ساعدوني دخيلكم بسرعه

هلا حبيبتي ..


الله يقومكــ بالسلامه ياقلبي..



وبالنسبه..للسرير والله ماأدري..


بس الملابس انا أشوف ان 3_6 كبير مرررره ولا راح تستفيدين منه الحين ..


نصيحتي كثري البربتوزات ..الكامله عرفتيها..


واللفات ..لانكـــــ راح تستهلكين كثثثير ..


وخوذي أشياء ثقيله لاننا داخلين عـــ شتاء..



ولا تنسين أختكـــــــ من دعواتكـــــ ..



أتمنى أفدتكـــــ..




وديــــــــــــــ..

مرحبا
شوفي محل شيكو

أغراض البيبي
بالبداية أحسن ماركات لأغراض البيبي هي Avent و Chico ولكي حرية الاختيار
1-سرير لغرفة النوم<<< انا بحط سريره في غرفة نومي ولذلك خذيت سرير يناسب لون أثاث غرفتي
2-سرير صغير(سلة) عشان تحطينها في الصالة، وممكن يكون تحتها ستاند وعجلات أحلى وعملية أكثر، وبفترة النفاس عند أهلك هالسلة راح تستخدم كسرير للبيبي ولما تردين بيتك استعملي له السرير الكبير.
3-طاولة تغيير تكرمون للحمام، وتكون بلاستيك وفيها أماكن لوضع الشامبو والكريم وأغراض التغيير وأكو نوع أخذته يكون فيها حوض لسباحة البيبي يكون عملي أكثر.
4-فوط أحجام كبيرة وصغيرة، كثري الفوط لأن بتحتاجينها وايد.
5-فوطة للسباحة تصير مع كبوس.
6-اسفنجة طبية لمسح جسم البيبي.
7-فوط صغيرة ناعمة تستخدم كليفة لسباحة البيبي.
8-غطاء كامل للبيبي عشان اذا بتطلعينه خصوصا من المستشفى للبيت، أحتاجه لأني بولد بالشتاء انشاء الله، وهو يصير مثل بيت للبيبي يغطيه كله ويدفيه.
9-بجامات(بربتوز)<<<< كثري لأن المولود تكرمين يرجع وايد وكل شوي تغيير.
10- بدلات حلوة ( لا تكثرين لأن اييون وايد هدايا) وما راح يحتاجهم وايد.
11- فنايل قطن اخذي وايد حفر ونص كم.
12-مهادات قطن.
13-شراشف قطن خفيفة خام فنيلة اشتري وايد عشان كل شوي تغيرينهم تحت البيبي، منها أريح له لأنهم قطن ومنها انك مو كل ما وسخ الشرشف تبدلين الكفر والحوسة، بس تبدلين هالشراشف القطن.
14-كفر كامل مع مخدته وحوسته حق سرير البيبي.
15- لحاف عملي يدفيه للبيت، وواحد ثاني أكشخ شوي عشان الطلعة.
16- الفوطة الخفيفة اللي تصير نايلون من الجهة الثانية، عشان اذا كنتي طالعة تفرشينها وتغيرين للبيبي عليها، وتستخدم للبيت بعد اخذي 3 تقريبا.
17- اسفنجة كبيرة لوضع البيبي عليها أثناء تحميمه.
18- لمبة صغيرة خاصة بسرير البيبي تركب عليه إضائتها خفييييفة ما تزعجك بليل بس عشان اذا صاح بليل تقومين تشوفين ما يكون ظلمة مرة وحدة.
19- الألعاب اللي تعلق فوق فراش الطفل( اللي تفتر وتطلع موسيقى) عشان تدوخه وينام .
20- ستة إلى 10 رضاعات (مميات) بلااااستك لا تاخذين زجاج لأنها ثقييلة وأول ما تطيح منك تنكسر، خذيت Unti-Colic مضادة للمغص والغازات، ماركة Chico وفيها فتحة من فوق عشان تطلع الغازات وما تعور بلاعيم البيبي وهو يمص، وايد عملية وصحية والأطباء ينصحون فيها.
21- حلمات زيادة للرضعات عشان تغيرينهم كل فترة أحسن.
22-ملقط كبير بلاستك خاص لمسك الرضعات والحلمات وهي حارة بعد التعقيم.
23-ستاند بلاستك لوضع الرضعات النظيفه فيه حتى تنشف، خذيته أيضا من Chico
24- غلاية الرضعات( المعقمة) اخذي اللي بالبخاار ولا تاخذين اللي بالميكروويف مو زين اشعاعات عالبيبي تضره.
25- سخانة الحليب، يعني أحيانا وانتي ترضعين البيبي يغفي 5 دقايق ويقوم الا الرضعة بردت وما يبيها، في هالدقايق ممكن تحطينها في السخانة وبعدين يكملها، وهي صغيرة بحجم الرضعة، ومعاها صحن اذا كبر شوي تستخدم لتسخين أكله وخذيتها ماركة Chico
26- مقسم الحليب البلاستك، اللي يصير في كل طبقة مقدار رضعة وحدة من الحليب البودرة، ويفيد وايد بالطلعة وللبيت بعد، في الغالب يكون من 4 طبقات.
27- مصاصة(لهاية) اخذي 3 ولا 4.
28- baby monitor الجهاز اللي مثل اللاسلكي واحد عندك وواحد عند البيبي عشان اذا كان بغرفه ثانية تسمعينه اذا كح ولا صاح.
29- فوط للكتف، وتصير طوالية تباع بمذركير وهي خاصة عشان تكرمون تكريع الطفل بعد الرضاعة عشان ما يوسخ ملابسك.
30- صداري للبيبي، واخذي عمليين للاستعمال اليومي تصير خام فوطة ووراها نايلون عشان مو كل شوي ينقع ملابسه وتغيرين الصدرية بس، والعاديين اللي مرتبين وما فيهم نايلون يصيرون للطلعة وجدام الناس ممكن بس اللي وراهم نايلون وايد أحسن للاستعمال اليومي.
31- كبابيس، دسوس يد، ودلاقات.
32- مطارة خاصة للبيبي للماي الحار عشان رضعاته.
33- غلاية للماي خاصة لغلي ماي البيبي.
34-علبة بلاستك كبيرة بغطاء لحفظ الحفاظات.
35- علب بلاستك صغيرة لحفظ قطن التغيير وأغراض البيبي.
36-سلة صغيرة لملابس البيبي المتسخة.
37-خزانة من أدراج لأغراض الطفل.
38-فرشة كبيرة خاصة لتنظيف الرضعات، وثانية صغيرة لتنظيف الحلمات.
39-مقياس درجة حرارة الطفل بالأذن.
40- أغراض البيبي (شريتهم بجنطة كاملين من مذركير) اللي هم مقراضة أضافر، مبارد، مشط، بروش، شفاطة لتنظيف الأنف، مقص صغير.
41- أغراض العناية للطفل: شامبو، صابون، شور جل، كريم، كلونيا، baby oil ، قطن أذون، قطن تغيير، مناديل رطبة للتغيير، كريم سيباميد للحفاظ، بودر<<<< مادري اذا نسيت شي روحي قسم الأطفال بالجمعية وبتلقين كلشي جدامج
42- لا تشترين الحفاظات ولا الحليب للطفل، لما تولدين سألي طبيب الأطفال بالمستشفى وهو بقولج الماركات اللي تناسب طفلج.

أغراض النفاس للأم
1- شفاطة الصدر( خواتي اللي جربو يقولون أحسن شي ماركة Avent الوحيدة اللي ما تعور)
2- قطن للصدر للحماية من اتساخ الملابس بالحليب.
3- ستيانات رضاعة مفتوحة من الأمام.
4- مخدة للرضاعة على شكل U وايد مريحة تباع بمذركير تسند الطفل وتريح للرضاعة.
5- كريم للصدر يقي من تشققات الحلمة، جربي Avent
6- قمصان نوم للمستشفى والنفاس، مع بجامات مريحة تدفي ونعال للقمصان.
7- بنطرونات سترش داخلية( الوالدة لازم تتدفى على طول) واذا بتولدين بالشتا اخذي داخلي كامل البلوزة والبنطرون.
8- ملابس داخلية ( شلحات، سراويل) واللي تحتاجينه.
9- دلاقات يدفون.
10-كفر كشخة للمستشفى.
11- شغل العطار الحسو والحلبة وهالسوالف (في الغالب هذي وظيفة أمج الله يحفظها)...

جنطة المستشفى
3قمصان
بجامة مريحة لوقت النوم
تكرمين نعال
ملابس داخلية كاملة
ستيانات رضاعة، وسراويل اللي تستخدم مرة وتقطينها تباع في مذركير
فوط صحية أكبر حجم لبعد الولادة الماركة اللي تفضلينها
دلاقات تدفي
make up
عطر أو دهن عود
منظرة صغيرة
سشوار (لا تطلعين جدام الضيوف بكشتج تفشلينا)
ربطة شعر
أغراض العناية، اشتري الأحجام الصغيرة عشان ما يزحمون الجنطة ( شامبو، كريم، ديودرانت، ليفة، مشط، فرشة أسنان ومعجون).
تراشي حلوين (حلق) خذيت كرستال شوارفسكي ناعمين وممكن ذهب براحتج.
جاكيت يدفي يمكن تستبردين
شاحن الموبايل
كاميرا فيديو وعادي(حسب الرغبة) اذا تبين يصورون البيبي بأول أو ثاني يوم.
أغراض الطفل، اخذي جم بربتوز وصداري وكبابيس ودلاقات ومهادات، وكفر عشان اذا بغيتي تطلعينه تلحفينه، أما أغراض التغيير الحفاظات وأغراض الرضاعة ما راح تحتاجينهم لأن المستشفى برضعونه ويغيرونله.
وبعد ما تجهزين جنطة المستشفى خلي يمها عباة وملفع ونعال جاهزين في حالة أي طارئ، وعلمي زوجج بمكانهم.

شنطة تجهزينها قبل لا تروحين المستشفى لوقت الولادة صغيرة وفيها..
كتيب لأذكار وأدعية الولادة (انا شريت كتيب اسمه الإفادة في ما جاء في ورد الولادة).
بسكوت، عصير.. أي شي خفيف
رطب
الأوراق الرسمية (بطاقتج وبطاقة وزجج المدنية- عقد الزواج- كرت المستشفى) وأي أوراق تحتاجينها.
موبايلج

وأخيرا..

أول ما تحسين بألم الطلق اخذي شاور دافي اذا زاد الألم معناها طلق صجي وولادة واذا خف ارتاحي تو الناس، وبالشور احلقي المنطقة الحساسة وكوني مستعدة.. وبعدين اكلي رطب، اقري سورة مريم والزلزلة والشرح وأدعية الولادة وتوكلي على الله والله يسهل عليج وعلي وعلى كل وحدة حامل يا رب

منقوووووووووووووووووووووووووووووووووول للفائده

مشكورين يا عزيزاتي

و بالذات لج يا أحلى نـاويه اعقل

وربي يوفقج انشاء الله ويحفظج ويحفظ عيالج
انا الحين على طول طبعت كل اللي كتبتيه وسايره اشتري كل الاغراض اللي وصيتيني عليهن

بس السرير الشي الوحيد اللي ما اعرف وين احصله ؟

والسموحه

مشكووورة اختي كفيتي ووفيتي



والله يسهل على الجميع ان شاء الله

السرير تحصلينه في ماذركير احسن شي تاخذين منه وعندج محلات المفروشات تحصلين عندهم بعد

بالنسبه للسرير جربت الخشب مع عيالي قبل ومااعجبني ابد شايفه في سيتي بلازا محبس يجنن محبس وسرير بنفس الوقت

يالتني صورته لكم يمكن شفتيه قبل مذا محبس وفيه قطعه تتركب ويصير مرتفع للنص تقريبا اذا كبر البيبي تشيلينها وتنومينه تحت مره اما وهو صغير هذا ارتفاعه مره مناسب لك ومافيه خطر عليه احسن من الخشب بكثير وسعره 550 تقريبا او 570 يمكن تلاقينه في محلات ثانيه بس سيتي بلازا كل الموديلات اللي عندهم مافيه الا هذا اللي يجيك سرير ومحبس الباقي محبس بس

ناويه اشتريه باذن الله

.الله يهون علينا يارب

هلا خواتي انا بعد وصلت بدايه السابع وايفه سرير عند مذر كير يهبل سرير معه مكان لتغيير البيبي ووضع اغراضه حليب والخ ومدري متى ابدا اشتري اغراض البيبي على ان ولادتي في شتاء

ناوية اعقل ...


مشكووورة عاللسته... طلعت اللسته مالتي نصها ناقصة بعد ماقريت اللي عندج

ناوية اعقل الله يسعدك استفد كثير بالي كتبتيه الحمد لله تقريبا أغلب المكتوب حطيته بس فيه شغلات بسيطة ان شاء الله اشتريها

ناوية اعقل ماشاء الله عليج دكرتيني باشياء وايدة انا ناسيتها مشكورة ويعطيك العافية

ناويه اعقل مشكورره وايد صح الموضوع قديم شوي بس حبيت اشكرج لانه صدق استفدت واااااااااااااااايد من الي كتبتيه وخاصه كلامج عن السور الي لازم الوحده تقراها قبل الولاده والادعيه...الله يجزاج كل خير

السلام

بنسبه لسرير والكبت لو تخذين من بيبي شوب ....خشب ...انا مخذه لبنتي من يوم كان عمره في الأربعين وأحين سنه ونص وبعده تنام فيه ....

والكبت فيه في بيبي شوب بس كله دروج مافيه علاقات ....


وبنسبه للملابس من 0_3 وااايد احسن بتكفي البيبي من الولاده لين يكمل شهرين

وبعدين لا تكثرين من الملابس أنا أشتريت

4 قماطات
4 لفرولات مع الزلاقات والطاقيه
4 فنايل
2 فوط

بس حق المستشفه وبتيج هدايا وااايد واذا ميج بعد ماتطلعين روحي أشتري


أختكم الخوافي

احلى سرر في سيتي بلازا

اشكال والوان واحجام انش الله تلقين اللي يناسبك

اما الملابس فالافضل ماتكثري من 0-3 لان المواليد ماشالله يكبروا بسرعه

يعني انا شايفه تسع قطعه كفايه والباقي من 3-6

والله يتمم لك على خير ويسهل ولادتك حبيبتي

تسلمين اختي ناويه اعقل على اللسته.....

موفقة