ابي مشورتكم .. مع ولدي والحضانه

طيب حاولي تسألينه عن يومياته في الروضة يمكن يكون متضايق من شي ، بنتي كانت جذيه العام الماضي ظلت شهرين على هالحال وبعدين طلعتها بس السنة وديتها روضة ثانيا وما شاء الله من اول يوم كانت عادي

اسأله يستانس اذا رجع يقول جذي وجذي ولعبنا
بس بعدين يقولي انتي ليش خليتيني ورحتي عني
انا ابيج كله ابجي كله ابجي ابيج

عادي أختى أم سعود،، أنا ولدي بعد هلكني أول أسبوعين، يصيح صياح وأدخله وأنا شايلته كأنه طفل ماكمل السنة ،عادي كنت أخليه وهو ميت من الصياح بس ماطلع عشر دقائق الا على قولتهم ماله صوت ولا حس ويكمل المهرجان... ومن يرجع يقول لي ليش خليتيني آنا صحيت وايد...
قعدت وكملته قلت له خلاص محد في بيت ماما (بيت أمي) وأنا لازم آروح الدوام أحصل فلوس عشان نشتري ألعاب ومن هالكلام وبعدين أقتنع وقال مافي فايدة أذبح روحي من الصياح لأن ماراح يهزهم ريح..

المهم أنت أتبعي نفس الأسلوب، او يمكن لأن ولدك يشوف أخته معاك بالبيت وماوده يتركم.. شوفي يمكن بعد الروضة مو عاجبته ومو مرتاح منها، وشوفي له مكان أفضل...
سألي المدرسات عنه كيف وضعه بعد ماتتركينه؟؟؟؟

فديته والله .. اسألي عنه فالروضه .. شو يومياته يمكن احد يضايقه ..

وحاولي تودينه روضه حد من اهلك فيها او طفل يعرفه فيها ...


وبالتوفيق الغاليه لج ول سعودي ..

بس سؤال الغاليه انتو عندكم اجازة الأمومه اربع شهور ؟؟؟

انا من رايي تخلينه انا ولدي كان نفس الشي بس موبالحضانه اول مابديت ادخله الروضه تخيلي كان يرجع البيت من كثر مايصيح مافيه صوت والا صوته مبحوح حتى مره المديره قالت حرام اذا انتي ماتشتغلين خليه لحد مايكبر يعور القلب من كثر مايصيح وطلعته ولما صارعمره اربع سنوات نفس المشكله صرت ادوام معاه بالروضه لحد ماتخلص الحصه الاولى ونفس الشي يقعد يصيح اول مااطلع وكان يشتكي من الابله ويوم واجهت الابله قالتلي يسوي سلوكيات غلط وماصدقتها ونقلته لصف ثاني والحمدلله هدى يعني ممكن المشكله تكون في المدرسه ولا حد من الطلاب يضايقه الله يعينج

مشكورين خواتي على الردود الطيبه
اختي رانيه
اهو بالحضانه الحين دقيت عليهم لحد الحين ما اكل فطوره هذا اللي كدر خاطري وتعب نفسيتي اخاف على ولدي يتعقد

ونفس كلامج حبيبتي راح اقوله له وان شاءالله اشوف شيصير وارد لكم بالاخبار الطيبه ان شاءالله


اختي ريم الدماني
احنا اجازتنا الوضع شهرين والامومه شهرين بنص راتب واذا تبين بعد شهرين اخرين بنص راتب بعدين من يصير من غير راتب
ونص الراتب اللي ينصرف رايح على الالتزامات والقصد السيارة واخر الشهر نشحت الفلوس :)

مرحبا اختي حبيت اسال ابنك كم عمره اذا اقل من 4 سنوات انا بنصحك تخليه عندك لانه الحضانه بتعقد الي عمره ما تعقد انت عن تجربه كان ابني يروح على الحضانه والله لا يوريكي كان دايما يبكي ويحزن بصراحه انا بنصحك لا تخليه بالحضانة شيليه فورا وبسرعة بلاش يتعقد خليه لما يكبر شوي ويروح على الروضة مش الحضانه الروضة احسن يعني بيكون معاه كتب واقلام وبستانس فيهم وبينسى بس الحضانه كلش تعقيد.

بنات اليوم رحت اخذ ولدي على نهاية الدوام بعد عمري لقيته منهار
حياتي والله
انصدمت من الوضع اللي شفته عليه انا خفت ان فيه شي
دشيت الصف باخذه الا اليهال كلهم يلعبون واهو طايح على الطاوله وحاط ايدينه الثنتين على راسه احركه اناديه مايرد علي اقول حق الابله شفيه ولدي شفييييييييييييييييييييييه
قالت بجى بجى وايد ونام من كثر مابجى

هزيته حركته سعووود يما شفيك
شلته قالي راسي يعورني
ابي بيتنا ابي اروح البيت

انا داقه عليها الساعة 11 ونص
قالت يصيح ويسكت ويرد يصيح

قلت لها ليش مادقيتوا علي بما ان ولدي تعبان لي هالدرجه وقلتولي
قالت توه ماصارله عشر دقايق


قلت يما ما الزم علي الا وليدي الغالي

مارده راح يكبر ويروح روضه ويداوم السنة اليايه اخليه الغالي واضمه على صدري انا في امومه وقاعده في البيت الزم ماعلي ولدي والله العظيم
الوضع اللي شفتي عيونه صايره صغار من البجي


كل مره يبجي ويسكت وارد اخذه يكون يبجي

بس مو مثل اليوم شكله خرعني

الله يحاسبني عليه حرام

وبس خلاص ماراح اوديه باجر


بعد عمري يقولي باجر اروح الحضانه بس ماراح اصيح خلاص

حتى اكل مو ماكل من الساعة 6 ونص الى الساعة وحده شنو صايم وعمره سنتين وعشر شهووور


لالالالالالالالالالالالالالالالالالالالا مو قادر يتأقلم معاهم ولا حاس بالامان نهائيا

مع ان اسم الله عليه بره يسولف ويكلم الناس حتى في الاماكن العامه اذا شاف يهال يروح لهم ويكلمهم ويكلم الكبار يسأل عن اي شي يشوفه

حتى لو ناس مايعرفهم هم يتكلم معاهم

الا الحضانه ما يبي حتى يحتك معاهم لي متى قاعد عند الباب خليه ينام ويرتاح الغالي




واشكر كل وحده ردت واشكر ارائكم الشخصيه اللي قلتولي اياها بس عقب ماشفت ولدي اليوم
اقول

فداك يا سعود الفلوس اللي اندفعت وفداك الدنيا كلها





دمتم سالمين
اختكم شريفة

والله جاتني الصيحه على سعود

فديته حبيبي خلالالالالالالالالالالالاص خليه ف البيت مب لازم يروح

فديت اعيالي بصيييييييييييييييييييييح

:cry:

من ساعه تقريبا صديقتي تكلمني ع لمسنجر

وتقول لي سالفه ولدها

كل يوم يصيح وماياكل ونفسيته تعبانه

تخيلي يرجع شنطة الاكل مثل ماهي وفلوسه بعد

والله يكسرون الخاطر

بصراحة كسر خاطري والله خليه في البيت يريح اعصابه كم يوم وبعدين شوفي اذا قال يبغى يروح اخذيه واذا ما قال مو لازم وانتي حاولي تشجعيه في هالفترة ، وبعد شلون ينام الطفل ويخلونه على الكرسي الروضات ما تسوي جذي لازم يشيلونه ويخلونه على سرير مو يظل نايم مكانه

انا معاج ما تسوى عليه روحة الروضة

شوفي حاولي تغيرينها يمكن ما يرتاح فيها

فديته حبيبي تفداه الفلوس وخلاص لا تودينه اصلا هو صغير بعده خليه وياج احسن لان اصلا في المدرسة مايهتمون فيهم نفس الام واصلا المدرسة لازم تتصل فيج يوم شافته جي . نفس الموقف استوى في ولدي لكن ولدي راجد ورا السبورة وانا ادور عليه وهم يقولون لي يلعب في غرفة الالعاب لكن شفته مركدينه تحت على السيراميك ولمه اسال المدرسة ليش راكد على الارض ترد والله تم يصيح ورجد على الارص والله يقهرون ماعندهم ذمة ولا ضمير. ما ترييت على طول غيرت المدرسة والحين الحمدالله.

مشكورين كلكم على مشاركاتكم

بس خلالالالالالالالالالالالالالالالالالالالالالالالالاص ولدي عندي ما راح ادخله حضانه
بخليها على الروضه احسن

وانا فهمته ان الحضانه سكرت خلاص نايمين اليهال وبعدين يفتحونها ونروح
مو اني طلعته لانه يبجي لالالالا مافهمته هالشي
حتى ان اليوم اول ما قعد من النوم قالي ها ماما نروح حضانه نلبس ملابس الحضانه قلت له لالا ماما الحضانه خلصت

وبس

اخليه عندي واذا داومت عند امي الله يخليها لي ان شاءالله




دمتم سالمين
اختكم شريفة

سلاااام

شوفي اختي لا تعقدين الياهل ترا مو زين تضغطين عليه خليه والسنه اليايه وديه بس هيئيه في البدايه

شوفي انا بنتي ما شاء الله عليها كانت اوك بس في الاسبوع الاول لازم احياناً تصيح ما تبي تروح كنت احيتنا اعطيها ستكرز اقولها حبيبتي روحي الروضه وزعي على صديقاتج ولان انا بنتي تحب سالفة التوزيع لدرجة مره شالت الشباصات من شعرها وزعتهم على صديقاتها
ويوم اعطيها كنت كيك اقول لها وزعيه على صديقاتج وتستانس تروح عادي الين تأقلمت...
وبعد المدرسة لها دور لان بنتي كانت اذا يبكون اليهال يوزعون عليهم هدايا او اي شي عشان يلهون .

على فكره بعد في يهال بس لما الام تكون موجوده يبكون ولما تروح خلاص يلهون ويلعبون مع اليهال فانتي لازم تسألين الروضة عن ولدج اذا يستمر او لا يلها مع اليهال

والله يخلي لج عيالج انشاء الله

واي كسر خاطري مسكين سعووووووووود

ليش عاد جذي مرة وحدة ما تقبل الروضة.. شيء يحير صج..

مع انه حسب كلامج اجتماعي وايد برا،

اسم الله عليه غالب الظن انه من الغيرة.. يطلع ويشوفج مع نور.. ويرد ويشوفج معاها ..

قرارج الحين اللي اتخذتيه سليم .. بس لا تخلين تصيدج عقدة من اللي صار ويزيد التلزق عنده.. ترا ينقلب عليج رادي..