قولو لي شو اسوي ؟؟؟؟

كلمي امك واشرحيلها الوضع
وان شاء تتفهمك

وعادي الاهل يسون كذا من شان مصلحتك في الاغلب

مشكورة حبيبتي على ردج بس المشكلة ريلي يقول هذا من حقي وانتي حرمتي على سنة الله ورسوله وانا كلمت امي اكثر من مرة بس مافي فايده ساعدوني يابنات شو اسوي

شوفي حبيبتي فهميه الوضع ان اهلك مايبغونك تطلعين لانه يمكنه هو اسهل بالاقناع وتفهم الظروف
وصدقيني اهلك مامنعوك الا هم ادرى بمصلحتك


الله يفرج همك ويوفقكم

مشكورة على ردج

حبيبتي ريلج يبالغ وين المشكله عادي وايد ناس نفس الشى وانتي المفروض تفهمينه انهم محافظين وصدقيني لصالحج هذا الشئ عشان ما يمل منج .. ولا تزعلين من اهلج عشان ريلج وخبريه انه هذي فتره وبعدين بتكونون مع بعض على طول بس ابدا لاتزعلي اهلج بالعكس ..دايما انتي قويه وراس فوق بوجود اهلج حواليج..وصدقيني هذا من خوفهم وحبهم لج

أسمعي كلام أهلك

حبيبتي أهلج أكيد يبون مصلتج.. وبالعكس اللي يسوونه هو الصح...

أنا لما كنت في فترة الملجة.. ريلي كان يرمس عن هالأيام وكان مضايق من الوضع إنا ما نطلع مع بعض وااااايد وما نتشاوف إلى كل أسبوع وأوقات أسبوعين مرة.. بس والله كان يقول أنا أفتخر بج وبهلج ربوكم أحسن تربية والنعم فيهم...

في البدايه اهنيج على الملجه وأبارك لج واتمنى من الله العلي القدير ان يسعدج ويتمم على خير يالغلا من الطبيعي ردة فعل اهلج في انهم يعارضون انج تطلعين مع ريلج صحيح انتوا مالجين بس لا تنسين يالغلا في اعراف والعادات والتقاليد مايصير نطلع عنها وانا شخصيا مع رايهم والله الواحد يخاف من كثر مايسمع عن قصص هالايام لاتقولين اهلي مب مطورين لكن قدري محبتهم وخوفهم عليج وبعدين يالغلا والله مالها حلاه انج تروحين معاه الحين بيصير عادي عنده بعد حفلة الزواج يعني ماراح يصير شي مميز قعدتج معاه بروحكم وبقولج للعبره ولا تقولين في خاطرج اني اسيئ الظن في ريلج لكنها صارت والواحد يحتاط انه صار عقد قران بين اثنين وكثرة طلعاتهم مع بعض وصار اللي صار بين كل زوجين وطبعا محد يدري من اهلها وبعدين هو تركها شوفي موقفها من اهلها وبعد مب حلوه في حقها صح ولا لا ؟؟؟ وفي النهايه لازم ريلج بعد مايضايق من اهلج ويتفهم موقفهم واذا كان لابد من قعدتج معاه خليه يزورج في البيت ولاحقين على الرحه والرده والخيار لج طبعا واتمنى اني ماضايقتج بكلامي وبالتوفيق:9_33:

اول شي بالمبارك والله يهنيج ويسعدج يارب العالمين
وثانيا
طبيعي اهلج مايبون لكم الخلوه الشرعيه
الا بعد الزواج بعد العرس
بما انه مايبي ينطر للي العرس جان سويتوا حفلة ملجه واخذج
بس اختي مافيها زعل
السالفه طبيعيه وفهميه هالشي يالغاليه
وقوليله لاحق على كل شي
:)
وخليج بصف اهلج وقوليله حتى انا موافقه وانا معاهم بنفس الراي علشان مايحط عليه ويكرههم

دمتم سالمين
اختكم شريفة

حبيبتي انا حالتي كانت مثل حالتك بالضبط ممنوع ا لخروج في الملجه ابدا لوحدنا
لكن كانوا بيتركونا نقعد لوحدنا و هما كل شويه يدخلوا و يخرجوا علينا

نصيحتي لكي اسمعي كلام اهلك هما ادري بمصلحتك

و اياكي تظهري ضيقك من اهلك امام زوجك

وموفقه يالغلا

مشكورة على كل من رد على موضوعي وان شالله ريلي راح يتفهم الموضوع اليوم ولا باجر ومثل ماقالوا خواتي أكيد اهلي من خوفهم علي يسوون جي وانا ان شالله مابزعل اهلي ولا ريلي طبعا كل شي بالسياسة يستوي

مبرووك ع الملجه...والله يعييييييييييينج ويكتبلج اللي فييه الخيير