متخاصمه معاه من 3 ايام بسبب السكن

السلام عليكم ورحمه الله وبركاته .

اخواتي الكريمات شلونكم عساكم بخير وعسا ربي يجعل كل ايامكم سعاده وبدون مشاكل
بس المشاكل شر لابد منه ..

مشكلتي يا بنات اني ساكنه في شقه ملحقه مع زوجي في بيت أهل زوجي .. يعني غرفتين وصاله وحمام عز السامع ومطبخ .. المشكله ان الشقه تطل على الشارع ( والفريج ) الي فيه بيت اهل زوجي مزعج جدا جدا بكل ما تحتويه كلمه ازعاج .....

دراجات ناريه على مدى 24 ساعه .. وسيارات تفحيط متواصل تخيلو هالشي وانا احاول انام في الليل واحاول ارقد بنتي والله ساعه ونص احاول ارقد بنتي من سبب الازعاج هذا وكل ما ارقدها تقعد لمه يجي واحد قليل الاحساس ويفحط عن الشقه .. حاولت اخلي زوجي يكلمهم اتصلت بالشرطه مافي فايده

الحل الي ترائى جدامي ان يا أما زوجي يسكن معاي في بيت اهلي ,, وبيت اهلي كبير .. وفي مكان وهم مرحبين فيني وفيه ... يا أما ان نطلع .. في شقه لحالنا في نفس المنظقه ومنطقه هادئه ....

تصدقون ان زوجي معاند والحين لنا متخاصمين 3 ايام على هالموضوع صايرين كأنا اغراب في البيت ما نتكلم مع بعض ... والله يا بنات ما تدرون شلون الازعاج يرهق نفسيتي من بعد يوم متعب طويل ,, يقول زوجي شمعنى مافي انتي الا تشتكين .. قلت له لان الفريج كله بما فيه بيتكم عندهم في كل بيت دراجه ناريه او سياره سباق وتخيلو الدمار للاعصاب الي انا عايشه فيه

بنات هل معاي حق ان اطالب بتغيير السكن معان حالتنا الماديه تسمح ان نسكن في ايجار .. او نسكن مع اهلي ....

اتمنى بالرد السريع ,,,وجزاكم الله خير واي استفسار اناا جاهزه ..

تحياتي
ام جنى