الغيره بتقتلني .. وبتهدم بيتي .. سااااعدوني

السلام عليكم

تكفون اخواتي .. ساااااااااااااااعدوني .. وربي هالمشكلة احس انها بتدمرني قبل لاتدمر بيتي ..

مشكلتي غيرتي الشديدة على زوجي لدرجة الجنون !! صرت مااحب يشوف غيري .. حتى المجلات صرت اخبيها عنه مابيه يشوف الصور ..

انا الحمدالله الكل يشهد اني جميلة .. والكل يمدح في شكلي .. الا اني فقدت الثقة في شكلي ..

انا ولدت وتربيت في بيئة محافظة مافيها اختلاط .. ولما تقدم لي زوجي للأسف البيئة اللي عايش فيها هو كلها اختلاط .. يعني مافيها غطا او حجاب ..
وهذا اللي جنني اكثر .. والمشكلة امه اللي تمدح في بنات خلق الله عنده وهو يتجاوب معها ويسئلها عن البنت .. وانا احترق في داخلي .. وارجع البيت وانفجر من البكا واصير اكرهه مع انه والله مو مقصر معي بشي .. ودايم يقول انه يحبني ..

لكن مرض هالغيرة اللي بداخلي قتلني .. حتى التلفزيون مااحب اتابع معه مسلسلات ..

والمشكله بعد انه يقولي وش يجيه على ايميلة من صور لبنات وبلوتوثات رقص وخرابيط .. وانا انقهر اكثر ..
تكفون والله شعري صار خفيف من كثر التفكير والشك فيه ..
تصدقون ماصرت احب اروح مجمعات معه .. كله بسبب بنات ابليس اللي متلثمة واللي لابسة مخصر .. اخاف انه يطالع من وراي ..
طلبتكم ساعدوني .. ابي استرد ثقتي بنفسي .. واعيش مثل باقي هالزوجات ...

حرام احس اني اظلمة احيانا ... واحيانا اقول لا معي حق باللي اسويه ...

سااااااااااااااااااااااعدوني ولكم مني الدعاء بأذن الله