حسوني وصلكم بالسلامة

ولدي الحمد لله بخير ، قام من العملية بالسلامة .. اول يوم بعد ما قعد من البنج كانت نفسيته مفتوحه ويبغي ياكل لكن بعدين قامت تقل شهيته كل يوم اكثر عن الثاني .. ويوم كنا بالمستشفى ما كان يتشكى من شي ما عدا الصبح اول ما يقعد يقول بلاعيمه تعوره وبعدين يصير تمام .. وامس بعد ما طلعنا من المستشفى المغرب قعد يتشكى من اذونه ومن بلاعيمه ويصيح شوي ويسكت شوي (w)
عطيته ادويته وبعدها قام يلعب .. واليوم كل شوي يبكي من بلاعيمه واذا ياكل يوقف بسرعه بسبب الالم (w) ومستمرين على ادويته ..

وفي سالفه ثانية اكتشفوها اثناء العملية .. بينت لهم لحمية في خشمه ما كانت واضحه في الاشعه وشالوها مرة وحده وارتحنا منها ، يعني سوا 3 عمليات في مرة والحمدلله يوم انه طلع بالسلامه ..


الدكتور يقول اول 10 ايام لازم بيكون في الم وبالذات في ال5 ايام الاولى ،، وعطانا موعد مراجعة بعد اسبوعين ان شاء الله :9_33:


ما نسيتكم .. فقلت بصور لكم شوي من الاحداث هناك :2_106:

قبل العملية .. من الصبح ، كانوا عاطينه دوا بندول + مخدر قبل البنج ويمكن يبين عليه من حركاته انه مو صاحي خخخخخ







بعد العملية .. ملامحه كلها معاناة






يوم ثاني بعد العملية :21_176: نايم بكل هدووووء وبراااءة