حامل وتدرسيــــــن ؟؟؟ حياكم اخواتي عطونا تجاربكم

سلام

موضوعج حلو اختي .. و أنا فكرت فيه وايد بيني و بين نفسي ..

أنا أشوف إن الإنسان لازم لازم تكون له حياة عملية أو علمية بعيده عن الإسره .. علشان يثبت نفسه و مايحس بفراغ ..

انا لاحظت عن تجربه إني إذا مالقيت شي يشغلني ,, أنا اروح اخترع أي شي علشان اشغل نفسي فيه سواء سلبي أو إيجابي ..

و جربت وايييييييييد اشياء .. بس بصراحه ما شفت أنفع من الدراسه و العمل .. لأنج إذا بتدرسين بتكون عندج هموم و أشياء تشغلج من امتحانات و مراجعه و احداث صارت في المدرسه او الجامعه ( يعني حياه ثانيه ) و هذي الاشياء بتشغلج عن اشياء ثانيه مثلا مشاكل و غيره و غيره حتى يمكن ما تفكرين فيها أو تستصغرينها ..

أنا دايما إذا أكون مضغوطه و حد جرحني أو ضايقني أقوله (( ترى أنا ما عندي وقت أزعل )) ..
<< مادري اذا بتفهمون شعوري أو لاء ..

و مادري انا اذا قلت شي ينفعج او لاء ..

(f)

أنا دايما إذا أكون مضغوطه و حد جرحني أو ضايقني أقوله (( ترى أنا ما عندي وقت أزعل )) ..

يمكن هذا الشي الوحيد الي مافهمته
بحاجه الى تفسير اكثر ههههههه

عموما
مشكوره ويعطيك العافيه
ع الاقل انتي جبرتي بخاطري ورديتي علي

هلا يالغالية

انا بصراحة ليما الحين ما حملت وادرس حاليا وكل همي ان اكون أم وبس والبارح كنت اقول لزوجي انا مابي شيء في الدنيا لا دراسة ولا اي شيء ابي بس ياهل يملي علينا حياتنا والله ان النفسية تعبت ومالي خلق حتى ادرس بس هذي حكمة ربي والله يرزقني ويرزق المتاخرات قولي آمين

مشكوره اختي فيروزه
ممكن انتي تحسين هالحين بملل من الدراسه وطفشتي لانك واصلتي
بس اختي
كانت من المتفوقات وفجأه صابتها عين وكرهت الدراسه لدرجه انها ماتقدر تشوف كتاب عندها بالبيت ولا أرتاحت الى يوم رمت الكتب
وهالحين حست باشتياق للدراسه بشكل غير طبيعي
بس ان شاء الله تروح وتكمل لاني بصراحه انا شجعتها على هذا الشي
ودام عندها طموح وعزيمه مابكسر طموحها

ومكشورين على المرور

شجعيها اختي على الدراسة لازم وخاصة لانها ام

والانسان مايدري بالظروف اللي تصير له وشهادته تنفعها وتنفع عيالها

اهي لازم في البداية بتواجه صعوبات لانها من زمان منقطعة لكن راح تتعود وراح تكمل وتخلص باذن الله

اهم شي تلاقي التشجيع المستمر من اهلها ومن زوجها

Blossoms;4538657:
شجعيها اختي على الدراسة لازم وخاصة لانها ام

والانسان مايدري بالظروف اللي تصير له وشهادته تنفعها وتنفع عيالها

اهي لازم في البداية بتواجه صعوبات لانها من زمان منقطعة لكن راح تتعود وراح تكمل وتخلص باذن الله

اهم شي تلاقي التشجيع المستمر من اهلها ومن زوجها

الله يجزاك كل خيــر
ومشكوره على دعم ردك
والله احسها هي متشجعه كثير انها تكمل بس تقول خايفه انها ماتقدر
يعني ودها ولا ودها بنفس الوقت
بس بحاول بعد معها أكثــر
وان شاء الله تكمل هي ماباقي لها الا سنه وتتخرج من الكليه
بس وقفتها وكل سنه تمدد

خل تتوكل على الله وتكمل

انا كنت حامل ودرست احس ايام الدراسة تطلعين وتغيرين جو

بس بعد ما تخرجت خنقة البيت ما ترحم

حياك الله اختي مرايم
أشكرك على مرورك العطــــــر

بالنسبة لي انخطبت وأنا أدرس في الجامعة بس ما وافقت إلا لما أتخرج.. لإن أبي وقتي كله يكون لزوجي وبيتي..بس سبحان الله أوقات الظروف تجبر..

أحس واااااايد تعب إن الحرمة توفق بين الدراسة والزوج واليهال وخاصة إذا كانت حامل وأنا كنت أشوف وااايد بنات حمل ويدرسن وعندهم مسئولية بيت ووووووووو ...

شجعيها إنها تكمل دراستها بس الله يعينها ولازم إتسوي جدول ترتب أوقاتها وتعطي كل شي حقه..

حياك الله اختي
وأسعدني مرورك

انا اصحج اختي لان هالزمن ماينفع الانسان الا علمه وشهادته.. تحسين ان لج كيان ومكانة والناس يحترمونج لانج صاحبة شهادة
انا تزوجت وحملت وجبت بيبي وتحملت وايد وهاي كله وانا بالغربة والسبب لاني ادرس والحمدلله الحين بتخرج..صح تعبت وعانيت وبعدت عن اهلي واحبائي بس الحين بعد ما احصل الشهادة احس ان تعبي ماراح فاضي..
اتمنى لاختج توفيق

حبيبتي مو مشكله .........عادي تدرس واهي حامل ما فيها شي


انا في اول حمل لي كنت ادرس وولدت قبل الاختبارات النهائيه باسبوع

وعادي والله مشى حالي ومافي ذاك التعب الزايد

خاصة ان الدكاتره كانو يراعون اني حامل ’وانا كنت اراعي نفسي

يعني ما في مراكض وروحا وجيه ............

والحمد لله كل شي عدا على خير

انا اشوف انه بالعكس الام لما تكون تدرس ياثر على الطفل بشكل ايجابي

لان الطفل يتاثر حتى بتفكير امه .