أكـــــــــــــــــرهـــــها

ش السالفه بالضبط عشان نقدر نساعدج

بالنسبة حق مشكلتج الثانية مع البنت الي بالدوام..

أنا أقترح انج تبتعدين عنها ولا تحتكين فيها..

يعني الا بشي الضروري..

ولا يكون بينج وبينها سوالف..

حاولي تكونيني معها رسميه..

ولا تفتحين لها المجال انها تحرجج..

أحرجيها..وحاولي توقفينها عند حدهــا..بس في نفس الوقت

ترسمين حــدود لعلاقتج معاهـا..بحيث تكون رسمية..

أتمنى أكون فدتج أختي..

وبالنسبة للمشكله الاولى..

انتي حساسه زياده عن اللزوم..

حاولي تشغلين نفسج..

بشي علشان ما تفكرين باحد..

يارب اكون ساعدتج..

تحياتي

أختج

أحلى جورية

السلام عليكم ورحمة الله و بركاته ..اختــــــــــــــــي ورود اهلا فيج مرة ثانية بين خواتج ..اما المشكلة الاولــــــــــى صدقيني حاسة فيج لاني كنت جذي في فترة من الفترات و الصراحة عانـــــــــــــــــــيــت كثير منها بس الصلاة كانت تريحني وايـــــــــــــــــــــــد و توصلت لحل وهو اني لما اواجه الموضوع على الطبيعة احله بطريقة ترضيني و ما تخليني افكر بعدين و مهما كان الشعـــــــــــــــور صدقيني بترتاحين وايد و ما بتضيعين وقتج تتحسفين و تقولين ليش سويت جذي بس اكيد العبد الصالح يفكر في اي شي سواه بين فترة و فترة و هذي صحوة ضمير و مهمة عشان نتغير لو نحتاج للتغيير. اما المشكلة الثانية تجاهلي احاسيسج مادامج تعاملينها بما يرضي اللــــــــــــــه يعني لا تاخذين سيئات فيها و اعتقد انه هالحالة ما بدوم على طــــــــــــــــــول يعني في يوم من الايام خلاص ما بتشوفون بعض و بتضحكيـــــــــــــــــــــن ليش انج ضيعتي وقت في التفكير فهالشي ..استغفري دوم و الله ترتاحين و فكري في يوم القيامة ونتي ما بتزعلين عليها خصوصا انها ما سوت لج شي كبير..اختج

صفي قلبج .... صفي قلبج ....بترتاحين ...اشحقه هذا كله ......

دام اتحطين في قلبج صدقينى ماراح ترتاحين ابدا .....

الله يعينج اختي

هونيها وبتهون



رووووووووووووووووووز

حبيبتي ...

تسمحينلي اقولج كلمة؟ المشكلة فيج مو فيها ....

اما يكون الانسان يفكر بكل شي صار بيومه و يدور على اقل حديث ممكن يكون ضايقه .. و يقعد يفكر بالساعات عن شي ممكن صار ضايقه اليوم ...

هاي انسان اهو يبي يضايق عمره غصب ...

حبيبتي شوفي الدنيا هذي فيها اشكال و انواع .. هو مو فستان انتي بتفصلينه على كيفج ... لا ... هذا عالم فيه الشين و فيه الزين .. و لازم تكونين مستعده انج تقابلين شخصيات غير شخصيتج منها الي ممكن تتقبلينها و منها الي لا يمكن تتقبلينها

انا من كتابتج و سردج للموضوع لاحظت انه في تشتت فلافكار ...و لاحظت انج انتي ماتفهمين نفسج اولا .. طريقة سردج للموضوع يات اول شي على اساس انج تذكرين عيب فيج ا لي هو انج تفكرين وايد و عقب على طول انطلقتي لقضية ثانية الي اهي البنت الي تكرهينها كره مو طبيعي ... بشرح غير مفصل و بمواقف غير مقنعه ..

حبيبتي كلمة كره شوي قوية ... يعني ماتنقال خصوصا لشخص مسلم واعي عاقل مؤمن .. كلمة كره معناته انه مافي قلبج رحمة على هل انسان .. واحنا الحمدلله دينه علمنا على الرحمة ... حتى مع الي يضرونه ...

ممكن تستخدمين كلمة " مارتاح لها او ما نسجم معاها" كلمات ممكن تعبر عن مشاعرج ناحيتها صح .. لانه نفس ماقلتي اولا اهي بس معاج بالدوام لا اهي الي تعيش معاج علشان تكرهينها ولا اهي الي اقتلت احد من اهلج علشان الكره هذا كله

مجرد مثل ماقلتي تحطج في مواقف حرجه و تتعمد تفشلج مثلا ... حبيبتي هذي وايد تصير و اصلا سوالف تضحك ... جنها ايام المدرسة .. تظنين احنا ثقافتنا الحين بتسمح لنا نعور قلبنا على جذي مواقف تافهه ولا بنقول نكره شخص لهل سبب؟؟

طنشي .. ماتعرفين تطنشين؟؟؟ حقري ولا كانج تسمعين شي و تصرف عادي لا تحسسين نفسج او هذي البنت انج تكرهينها لانه الانسان على كثر مايحسس نفسه يتوهم انه الناس تحس نفسه .. و ساعات تلاقين اهي ولا تدري عنج وانتي الي تتصيدين المواقف و تفسيرنها على كيفج .....

انا اقول مشكلتج الصارحة بسيطة جدا .. و ممكن تحلينها بالحقران .... اعتبريها مو جدامج ولا تعطينها المجال تحطج في موقف ... ولا تعورين قلبج ليش؟؟ مافي فلحياة سالفه غيرها؟؟؟؟ طنشي حبيبتي و حاولي تعودين نفسج انه مو كل شخص ايي مفصل نفس ماتبين .. لازم الناس تتقبل بعضها بطباعها علشان تعيش ... عيل انتي ماشفتي شي من الدنيا اذا تسمين مشكلتج هذي مشكلة:)

عندي نفس المشكله الاولى واعتقد هالشي لانج حساسه وتعطين الامور اكبر من حجمها ..

المشكله الثانيه ذكرتني بمشكلتي مع وحده من 4 سنين كانت كله تبي تفشلني وتستخدم معاي اسلوب كلش مب حلو وكنت بجد اتضايق وماعرفت شسوي لدرجه فكرت مره اني اشتكي عليها عند حد ويكلمها بس خفت تصير حساسيات بيني وبين ربعي ..
المهم بعد هالسنه .. سبحان مغير الاحوال البنت تغيرت معاي 180 درجه والله ماقص عليكم قمة الاحترام والتقدير .. ماعرف شلون ولا ليش ..

لكن اعتقد انها كانت تعتقد اني من البنات المستهترات واللي تبي تلعب وتدلع وبس واني ولاشي فالمجتمع ولا اقدر اسوي شي مفيد لكن بعد سنه اكتشفت عكس ذلك والحمدلله عادت المياه لمجاريها ..

وهذي بروحها مشكله تواجهني مع كل الناس اللي اقابلهم .. كله يفتكروني مب مهتمه ومستهتره وانا اكثر وحده احاتي واخاف حتى من كثر الخوف اظن جاني الضغط لان الدكتور ذيك المره قام يسالني اساله وقالي .. انتي تخافين لما تكونين جايه المستشفى وتبين تكشفين عالضغط قلتله انا اخاف من كل شي يعني دايما اكون خايفه في اي مكان ومع اي حد ..

اسفه لاني طولت عليج .. ويمكن دخلت سوالف مالها خص .. بس مجرد فضفضه وان شاء الله تستفيدين منها ^_^

الله يفرج همك

[GLOW="FFCC99"]جزاكم الله خير علي ردودكم الحلوه ألف شكر والله يسعدكم دنيا واخره ويفرج همكم ........[/GLOW]

لاتهتمي وتجاهلي الموضوع وتجاهليها وان الله غفور رحيم والمسلم دائما قلبه طيب ومتسامح وانت من كتابت موضوعج ينبان ان قلبج طيب وخير الناس المتاسمحون فكوني انت واحدة منهم والله يوفقج ان شاء الله

اشغلي نفسج

واهم شي التسبيح وانتي قاعده او ماشيه عشان ما تفكرين فالمشاكل

نفس ما قالت الاخت صفي قلبج، واذا على الحجي مجتمع البنات مليان حجي عادي تدخلين وتقعدين وتسولفين وتضحكين وتاكلين معاهم تطلعين من الباب يعقرومن فيج لاعيب فيج بس البنات طبيعه يحبون العقار،تدرين ذكرتيني بسالفه المكان اللي اشتغل فيه، فيه كذا مركز انا اخترت مركز بعيد عن البنات كلش انا شفت البنات بس اسبوع علشان اتعلم كم شغله وارجع المركز اللي انا فيه صار موقف مع مشرف المراكز، اتصل فيني وانا بالبيت وقام يصرخ يمكن انا حساسه ومااحتكيت معاه وايد فماعرف اسلوبع عدل المهم زوجي دخل شاف الجوال بيدي ووجهي منصدم خذ التليفةن من يدي وسمع الكلام وقاله خلصت وسكر التيلفون واتصل لرئيس القسم وقاله اللي صار ورئيس القسم كلم المشرف وانتهت السالفه.. لاحظتوا السالفه مافيها الا انا والمشرف ورئيس القسم نطت بنيه وقالت هاذي دلوعه وشايفه نفسها واشفيها اذا صرخ عليها ومن هالكلام ونست ان في وحده من ربعي معاها بالمركز والا هي قاصده مادري عنها مع ان مابيني وبينها اي كلام، المهم من يومين شفتها بعرس رحت وسلمت عليها لدرجه انها ماتعرف شكلي لاني متنقبه تسالني انا من قلت لها انا فلانه، واشلونج وشخبارج وسلام..

ليش اشيل عليها مشكلتنا انه الوحده ماتعرف الثانيه عدل وتحكم عليها بسرعه كلنا طيبين بالفطره بس بالمعاشره غير..

ولا تقولين اكرهها لانها كلمه كبيره، وانسيها ليش تخسرين عواطفج على وحده انتي ما تكنين لها شي..

وبالنسبه لمشكلتج الاولى هي مو مشكله هي وضع صحي، لازم الواحد يحاسب نفسه((حاسبوا انفسكم قبل ان تحاسبوا)) ان شاء الله تحصلين فايده من كلامي واتمنى ما طولت عليج::)

نصيحه منى طنشيها ورمى بحرا .......... ما حد فى الدنيا يستاهل يزعل اوينقهر منه ............طنشى شو الدنيا كبرى مخج .................زودعلى ان الله يسرلى انى احمل ......................

:21_176:نصيحه منى طنشيها ورمى بحرا ...:B_wink:....... ما حد فى الدنيا يستاهل يزعل اوينقهر منه ........:طنشى شو الدنيا كبرى مخج ...........:sm215:......زودعلى ان الله يسرلى انى احمل ......................:21_8: