هذي مشكلتي مع زوجي ياليت تعطوني رايكم.....

والله ماادري شقول لج بس ماحبيت اطلع من غير ماادعي لج
الله يهدي سركم ويهديكم ان شاء الله بحق محمد وآل محمد

الله يسعدك يالغاليه دعائك هذا رفع من معنوياتي

يكفيني الدعوه الحلووووه

حبي الله يساعدج
بس نصيحتي لج لا تدخلين امه في الموضوع مهما كانت طيبه لانها مستحيل تصدق شي عن ولدها حتى لو كان عندج دليل
المهم حبيبتي عليج بالاستخاره قبل كل شي
راح ادعي لج ولا تقطعين الاستغفار
اتمنى تطمنينا عليج

حبيبتي المشاكل الي بينج وبين زوجك لا تخبري اي حد حاولوا تحلوا مشاكلكم بسرية تامة

والله يهديكم ويصلحكم ولاتنسي الدعاء ولااستخارة وكثرة الاستغفار

والله قهر ليــــــش احنه البنات دائما عايشين بل صدمات الله يهديه بس ويسر امورج

الله يسعدكم حبايبي على ردكم وكلمكم الي رفع من معنوياتي بس ابي حلولكم

مشكوووووورين حبايبي ماكنت اتوقع منك انكم ماتهتموا بمشكلتي بس خلاص

اعذروني اذا ثقلت عليكم من جد كنت ابي مساعدتكم

باااااااي

يا قلبي وحده من ثنتين يا تقررين بينج وبين نفسج انج ماتقدرين على الخيانه والمكتوب يبان من عنوانه فتتركينه قبل لايصير عندكم عيال ولا تقررين انج بتكملين معاه المشوار وانتي متقبلته بكل عيوبه وخلي ببالج ان أغلب الخونه مايتغيرون يعني مو تخدعين عمرج تقولين باصلحه ترى في رياييل عندهم أحسن النسوان وأعقلهم وبعد يخونونهم هذي طبع مو ردة فعل.
يعني مو تشكين بعمرج وتقولين آنه شمقصره في وآنه دايم متزينه ومتعطره لا يا حبيبتي في رياييل يخلون دهن العود بغراشه ويروحون للزباله.
المهم اذا اخترتي الخيار الثاني لازم من الحين توقفين البحث وراه لاتفتشين جوال ولا تفتحين محفظه ولا كمبيوتر خلاص ريحي بالج وجمدي مخج ولاتدورين المشاكل عيشي معاه اللحظه الحلوه ولاتفكرين شيسوي من وراج لأنج بتتعبين وفي الحالتين ادعي له بالهدايه.

حبيبتي ...

انتي غلطاانه 90% و هو غلطان 10%

1)اولا انتي مو بس عصبيه ... انتي متسرعه بقراراتج و تندفعين بسرعة

2)ثانيا انتي مو بس عصبيه انتي شكاكه لابعد حد و تتصيدين كل موقف يصير سوه عادي ولا غيره

اولا عن سالفه انه تحسين تغير عليج ... و و كنتي تثقين فييه و مره وحده اكتشفتي كان على علاقة و انهزت الثقة ... و قالج قطع علاقتج وانتي قلتي ماتبين تخربين بيتج بيدج .. لين اهني حلووو
"وجا اليوم الي ما قدرت اتحمل خرجنا في العيد منتزه مع اخويا وطبعا ماشيه معاه زي العسل وكان في بنت وحرمه يتهاوشو على كراسي عارفين وش عمل مسك يدي وقلي اقعدي مكانك لاتتحركي طبعا انا سمعت كلامه وقعدت على بالي بيجبلي هديه او بيفجائني المهم لقيته رايح يجيب كرسي للبنتين الي تضاربوا مسوي يفزع الاخ "

انتي الحين اقري بنفسج بس هل مقطع و شوفي نفسج .. تصفرج بالعصبية كان بمحله ولا لا ... تصفرج انتي كوحده عاقله و فاهمه توزن الامور .. صح ولا لا....؟؟؟

مجرد راح يبي يساعد .. مافيها شي .. اهو ماراح سوه هل شي من وراج قالج قعدي لحظة و صلح بين الحرمتين جدامج مو من وراج ... مافيها شي مو كلشي تفسرينه كخيانه و عيني عينك و يحب البنات و غيره .. لا غلط .. تعلمي تفصلين كلشي و ماتخلطين الامور ... و ابد ماعندج سالفه تتضايقين و تتزعلين و تروحين بيت هلج جنج ياهل و توصلين الخبر حق ابوج ... و علشان شنو؟ ليش ريلج قالج يلسي شوي و راح ساعد المراه؟ و حتى لو هل شي ضايقج .. انتي يا مراه يا فاهمه يا عاقله .. تشوفينها حلوة كلشوي رحتي و تشكيتي عند ابوج عن ريلج ؟ مافي شي اسمه خصوصيات بين الزوجين مافيه شي اسمه اسلوب بهدواه تكلمين فيه زوجج و تتفاهمين معاه.. باجر حتى لو اهو صار اوكي وياج هلج ليحين بيكونون ماخذين فكره انه كان و كان و كان بسبتج ... يرضيج جي؟

اوكي من حقج تتضايقين اذا الموضوع عندج مو عادي .. مع انا اشوفه جدا عادي .. لو تضايقتي كنتي تقدرين تقولينله بهداوه حبيبي ثاني مره لا تكرر هل موقف ضايقني .. و بسسسسسسسسسسسسسسس لكن انج كلشوي سويتي فيها زعله تره الرايل يمل ...

و ثالث شي .. مو حلو كلشوي تعودين نفسج تنبشين في جوال زوجج لو شنو كان .. عيب! هذي عاده سيئه ضعيت الف وحده قبلج ... لازم تعودين نفسج تثقين فيه و تعودين نفسج يكون اسلوب الثقة بينكم موجود علشان تستمرون ولا حياتج كلها عقب بتكون شك في شك و بتينييين.. وزني الامو فديتج مو جذي يتصرفون

رابع شي ... ليش تبين تروحين تقولين حق امه كلشي ..؟ مب عيب عليج؟؟ الزوجة ستر لزوجها فديتج .. لازم تعلمين نفسج انه تكون بينكم خصوصيات .. و حتى فلمستقبل لا سمح الله صارت في بينكم مشاكل عودي نفسج تحلينها بينج و بين نفسج لانه الريال تره الحين تقولين مايرفضلي طلب باجر اذا كلشوي انفجرتي فيه و كلشوي نبشتفي في جواله و كلشوي رحتي قلتي حق امه و لمج و ابوج .. بيطفش و بيكرهج و يمكن يخونج و يتزوج عليج بعد ...و ذيج الساعة سمحيلي اقولج بيكون عنده حق يدور راحته مع غيرج

تره الدنيا مو بكيفنا نمشيها لا .. الزواج فديتج تنازلات من الطرفين .. علشان تستمر الحياة بينهم لانهم اطباع مختلفه ... و انا اسمي تصرفج مع ريلج و طريقة تفكيرج سمحيلي ططفولية بعض الشي لازم تنضجين تفكيرج شوي

و انتي مو بس عصبية فديتج ... لا تقولين انا بس عيبي عصبيه .. لا تره العصبيه اكبر عيب و شوفي من عصبيتج شنو سويتي

العصبيه خلتج شكاكه ... ماتعرفين تخلين خصوصيات بينج و بين زوجج .. ماتعرفين تفكرين بحكمة قبل لا تتخذين اي قرار و تشوفينه يسوه او مايوسه نفس الي سويتيه بالممنتزه ... العصبيه خلتج بس تبين تتشكين حق الناس عن زوجج و هذي الاطباع الي تودي في داهيه ..خلتج سريعة القرار ماتفكرين قبل لا تسوين الشي .. انا اقول تلاحقي عمرج فديتج شكلج شوي دلوعه و تبين كلشي على هواج ... الريال ماتقدرين تمشينه على هواج في كل شي اهو بعد يحتاج خصوصيات .. انا لو ريال مابرضى مرتي كلشوي نبشت في جوالي .. هاي اهانه .. انا بابا مايرضه ولا حد فينا ينبش في تلفونه و الحمدلله ماما واثقة فيه و كلنا بعد و عايش لنا .. مو شرط انا زوجج ماخلاج تنبشين في جواله يعني خاين .. لا هاي تفكير ناس مريضة بالشك .. بس كل ريال من حقه تكون له خصوصيات ... و مب من حقج انتي كلشوي نطيتي و نبشتي .. عيب ... اتمنى تتمعنين في كلامي لانه بيفيدج و اتمتى تكونين مقتنعه منه و ماتحسين نفسج مظلومة لانج بتكونين بس تفكرين بعواطفج مو بعقل علشان تحكمين على الامور بشكل عقلاني

اختي دلوعه بابتها

جزاك الله الف خير على كلامك ورايك

ومن جد فرحت لما شفت ردك يكفيني اهتمامك بالرغم انك طلعتيني غلطانه

بالنسبه للنقطه حقت المنتزه كانت غلطه كبيره لان في مجتمعنا السعودي فيه تشديد شوي وانا ساعتها فكرت لو ان واحد من اخوان البنات شاف زوجي وهو يتدخل بينهم وش راح يسويله اكيد راح ياخذ علقه وطبعا انا الي راح انفضح وعلى فكره احنالسه في فتره ملكه يعني ما اعتقد انه في وحده ترضى ان زوجها يروح يصلح بين حريم ويتركها لان فتره الملكه تكون رومانسيه الى اخر حد ولو كنتي بمكاني كان حسيتي الجرح

وبعدين حبيبتي انا قبل ما املك كنت اقول نفس كلامك بس بعد ما عشت معاها وحبيته صرت اغار عليه بجنون
وراح تلاحظي هذا الشي بعد ما تمري بتجربه الزواج

وانا ما فتشت حواله الا لما حسيت اني انسانه مخدووعه ومطعونه من الظهر حبيبتي الموقف صعب اولا لانه لما فكر يكلم بنات كلمهم بالطريقه الحرام يعني لو تزوج يهون

على العمووم مشكووووووووره ياعسل وانا ما انكر اني انا ليه يد بالي يحصل بيننا من مشاكل
ولكن هذا بسبب انها ملكه يعني اول مره اتعامل مع رجال
بس برضو هو الغلطان لانه ما يراعي مشاعري واحاسيسي

والف شكر لكي يالغاليه

suzysooz;4563775:
يا قلبي وحده من ثنتين يا تقررين بينج وبين نفسج انج ماتقدرين على الخيانه والمكتوب يبان من عنوانه فتتركينه قبل لايصير عندكم عيال ولا تقررين انج بتكملين معاه المشوار وانتي متقبلته بكل عيوبه وخلي ببالج ان أغلب الخونه مايتغيرون يعني مو تخدعين عمرج تقولين باصلحه ترى في رياييل عندهم أحسن النسوان وأعقلهم وبعد يخونونهم هذي طبع مو ردة فعل.
يعني مو تشكين بعمرج وتقولين آنه شمقصره في وآنه دايم متزينه ومتعطره لا يا حبيبتي في رياييل يخلون دهن العود بغراشه ويروحون للزباله.
المهم اذا اخترتي الخيار الثاني لازم من الحين توقفين البحث وراه لاتفتشين جوال ولا تفتحين محفظه ولا كمبيوتر خلاص ريحي بالج وجمدي مخج ولاتدورين المشاكل عيشي معاه اللحظه الحلوه ولاتفكرين شيسوي من وراج لأنج بتتعبين وفي الحالتين ادعي له بالهدايه.

حبيبتي مشكووره ياعسل على النصيحه
وانا قلت لنفسي اني استخير واستغفر وانشاء الله ربي يكون بعوني

الف شكر يالغاليه

بالنسبة للموقف اللي صار في المنتزه أنا أشوف انه عادي وما في داعي انج تعصبين وتزعلين وتسوينها مشكلة، بالعكس هذي شهامة منه، يمكن تصيدج غيرة شوي بس مو لدرجة توصلين الموضوع لأبوج!! يمكن مجتمعكم متشدد لدرجة كبيرة بس بعد ما كان في داعي تكبرين الموضوع.

حبيبتي نصيحتي لج خففي من عصبيتج ومو كل شي يصير بينكم تكبرينه وتوصلينه لأهلج أو أهله لأن هذا التصرف أبداً مو صحيح. واخذيها مني عن تجربة أنا في فترة االملجة كنت بسرعة اعصب وازعل منه على اتفه الأسباب هو في البداية كان ياخذ بخاطري بس بعدين حسيته بدا يمل وصار يتهاوش ويايي، فأنتي حاسبي لا توصلين لهالمرحلة.

أما بالنسبة لعلاقته بالبنت، أنا اتفق وياج ان هذا شي مو سهل، بس هو قالج انه قطع علاقته فيها انتي حاولي تتأكدين من هالشي وكلميه بهداوة قولي له ان هذا الشي خله ثقتج فيه تهتز بعد ما كانت قوية وتبغين تتأكدين انه ما راح يكررها.

واستخيري بعد والله يوفقج حبيبتي .

القرار صعب

انتي لازم تحسمين الموضوع...

دمعه خيانه;4565153:
اختي دلوعه بابتها

جزاك الله الف خير على كلامك ورايك

ومن جد فرحت لما شفت ردك يكفيني اهتمامك بالرغم انك طلعتيني غلطانه

بالنسبه للنقطه حقت المنتزه كانت غلطه كبيره لان في مجتمعنا السعودي فيه تشديد شوي وانا ساعتها فكرت لو ان واحد من اخوان البنات شاف زوجي وهو يتدخل بينهم وش راح يسويله اكيد راح ياخذ علقه وطبعا انا الي راح انفضح وعلى فكره احنالسه في فتره ملكه يعني ما اعتقد انه في وحده ترضى ان زوجها يروح يصلح بين حريم ويتركها لان فتره الملكه تكون رومانسيه الى اخر حد ولو كنتي بمكاني كان حسيتي الجرح

وبعدين حبيبتي انا قبل ما املك كنت اقول نفس كلامك بس بعد ما عشت معاها وحبيته صرت اغار عليه بجنون
وراح تلاحظي هذا الشي بعد ما تمري بتجربه الزواج

وانا ما فتشت حواله الا لما حسيت اني انسانه مخدووعه ومطعونه من الظهر حبيبتي الموقف صعب اولا لانه لما فكر يكلم بنات كلمهم بالطريقه الحرام يعني لو تزوج يهون

على العمووم مشكووووووووره ياعسل وانا ما انكر اني انا ليه يد بالي يحصل بيننا من مشاكل
ولكن هذا بسبب انها ملكه يعني اول مره اتعامل مع رجال
بس برضو هو الغلطان لانه ما يراعي مشاعري واحاسيسي

والف شكر لكي يالغاليه

فدييتج ... انا حاسه فيج ولا تنسين كلنا حريم يا حبنا حق الغيره هههههههه ادري والله ادري .. بس ساعات هل غيره و هل تصرفات تضايق الطرف الثاني صح و ماتوصله الفكرة الي احنا نبي نوصله اياها .... و اذا تضايقتي من موقف المنتزه اوكي هل شي ضايقج .. قوليله بهداوه .. الي اقصد يعني طرقة تصرفج للاشياء شوي غلط ... صيري كوول هههههه عادي فدييتج كلنا عصبيات ... و هم يا مبرد .. ليش مانكون باردين بعد ... غيري عليه بس مو كلشوي تبينين له غيرتج حلاته اهو يشتاق لهل غيره بدل ماتحسسينه انها فرض عليه ... و لا تقولين حق امه ولا شي .. ولا تفكرين تنفصلين او شي .. بالعكس هل اشياء تحصل في احسن العائلات على قولتهم .. المهم يحبج و صاينج و انتي تحبينه و المراه بيدها تصلج زوجها و تغيره .. بس فديتج انا حاسه فيج انج ماقمتي تنبشين في جواله الا يوم صدتي عليه موقف خيانه و ادري هل شي يجرح .. بس علشان انتي ماتخلين حياتج الجايه كلها دوامة شك ... انسي الماضي و عطيه فرصة .. كلنا نغلط ... حسسيه انج واثقة منه علشان الريال يقدر يستقر .. و ماقول غير عسى ربي يهنيكم انشالله و يصلح من بينكم و يبعد الشر عنكم آآميين يارب ... و السموحة اذا ضايقتج بكلامي

اختي الرجال ساعد النسوان الي فالحديقه وجاب لهم كرسي مو جاب لهم رسالة حب

اتمنى ما تزعلين مني بس هالشي يدل على اخلاقه

حاملة القرنفل;4565413:
بالنسبة للموقف اللي صار في المنتزه أنا أشوف انه عادي وما في داعي انج تعصبين وتزعلين وتسوينها مشكلة، بالعكس هذي شهامة منه، يمكن تصيدج غيرة شوي بس مو لدرجة توصلين الموضوع لأبوج!! يمكن مجتمعكم متشدد لدرجة كبيرة بس بعد ما كان في داعي تكبرين الموضوع.

حبيبتي نصيحتي لج خففي من عصبيتج ومو كل شي يصير بينكم تكبرينه وتوصلينه لأهلج أو أهله لأن هذا التصرف أبداً مو صحيح. واخذيها مني عن تجربة أنا في فترة االملجة كنت بسرعة اعصب وازعل منه على اتفه الأسباب هو في البداية كان ياخذ بخاطري بس بعدين حسيته بدا يمل وصار يتهاوش ويايي، فأنتي حاسبي لا توصلين لهالمرحلة.

أما بالنسبة لعلاقته بالبنت، أنا اتفق وياج ان هذا شي مو سهل، بس هو قالج انه قطع علاقته فيها انتي حاولي تتأكدين من هالشي وكلميه بهداوة قولي له ان هذا الشي خله ثقتج فيه تهتز بعد ما كانت قوية وتبغين تتأكدين انه ما راح يكررها.

واستخيري بعد والله يوفقج حبيبتي .

انشاء الله ياعسل وانا احاول الحين اني اكون بارده
الله يسعدك ماتدرين قد ايه كلامك رفع من معنوياتي وراح يخليني اخذ الامور بعقلانيه
بس وش نسوي نحن الحريم عيرتنا زايده

تسلميلي ياعسل

عنفوان أنثى;4565725:
القرار صعب

انتي لازم تحسمين الموضوع...

شاكره لكي حبيبتي مشاركتك لي وابداء رايك

rدلوعة باباتها;4567248:


فدييتج ... انا حاسه فيج ولا تنسين كلنا حريم يا حبنا حق الغيره هههههههه ادري والله ادري .. بس ساعات هل غيره و هل تصرفات تضايق الطرف الثاني صح و ماتوصله الفكرة الي احنا نبي نوصله اياها .... و اذا تضايقتي من موقف المنتزه اوكي هل شي ضايقج .. قوليله بهداوه .. الي اقصد يعني طرقة تصرفج للاشياء شوي غلط ... صيري كوول هههههه عادي فدييتج كلنا عصبيات ... و هم يا مبرد .. ليش مانكون باردين بعد ... غيري عليه بس مو كلشوي تبينين له غيرتج حلاته اهو يشتاق لهل غيره بدل ماتحسسينه انها فرض عليه ... و لا تقولين حق امه ولا شي .. ولا تفكرين تنفصلين او شي .. بالعكس هل اشياء تحصل في احسن العائلات على قولتهم .. المهم يحبج و صاينج و انتي تحبينه و المراه بيدها تصلج زوجها و تغيره .. بس فديتج انا حاسه فيج انج ماقمتي تنبشين في جواله الا يوم صدتي عليه موقف خيانه و ادري هل شي يجرح .. بس علشان انتي ماتخلين حياتج الجايه كلها دوامة شك ... انسي الماضي و عطيه فرصة .. كلنا نغلط ... حسسيه انج واثقة منه علشان الريال يقدر يستقر .. و ماقول غير عسى ربي يهنيكم انشالله و يصلح من بينكم و يبعد الشر عنكم آآميين يارب ... و السموحة اذا ضايقتج بكلامي

حبيبتي انا ما زعلت من كلامك بس حسيت انك مافهمتيني
بالعكس كم اسعدني كلامك وغير فيني كثير
الله يعطيكي العافيه

وانشاء الله راح امشي بنصايحكم وانا ما كتبت مشكلتي الا ابي منكم حلول الله يعطيكم الف عافيه:21_207:

fire lily;4567738:
اختي الرجال ساعد النسوان الي فالحديقه وجاب لهم كرسي مو جاب لهم رسالة حب

اتمنى ما تزعلين مني بس هالشي يدل على اخلاقه

اختي المساله مساله غيره وبرضوا كرامه يعني لو كانوا رجال مازعلت
وبعدين هو يرضى لو شافني اروح اساعد شباب
طبعا واكيد لا لان الغيره بتشتغل عنده وبرضوا احنا البنات عندنا الاحساس هذا ليه يحرمونا منه

الله يعطيكي العافيه حبيبتي وماراح ازعل من كلامك ياعسل الاختلاف في الراي لايفسد بالود قضيه