بـــنتـــي والــدراســه بـــــلــــيـــــز مـــــــساعـــده

اختي الحبيبة انا ما عند تجربه في هالشي بس بعتقد انك لازم لما تتكلمي معها انت او ابوها او اي احد في البيت ما تحكوا غير عربي مع بعض وانك تخليها في نفس الدراسة
بس انت لازم بردوا تابعيها قد ما تقدري
الله يخليلك اياها يا رب

اخ احلام تسلمين على المرور والرد الطيب

انا بعد ناوية اودي ولدي مدرسة خاصة ان شاء الله .. وحابة انه يكتسب لغة :encore:

وعن بنتك انا اشوف عادي اذا كنتي ناوية تخلينها تواصل في هالمدرسة ما فيها شي بس الاهم انكم تتكلمون معاها عربي علشان ما تنسى لغتها.. وحاولي بعد تخلينها تشوف مسلسلات كرتونية باللغة العربية لاني الاحظ من قبل على اخواني وخواتي وهم صغار يكتسبون شوي كلمات من الكرتون خخخخخ ، اما اذا ناوية بعد فترة تنقلينها لمدرسة حكومية فراح تتبهدل البنت هناك .. لان عندي خالة كانت بنتها في مدرسة خاصة وتتبع النظام البريطاني في دراستها ولما نقلتها بعدها لمدرسة حكومية نزل مستواها في اللغة العربية مع انها من احسن طالبات صفها في اللغة الانجليزية ، والحين صار لها 3 سنوات في المدرسة الحكومية وللاسف ما زالت تحصل اقل الدرجات في اللغة العربية رغم تعب امها ومعلمتها الخاصة معاها .. بس هي عموما متفوقة في دراستها :9_33:

احنا في زمن الحين صارت فيه اللغة العربية ما تستخدم الا في البيت تقريبا هههههههه اما في الجامعات والوظائف فتغلب عليها اللغة الانجليزية :down:

هاذي عيوب المدارس الخاصة التركيز على اللغة الانجليزية مهمة لكن لغتنا الأم أهم

أنتي درسيها في البيت عربي وحاولي تدرسيها القرأن لانه يقوي اللغة

يسلموووووووووو على المرور
ماتقصرين كلامكم على راسي انا ودي اودي بنتي تتعلم قرآن والله بس ما اعرف ياخذون في سنها او لا

لاء العربي اهم صدقيني

وديها دوره تحفيظ قرآن وماراح تندمين

انا اشوف اذا بتواصل على نفس المدرسة عادي

بس اذا بتنقلينها بعدين مدرسة حكومية لاااااااا

يعني يا مدرسة خاصة على طول يا مدرسة حكومية على طوووول

واحد من الاثنين اما اشوي جذي واشوي جذي فلاااااااا

في مدارس انجليزيه اسلاميه
يعدلون في اللغتين ووايد ممتازه
انا بنتي في المها روعه وعندهم اسلوب معين في المنهج

انا اقول ان اللغة العربية صحيح مهمة ... بس اذا نظرنا من ناحية الحياة المهنية لبنتك مستقبلا فانا اشوف ان تعلمها اللغة الانجليزية من الصغر بايساعدها مستقبلا في انها تجد عملا بكل سهول ...
اما عن اللغة العربية فهي اكيد ما باتنسي لغتها لان البيئة الي حولها كلها تتكلم بالعربية فلهذا لا يمكن ابدا ان تتأثر لغتها العربية لانها اللغة الام ...
انا شخصيا درست في مدارس التركيز كان على اللغة الانجليزية ولكن كنت ادرس بجانبها اللغة العربية ... لكن لم انسي ابدا لغتي الام لان البيئة تأثر على ذلك ... ولكنها صقلت لغتي الانجليزية منذ الصغر وساعدتني كثير في مجال عملي ... انتي تعرفي اي عمل الان يعتمد على اللغة الانجليزية ... الكمبيوتر والانترنت .. واذا ارادت ان تشتغل اي مجال سوا ان كانت طبيبة ،محامية ، سياسية ... بيزنس ومن ... اللغة الانجليزية ضرورية ...

أنا بعد في دوامة وماقدر آقول لج صح او طلعيها من المدرسة...

ولدي له 3 سنين و3 شهور ويعرف ماشاء الله كلمات بالإنجليزي بس ترددت أني أدخله هالسنة مدرسة خاصة،، لأن أخوي يوم كان بعمره دخلناه مباشرة مدرسة خاصة والله كان ضعيف بالعربية وشاطر بباقي المواد بالإنجليزي، على عكس خواتي دخلناهم روضة تتبع المنهج العربي وماشاء الله طلعوا يقرون عربي وإنجليزي بعد، وخفت أني أدخل الولد مايتعلم عربي بالمرة،، الحين ماشاء الله حافظ بداية الحروف الأبجدية وشوي من القرآن والأدعية وأسماء الله،، يعني لو كان بمدرسة خاصة كان مستحيل يتعلم هالأمور.... الحمدلله توفقت بهالروضة وراح أدرسه بالبيت الإنجليزي، ونشوف إذا قررت أدخله السنة القادمة مدرسة خاصة.

إذا كنت بتواصلين معاها بمدرسة خاصة خليها ولاتطلعينها لأن بعدين يصعب عليها العربي بالمدارس الحكومية، وحاولي تشترين لها الكتي والوسائل التعليمية وتشتغلي معاها بالويك أند....