ممكن أكون حامل؟؟ أو لا؟؟

السلام عليكم عرايس منتدانا الغالي،،

عرايس أنا صار لي 6 شهور متزوجة،، طبعاً هي مي فترة طويلة بس كل ما زاد شهر زاد معاه تفكيري في الحمل، وهذا الشهر عندي أمل أكثر من الأشهر السابقة لأن صار الجماع في فترة التبويض بالضبط والأيام اللي بعدها، وهذا أول شهر احس بآلام التبويض بعد،، و الحين قرب موعد دورتي (بعد 5 أيام ) وقاعدة احس بأعراض ما قبل الدورة اللي تجيني كل شهر من آلام أسفل الظهر وأسفل البطن والاحساس بالتعب يعني الأعراض المعتادة،،

سؤالي هل هذا معناته ان ما صار حمل؟؟ أو احتمال الحمل ما زال وارد؟؟ يعني حتى لو حملت بحس بأعراض الدورة اذا قربت؟!! جاوبوني يا مجربات.

أدري ان كل شي بيد رب العالمين بس ما تصورون أنا شقد متلهفة اني احمل ويصير عندي طفل،، وكنت ادعي ربي طوال شهر رمضان وما زلت ان يرزقني بالذرية الصالحة في القريب العاجل،، حتى أختي الكبيرة الحين لها ثلاث شهور تسألني صار حمل او للحين، لأن في عائلتنا الأغلبية يحملون في بداية الزواج.

يا ريت اللي تدخل تجاوبني على أسئلتي وتدعيلي في نفس الوقت وأكون شاكرة لكم :flower: