سحر تعطيل الزواج ماخلوني أتزوج حرموني من أحلى شي بالدنيا الزواج

حبيت أعرض لكم مشكلتي أبي أعرف أنا لحالي اللي أشكي واذا فيه وحده تعاني من نفس حالتي
مشكلتي انه مااحد يتقدملي انا وأخواتي انا وخواتي ثلاثه جميلات ولله الحمد وأخلاق وعيلتنا معروفه وأبوي تاجر معروف بنبله وأخلاقه والكل يشهد
بهالشي بس يابنات فيه أحد عاملنا سحر وتعرفون ما ينفك لوكان ايش لو جلس يقرالنا مية شيخ وشيخ لازم نلاقيه ونفكه رحنا عند شيوخ وقرى
علينا مايصير فينا شي امي اللي شوي تعبانه وأختي الكبيره يعني مجرد اصلا مانعرضلهم مشكلتنا والصداع الدائم والحركه بالبيت وسالفة هالعرسان
معرووف عطوول انه سحر مستمرين على القراءه والصلاه ملتزمين فيها والتهجد والصيام وكل شي ولله الحمد اه يابنات
زوجة أبوي إحنا شاكين فيها مليوووون بالميه لأنها هي دايم تغار مننا مررره وتكره الناس تمدحنا احنا عايشين بالجنوب وقريه زي الباحه لاوالله الباحه يمكن مدينه جنبها ودايم اقول قدامها ان شاء الله يتقدملي واحد يعيشني بمدينه وارتاح
تضحك هي وأهلها ويتغامزون ويقولون اوووف مره وحده لو تحلمين تقعدين طول عمرك بالديره والله وصرتي شايفه حالك اصلا يابنات احنا مو عاجبتنا عيشتنا بالديره مو متوفر فيها أي شي وزوجة ابوي جدا بدويه وشايفتها باريس
حتى بنتها يابنات بالمتوسط كانت دايم تنزل عندي انا وياها زي الصديقات
تخيلو من يوم ماجتها الدوره ماعاد نزلتها امها عندي خايفه عليها لا اسوي لبنتها شي وماتتزوج تحسبني زيها ماخاف الله (كل يرى الناس بعين طبعه)
يابنات احنا كنا عايشين بحفر الباطن بالشرقيه يعني ولما أبوي تزوجها جابنا معها الديره وهي مو متعلمه جاهله وامي متعلمه عشان كذا دايم تحس اننا احسن منها
والله لو تشوفون الناس لما اروح الزواجات قسم بالله يشكرون فيني بجمالي وجسمي وكل شي والكل يسأل عني انا وخواتي بس ويتكلمون وفجأه يسكتون كذا دايم زميلاتي كلهم كل وحده تبي تعطيني
أخوها تكلمني وتتفق معاي واليوم الثاني ولا كأنها قالتلي شي حتى لما أروح مستشفى صالون جمعات الكل يسأل عني لأنه شكلي جدا مميز رحت أبها وأنجنو علي رحت جده انهبلو
حتى ذاك اليوم رحنا زواج لناس كبار معروفين بجده قسم بالله يوم شافونا ماصدقو اه اه اه اه بس هذا القهر يتكلمون وفجأه يسكتون ويروحون بلا رجعه حتى أرزاقنا بالبيت مقطوعه ماكملنا دراستنا انا وخواتي كل مانروح تنقفل بوجهنا حتى الواسطات لو اقلكم مواقف تضحكون والله شي غريب يحصل
لادراسه لازواج حتى عيلتنا متفككه امي وابوي على شجار دائم ابوي زمان كان يموت بأمي الحين ابد موطايقها وهي بعد ويحب زوجته الثانيه موووت مع انه متزوجها من زمان يعني تزوجها وانا دوبي انولدت ابوي كان دايم يشتكي منها ومن معاملتها وقرفها وبداوتها
وشكلها يخرررع وكانت هي تكره هالكلام لان أمي ملكة جمال جنبها فجأه السنوات هاذي تغير وصار يشوف كل شي العكس بيوم وليله صار يشوف أمي بشعه وهي ملكة جمال حتى الناس يستغربون يعني لو أقول معاملتها حلوه ولا تطبخ ولا تصلي ولا تخاف ربها حتى الصلاه ماتصلي يعني
اللي مايخاف الله خاف منه بس شاطره تستغله
بالفلوس وصار يابنات زي الخاتم بأصبعها بيوم وليله تتحكم فيه ابدااااا صار يحبها بكل عيوبها وكل شي طبيعي بحياتها بس احنا لا
كل سنه حالنا اخس من السنه اللي بعدها كل مالنا بالنازل وهي تطلع فوق فوق فوق يعني كل شي العكس
حتى الصبح الساعه 7 تنزل الدرج وتجي عند باب بيتنا مادري وش تسوي تطلع بيتها ركض وبعد هالشي تجينا مصيبه بالبيت على طول جربنا نواجهها بس هي داهيه تقدر تقلب أبوي علينا لانه صار يسمع كلامها بكل شي حتى لو غلط
حتى أختي حلمت حلم وفسره شيخ وقال معمول لكم سحر بقطع النصيب العرسان يروحون بلا رجعه زمان كان يجونا عرسان بس كنت انا صغيره وخواتي كانو يدرسون لسه كانو يجونا
من كبار الشخصيات معروووفه وأغنى الأغنياء والدكاتره والمهندسين ألحين والله انه تقدم راعي تاكسي تخيلو هاذي نهايتي مععقوله ؟؟ الا طلع راعي التاكسي تكلمو اهله وفجأه سكتو
يعني من زينه اصلا عشان اوافق بس شوفو حتى هذا المعفن سكت وش الحل اتجننت تعقدنا يابنا ت فيه كثير بنات كذا اعرفهم زي حالتي ومالنا غير الدعاء اللي عندها حل تعطيني واذا وحده تشكي
من نفس الحال ترد وتقوللي واللي تعالجت من هالشي تقول ماادري والله كيف هالناس تحرم البنت من أحلى شي بحياتها انه يكون عندها زوج وبيت وعيال
والله وربي يابنات انه شلتي صديقاتي 10 كلهم تزوجو وتغيرت حياتهم الا انا واختي كمان الوحيده بين زميلاتها واختي الثالثه نفس الشي وكل من شافنا يسألنا معقول
ماانخطبتي للحين والله الحريم مايشوفون وتسكت فجأه انا مستمره بالقراءه والدعاء والثلث الاخير وأملي بالله كبير جدا اللي ماتقدر تساعدني بنصيحه ولا حل اوأي شي ابي تدعيلنا ابي الدعاء يابنات
الله يخليكم وربي مايحرم بنت بهالدنيا من أحلى شي تتمناه امييييييييييييييييييييييييييييين :9_33:
استنى ردودكم