السلام عليكم،،
هذي طريقه انا اتوصلتلها بعد فتره طويله من التجارب الفاشلة..
كل مره كنت ازور صديقاتي كانت وحده منهم مثلا ريحتها تكون في الغرفه كلها و دايما اتعجب و اقول كيف اتم الريحه عليها .. وبعدين انا حاولت اسألها بس ردت علي وقالت هذا سر ما قوله لحد.. و طبعا انا انقهرت و بديت اسوي المستحيل عشان تطلع ريحتي احسن منها (( البنت غيوره)) >> :2_106:
المهم السر هو ::
تحتاجين :
1)معطر الفراش و الملابس" لازم ينكتب الملابس" (بالريحه اللي تعجبج) انا اللي عندي بريحه العود و الصندل و إسمه العزيزه.
2)دخون من ذوقج
الطريقه:
ان بعد ما تغسلين ثيابج و تكوينهم تحطينهم في الكبت. و تجهزين المدخن و الدخون وتقعدين تدخنين الثياب في الكبت بس لازم اتكونين واقفه اتشوفين المدخن موووو تخلينه و تروحين عشان ما يتصلون الدفاع المدني و يقولون ليلي دبي حرقت بيت وحده من الاخوات في المنتدى خخخخ :21_176:
و تجيبين معطر الملابس و ترشينه على الثياب و العبايات و الشيل بكميه كافيه موووو تكثرين بتحكرين نفسج بعدين ... و تخلين الدخون يقوووم بتدخين الثياب ... أهم نقطه لازم تسوينها انه ما تخلين الدخوون يحترق يعني يبدي يطلع ريحه حرق ..
هذي تجربتي ونفعت معااااي حتى كل ما افتح كبت الثياب اشم الريحه الحلوه و في ذمتي انها تجنن و تقعد بالايام .. حتى ثياب زوجي صارت ريحتها خبال...
و بالصدفه من فتره قعدت مع صديقتي في بيتهم و كانت عازمه صديقاتنا نتعشا.. والمفاجئه ان كل حد يسألني شو العطر اللي حاطتنه حتى صديقتي اللي ما خبرتني سرها و قالتلي الصراحه ريحتج اتجنن و طلعت من بيتهم و الريحه بعدها فيني .. لا العشا ولا شي خرب على ريحه الثياب...
وهذا كل اللي عندي
تحياتي و دوووووم مستانسين ان شاء الله
ليلي دبي
هذي طريقه انا اتوصلتلها بعد فتره طويله من التجارب الفاشلة..
كل مره كنت ازور صديقاتي كانت وحده منهم مثلا ريحتها تكون في الغرفه كلها و دايما اتعجب و اقول كيف اتم الريحه عليها .. وبعدين انا حاولت اسألها بس ردت علي وقالت هذا سر ما قوله لحد.. و طبعا انا انقهرت و بديت اسوي المستحيل عشان تطلع ريحتي احسن منها (( البنت غيوره)) >> :2_106:
المهم السر هو ::
تحتاجين :
1)معطر الفراش و الملابس" لازم ينكتب الملابس" (بالريحه اللي تعجبج) انا اللي عندي بريحه العود و الصندل و إسمه العزيزه.
2)دخون من ذوقج
الطريقه:
ان بعد ما تغسلين ثيابج و تكوينهم تحطينهم في الكبت. و تجهزين المدخن و الدخون وتقعدين تدخنين الثياب في الكبت بس لازم اتكونين واقفه اتشوفين المدخن موووو تخلينه و تروحين عشان ما يتصلون الدفاع المدني و يقولون ليلي دبي حرقت بيت وحده من الاخوات في المنتدى خخخخ :21_176:
و تجيبين معطر الملابس و ترشينه على الثياب و العبايات و الشيل بكميه كافيه موووو تكثرين بتحكرين نفسج بعدين ... و تخلين الدخون يقوووم بتدخين الثياب ... أهم نقطه لازم تسوينها انه ما تخلين الدخوون يحترق يعني يبدي يطلع ريحه حرق ..
هذي تجربتي ونفعت معااااي حتى كل ما افتح كبت الثياب اشم الريحه الحلوه و في ذمتي انها تجنن و تقعد بالايام .. حتى ثياب زوجي صارت ريحتها خبال...
و بالصدفه من فتره قعدت مع صديقتي في بيتهم و كانت عازمه صديقاتنا نتعشا.. والمفاجئه ان كل حد يسألني شو العطر اللي حاطتنه حتى صديقتي اللي ما خبرتني سرها و قالتلي الصراحه ريحتج اتجنن و طلعت من بيتهم و الريحه بعدها فيني .. لا العشا ولا شي خرب على ريحه الثياب...
وهذا كل اللي عندي
تحياتي و دوووووم مستانسين ان شاء الله
ليلي دبي
