لحقوا عليه ..... بلييييييز

السلام عليكم يا جماعه

تعالوا ساعدوني في مشكلتي الي صايره مصيبه في حياتي ..

حمود متعب نفسيتي ..

كنت قبل اشتكيلكم ان وايد حركي وعقب فترة هدى شوي الحين رد لطبيعته وزياده

تخيلوا ما يعرف يلعب ويا اليهال الا يضربهم ويمط شعرهم ويفلعهم بالالعااب ...

مسكينه مريومه اكثر وحده تنضرب شافها واقفه دزها شافها تلعب سحب الالعاب عنها واذا عطيتها شي ثاني يودر الي في يديه وياخذ عنها ولا يرقد عليها و يمط شعرها وتكسر خاطري يوم يشوتها على ويهها طبعا هو ويا كل اليهال جي

والمشكله ان ما يخاف من حد حتى لو عصبوا عليه .. عطوه دواء البيت بعد ما يخاف

صاير اي شي في يدينه يفره كسر كل الثريات فالبيت ... يتسلق على المكاتب والادراج ..

يتفل على الناس احيانا ... يطلع لسانه ..

قلت فيه طاقه زايده قالولي دام ان ييلس فترة طويله يشوف التلفزيون او يلعب او حتى اقوله قصه من دون حركه هذا معناته الولد طبيعي

حاولت اغير من طبعه بالنضرات والكلام الخفيف مافي فايده

حاولت اعاقبه باني اييلسه وما اخليه يتحرك مافي فايده

حاولت اعاقبه باني اضربه بعد ما في فايده

ياخذ العقاب على ان لعب يضحك في ويهي ويسوي حركات يكسر الخاطر ويجبرني على اني اضحك

شو اسوي الناس تشكى منه .. ساعدوني والله اني انا بعد اتضايق من حركاته وتصرفاته بس مب عارفه كيف احل هاي المشكله

في خاطري ولدي يسمع الكلام ويلعب مع اليهال من دون ما يضربهم