مين ببارك لشجون على الزواج

السلام عليكم ورحمة الله وبركاته


شخباركم يا بنات عروس

ياحبيباتي تعبت والله من كثر ما اقرا في المشاكل قلت اكتب موضوع يغير النفوس

أولا احب ابشركم اني بعد معاناتي ووحدتي الحمد لله تزوجت قبل اسبوعين وزوجي واجد طيب وربي عطاني على قد نيتي

بس في اشياء كثير غيرتها في نفسي قبل ماانخطب بفترة وقبل لا اعرف اني بتوفق في هالشيء

انا كنت منزلة موضوع عن وحدتي وحزني واني خايفه من سن الـ 25 لانه للاسف في مجتمعنا يعتبرون هالسن هو سن العنوسة

يابنات سامحوني من الحين لاني بطول وبفضفض

أول شيء يابنات احب اقول لاخواتي الغير متزوجات والله اني كنت اعاني اكثر منكم من وحده قاتلة ونظرات الناس لحد ماقريت ردودكم لي في موضوعي وبديت اكتب سطور صفحتي الجديدة هذا طبعا قبل ماانخطب

وبشرح لكم بالضبط وش كنت اسوي يمكن هالشيء يساعد :

أول شيء اقول لكل بنت لازم تغيرين نفسيتك ادري انه صعب ويبقى شيء بالقلب مثل الجرح تذكرينه كل ما شفتي طفل صغير او زوج سعيد مع زوجته بس لازم تصالحين نفسك،،

انا كنت أقول عن نفسي غالية ومستحيل ارخصها لاني للاسف لما حبيت شخص وكلمته بعد موافقة اهلي طبعا وبعد خطبة طلع ما يستاهل وتفركش كل شيء ومن يومها قلت مافي شخص يستاهل البنت ترخص نفسها علشانه .

بديت اقوي علاقتي مع ربي من الادعية الى القرآن الى الاذكار والكتب الدنية وتركت الاغاني نهائي

وكنت كل مازعلت وتضايقت وبكيت احمد ربي واشكره على كل شيء واقوم اصلي ركعتين وادعي ربي مو بس علشان محتاجه لاااااا لاني بس ابي يقربني منه لانه حبه هو اعظم شيء بالدنيا ولو عرفنا كيف نحبه صح ماكنا بكينا علشان بعض الاشياء اللي ما تستاهل

وكنت دايم اتصدق بنيه الزواج احيانا او صدقه عادية

والاستغفار مااتركه ولا ادعيه الزواج لو في الاسبوع مرة

حتى لما العب رياضة وامشي استغفر واقول الادعيه اللي حافظتها حتى وانا اغير ملابسي

ماانكر يا بنات اني سمعت كلام مو بس جارح الا مثل السم ومن اقرب الناس لي بكيت وبكيت وتحملت وكنت اقول لا اعتراض على حكمة ربي والاكيد انه اللي وزع الارزاق ماظلمني

حتى اهلي قالو عني معقدة وتحملت وتحملت لدرجة اني فقدت الامل اني اتزوج وكنت اقول اتزوج وانا داخله في 26 متى اجيب عيالي لا تستغربون من العمر بس لانه عيلتي ومجتمعي عندهم اني عجوز مو الكل بس النسبة الاغلب لدرجة انه رموها في وجهي مايبون بنت اكبر من 22 وبعضهم 23 تقبلت وضعي وحاولت اكمل وارسم لنفسي حياة ثانيه

لحد مااانخطبت على غفلة وتزوجت واحمد ربي لكني مانسيتكم ودايم ادعي لكم يا بنات

خاصة عندي صديقة واجد حزينة ووحيدة وعن جد منكسر خاطري عليها تعبت وانا اواسيها بس حتى اذا بتنسى الناس ماترحم

الله يوفق كل بنات المسلمين ويرزق المتزوجات السعادة واللي مو متزوجات الازواج الصالحين والحياة السعيدة قولوووووووو آمين