الا وهو متعود

شكرا لكم خواتي

بالنسبة للرضاعة انا ارضعه طبيعي و اصطناعي بس انا ما افكر ارضعه سنتين

لان لمن يصير سنة تقريبا لازم يروح للحضانة و هناك يقضي من ال 9 لل 3 الظهر و يكون ياكل

فانا مفكرة افطمه قبل لا يدخل للحضانة و له شنو رايكم؟؟

uuuupppppppppp

اهلا اهلا ابرارو كيفك وكيف الامور ربي يحميه
انا عن نفسي لسى ما فصلتهم بغرفة لحالهم بعيدة عني انما بركن من غرفتي منفصل نوعا ما اريح لبالي حتى ما ينشغل عليهم وهالحكي من سنتين تقريبا يعني عمر محمود سنتين وكم شهر وشام بعد سنة من ولادتها

والفطام الاثنين من عمر سنة ونصف لاني اتعبت كتييير معهم بالرضاعة

وانتي شوفي اللي يريحك ويناسب طفلك ربي يحميه

عن فصل الغرفة انا ما فصلت بنتي الى الحين عشان اقول لج عن تجربتي ، بس الفطام انا فطمتها بسنتين رغم انها كانت تعبني كثير في الرضاعة وكنت ارضعها من جهة وحدة بس لظروف صحية

انا ريماني بعدني ما فطمتها .. مكن افطمها من اتكمل السنه اول سنه ونص .. وبعدها ويايه في نفس الغرفه ومب ناويه افصلها .. لانها دايم تحط اللحاف على ويها واخاف انها تختنق ..

انا افكر ان شاء الله يقوي عوده شوية ويوعي باخرجه من غرفتنا ,,,
لانه الي الان هو يقوم في الليل يرضع لهذا صعب بالنسبة لي ...

انا كل ما اقول خلاص بافطمه ارجع ارضعه مرة تانية ,,,, ما ادري لمتي باواصل في الرضاعة؟؟؟
بس انا اشوف بعد سنة او سنة ونص بالكثير خلاص المفروض افطمه ,,,

شكرا لكم كلكم حبيباتي و ما قصرتوا...

هلا اختي ابرار

انا ولدي عمره ثلاث سنوات ولحين ما فصلته بغرفته ينام ويانا

وبالنسبة للفطام فطمته من عمر سنة ونص

لانة وايد كان معتمد على الرضاعة ورافض الاكل بشكل فضيع واتعبني وايد

وقررت اني افطمه من كمل السنة ونص

آنه ماطلعت ولدي الا بعمر السنتين ونص الصراحة، ماكان يطاوعنا قلبنا وكنا متعلقين به كثير، والحمدلله من فصلته تعود على غرفته وماكان ينام معانه بالمرة....

بخصوص الرضاعة الحمدلله ماشاء الله رضعته لحد السنة ونص بس طبعا مع رضاعة صناعية بحكم دوامي،، وكنت حاسة أن هالشي هو اللي خلانا متعلقين ببعض وايد....

لا يااختي حتى لو فصلتي طفل بقولج هشهر يكون طفل يحبي او يزحف بس الاكيد يقلب وسبحان الله قلب وماقدر يقوم او يصيح ولاسمح الله ماسمعتي وخصوصا انه طفل بهالوقت يقوم كل 4او5 ساعات

ماتدرين بدات هالعمر وراايح يكون طفل كله حررركه ونشاط

الصراحه انا قبل سنه ماراح ارقد بنتي بروحها ماالي قلب

انا بنتي بعدها تنام عندي و اعتقد انه بعد السنه ممكن افصلها

على فكرة على الرغم من إنفصال ولدي بس السماعة على طول الليل شغالة وقريبة من راسي يكون على أقل صوت أحس فيه وآقوم،، يعني مافي خوف على الطفل ويكون باب الغرفة مفتوح بعد...

لاني حمودي لحين ويان عمره سنتين افكر لين كمل 3 افصله روحه وفطمته سنة ونص ن كان ماياكل غلبني ففطمته والحمدلله صار اكله احسن

شكرا لكم جميعا و ما قصرتوا بس خوفتوني من سالفة نومته بروحه

يالله الله يكون بالعون

أعطيك نصيحه أختي موظفه لكن وأولادها في الحضانه وفي أي وقت ترضعهم وماشاء الله صحتهم حديد وأسنانهم سليمه يعني إستمري عشان صحتهم