كل الذويقات معزومات عندي حياكن

خاطري اساعدج بس انا مثلج ابي اغير وماعرف شدخل مع اللون الاحمران شالل البنات بيفيدونج يالغاليه

يكفي مرورج حبيبتي وان شاء الله نحصل افكار حلوه

البرتقالي والاحمر حلوين
فيه كنبه كبييييييرة في ستي بلازا لونها احمر عباره عن دائره كبيرة تجنن مرررره حلوة سعرها 2000 واكثر وتكفي لاكثر من 4 اشخاص وحده زميلتي اشترتها وبصراحه ماشاء الله بيتها كوم والكنبه هذي كوم ثاااني

وبالنسبة للستارة اذا اشتريتي الكنب الاحمر الي في بالك.. جيبي قماش شيفون مثلا نفس لون الكنب ودخليه عالستارة مثلا يكون الشيفون الي تحت الستاره وكذا تكونين ربطتي بين اللونين؟؟؟
الله معاك ان شاء الله اكون ساعدتك

انا شفت مثل الكنبه الي انتي وصفتيها في الهوم سنتر انا بعد وايد عجبتني وعجبت ريلي وكان سعرها 2900بهل حدود بس فعلا روعه وكل ماشوفها اقول هاي كنبتي ههههههه

بس للاسف ماتنفع لان الغرفه وايد صغيره تخيلت المنظر حسيت انها بتكون كبيره

لقيت كنبات حلوين وشكلهم بعد حلو بس الحينه الستاره اهي واقفه لي با البلعوم

وتسلمين ع فكره الشيفون فكره نايس وان شاء الله احصل افكار ثانيه يالله شدين حالكن معي :9_33:

اربعني زياره بس ردين معقوله ماعندكم افكار:21_207:

تبين نصيحتي يا قلبي

لا تسوين لون برتقالي واحمر

لأسباب عده

راح تأثر على نفسيتكم لأنها الوان غامقه و صارخه بتكونون عصبين هههههه

صدقيني أنا سويت عدة الوان بالسنين الي راحت وما ارتحت الا من لون واحد جاب لي الفرحه و الراحه النفسيه

سويت الجدران بلون الأصفر الفاح الغير فاق جدا يعني طلبي لون اصفر بس يكون من النوع الحرير

يعني لما يتوسخ راح يكون سهل بحالات الاصباغ الحريريه

لا تاخذين الصبغ لامع لأنه موضه قديمه جدا

نجي للكنب يا حبيبتي

تقدرين تختارين الوان البني البيج الاخضر البرتقالي الفاتح ومو مشكله تاخذين احمر او برتقالي فاقع لأن الجدران راح يكون لونه اصفر ومريح للعين

أما الستاره اختاري اللون الغامق لأن الجدران راح تكون لونها افتح بالتأكيد

أنا اخترت الزيتوني مع البني وفيه اشوي أصفر منقط

بس حاولي ان الستاره ما تكون مشجره لانها موضه قديمه ممكن تاخذين رسومات هندسيه يعني مربعات

صغيره او نقط يا دوب تبين هذا الدارج حاليا بالديكور

شوفي يا قلبي اذا خليتي زرع بالغرفه طبعا الزرع لونه اخضر ما شاء الله اصفر واخضر شي مو طبيعي

انا خذيت من هوم سنتر ديكورات وشموع كبار جدا بلون البرتقالي والاحمر الغامق شي مو طبيعي

اما الارضيه انا ارضيتي خشب واذا تبين تحطين سجاده ممكن تحطين لون البني مثلا ومنقط بالاصفر

عموما انا كل ما احد يجيني يسألوني مين فارش البيت والسبب ان الوان متناسقه بفضل الجدران الصفراء الي كل ما توزعين الالوان الحلوه بالديكور على الغرفه تطلع حلوه بالنسبه للطاولات ومكتبة التلفزيون طبعا خذيت الخشب البني الغامق

ان شاء الله اكون افدتك

وسامحيني على القصور

تسلمين حبيبتي ع الافكار الحلوه

ويالله ابا فكار بعد يالله يا حلوات يالله يا عرايس

مثل ما قالت اختي ترانيم اللونين واااااااايد غامق....

اترومين اتسوين برتقالي مع البني أو ذهبي مع الأحمر أو العنابي....

وبما إنج مصرة على هالألوان سوي الكنبة عنابي بس المساند برتقالي والكوشنات بعد برتقالي بس يكون مخطط أو رسوم بسيطة على المخمل مثلاً...

أما الستارة إذا كان لونها برتقالي اترومين ادخلين على كل جهة لون أحمر يعني يكون على كل طرف لون برتقالي وأحمر وتربطينهم مع بعض.. يكون سادة أو مخمل مخطط أو شيفون أو ساتان ترى هالموضة إلحين...

وأي سؤال أنا حاضرة؟؟؟؟؟

تسلمين حبيبتي افكارج حلوه بس انا خاطري بكنبات حمرا
عيل بطلنا في الستاره البرتقالي بشيلها

بس شوه احط مع الكنبات الحمر ا افكر احط الوان الابيض ع الاحمر بس الله يعيني ع الاوساخ

العنابي مب وايد متحمسه اذا عندج افكار ثانيه لا تقصرين فديتج

انزبن لا اتسوين أحمر سوي عنابي أحلى وأفخم ودخلي معاه ذهبي بيطلع جنان...

وحتى الستارة دخلي على كل طرف لون عنابي وذهبي وتربطينهم مع بعض..

أول إنه تكون الستارة سادة مخمل لون عنابي والشيفون اللي نازل منه مشجر أورجنزا بنفس اللونين .. ترى أنا غرفتي بهالطريقة والله طالعة وااااايد حلوة كل اللي يشوفه يسألني عنه...

وبالنسبة للكنب ترومين اتسوين كله عنابي والكوشنات مشجر ذهبي وعنابي...


أما إذا كنت مصرة على الأحمر فسوي أحمر وبيج أو أحمر ورمادي فاتح.. الأبيض أبداً ما أنصحج فيه... لإنه يوصخ...

وأي سؤال أنا حاضرة؟؟؟

الاحمر والبرتقالي حلو اذا كان المكان كبير
والاحمر يكون غامق مو صارخ والجدران والارضية بيج فاااتح
والاكسسوارات والتحف الاغلبية بيج ودخلي شوي احمر

!looloo!;4570671:
انزبن لا اتسوين أحمر سوي عنابي أحلى وأفخم ودخلي معاه ذهبي بيطلع جنان...

وحتى الستارة دخلي على كل طرف لون عنابي وذهبي وتربطينهم مع بعض..

أول إنه تكون الستارة سادة مخمل لون عنابي والشيفون اللي نازل منه مشجر أورجنزا بنفس اللونين .. ترى أنا غرفتي بهالطريقة والله طالعة وااااايد حلوة كل اللي يشوفه يسألني عنه...

وبالنسبة للكنب ترومين اتسوين كله عنابي والكوشنات مشجر ذهبي وعنابي...


أما إذا كنت مصرة على الأحمر فسوي أحمر وبيج أو أحمر ورمادي فاتح.. الأبيض أبداً ما أنصحج فيه... لإنه يوصخ...

وأي سؤال أنا حاضرة؟؟؟

تسلمين فديتج كفيتي ووفيتي والون الذهبي عجبني وان شاء الله بحاول اخذ من افكاركن وحط الحركات الي تعجبني واذا عندج اي اضافات ثانيه خبريني

اذا اقدر احط الذهبي مع الكنب الاحمر لان حتا ريلي خاطره با الاحمر

والسموحه منج

طيوبة وحبوبة;4570969:
الاحمر والبرتقالي حلو اذا كان المكان كبير
والاحمر يكون غامق مو صارخ والجدران والارضية بيج فاااتح
والاكسسوارات والتحف الاغلبية بيج ودخلي شوي احمر

اللون الي اخترته مب احمر صارخ لونه حلو وتسلمين فديتج افكارج حلوه واضافاتج احلا

تسلمي حبي ترانيم انا كان فبالي اصبغ اصفر واقتنعت زيادة اما الاخت حيرانة في اسمها نصيحةلاتدخلي الالوان اللي قلت لاني احس الغرفة بتحترق من حرارة الالوان هععععع لكن دخلي مع البرتقالي زيتي او بني بيطلع خيال ولاتنسي الاكسسوارات تراها ضرورية

انزين شو رايج في أحمر وبني فاتح أو أحمر وبرتقالي فاتح بعد حلو..
بما إنه اللونين غامقين واااااااايد... فلازم الجدران تكون ألوانه فاتحة وحتى الموكيت لازم ادخلين معاه بيج ولا درجات البني وتحطين مفارش عالطاولات بعد ألوان البيج وحتى المكتبة ما تكون غامقة ...

وإذا اتذكرت شي بخبرج بعد...