ساعدوني الله يخليكم

السلام عليكم ورحمة الله وبركاته
اخواتي في منتدى عروس هاذي اول مشاركه لي فياليت القى تفاعل في موضوعي

انا مره مهمومه وبصراحه قلت ابغى احد يعطيني الراي السديد وتجاربهم في الحياة

انا متزوجه من سنه و3 شهور وفي بداية زواجي تغربت وسافرت لامريكا بخصوص دراسة زوجي للماجستير ولي سنه وانا في الغربه وبصراحه في بداية زواجي ماكان زوجي يبغاني احمل على طول بحكم اني صغيره (عمري 20 سنه) وعايشين في غربه وهو بعد عنده دراسه مايبغى احد يشغله فوافقت على طلبه (انا نأخر الحمل سنه) وانا بصراحه من كملت سته شهور من زواجي وانا طفشانه ابغى طفل يملى علي حياتي ويسليني لاني امووووووووت في الاطفال وزوجي كان يرفض يقول حنا اتفقنا سنه خلاص وكملنا عشره شهور وبعدها تركت المانع للعلم اني اخذ مانع طبيعي والحين لي 5 شهور تاركه المانع ولا صار حمل وبصراحه كل ماجت الدوره مره يضيق صدري وزوجي بدى يحن للاطفال ويقولي متى تحملين؟ وانا بصراحه مره مهمومه وكل يوم انتظر وقت الدوره عشان اشوف حامل او لا وماشاء الله كل اللي تزوجوا بعدي حملوا وجابوا اطفال الله يرزقنا والمسلمين اجمعين-- وسؤال هنا من اللي حملت بعد فتره طويله ؟ وش الشي اللي استفديته وحسيت انه خيره لك لما تاخر حملك؟ والله يخليكم ادعولي وجميع المسلمين ان الله يرزقنا الحمل والذريه الصالحه يارب- للعلم(مارحت ولا مره اعالج ولا دكتوره ولا اخذت حبوب ابدا) ودورتي منتظمه الحمد لله- تنصحوني اروح الدكتوره واكشف ولا لا؟
ردوا بسرعه الله يخليكم ولاتخيبوا ظني فيكم