الي جربت الولاده القيصريه تدخل

هلا عزيزتي

الله يقومها باللامة ان شالله

أهم شي ما تتحرك وايد أو بحركة فجائية ..ولازم تسترخي قد ما تفدر خلال اليوم و لمدة تقريبا اسبوعين ..عشان العملية ما تلتهب

الاكل لازم تاكل اشياء لينة ...وداااافية ..مثلا شوربة ...عسل ويا قروص...عشان بطنها يكون لين...

لما تتسبح لازم اتنشف حوالين العملية عدل ...وما تضغط عليها حيل

واذا حست برطوبة حوالين العملية لازم اتبدل ملابسها الداخلية ع طول...

أول اسبوع بتلاقي عوبة و بعدها الله راح ايسر وتنسى؟؟؟

قد ما قدرت و اعرف عن تجربة عطيتج معلومات ...:) واذا عندج اي استفسار ...حااااااااااضرة

لا تحاتين عزيزتي ان شاء الله ماعليها خوف


بس دائما خلها مرتاحه ومنسدحه هذا اهم شي عشان جرحها يلتأم بالشكل الطبيعي ومايكون عليه ضغط من بطنها


وانا كنت كل ما اتسبح الصبح امسح جرحي بالمسحه الطبيه هو مو لازم بس كان حرص مني او خوف بمعنى اصح

اما بالنسبه للأكل فكنت اكل كل شي لكن كثري من السوائل خصوصا العصاير

والله يقومها بالسلامه



تحياتي لج

ربي يقومها بالسلامه انا نصيحتي لكل من تولد قيصري انها لا تتعرض للحر ابد ولا تعرق وتتغطى مثلا لازم الجو يكون معتدل البروده وتحاول تهتم بنظافة الجرح لا يلتهب وتسوي غسيل مهبلي كل نص ساعه او ساعه بالكثير لان الالتهاب الناتج عن عمليات القيصريه في الجرح والرحم يؤدي الى العقم ....الله يولدها بالسلامه ومااااااااااااااتشوف شر ولا تحاتين كل الناس قيصري صارو يطلبونها طلب وبالتوفيق

ما قصرن البناااااااااااات

والدكتورة بتوصف الها مرهم تحطة على مكان الكبس

وهذا راح تستخدمة بعد الاستحمام

وماعليها شر ان شاء الله

الله اقومها بسلامه انشاء الله
وماقصورا البنات
تحياااتي

اهاااااا الله يعينك ويقومها سالمه بس انتي الحين وش علاقتك فيهاا خليهامو هي كبيره

خلاص هي ادرى بصحتها منك

الله يقومها بالسلامة والعافية يااااااااااااااااااااااااااارب ..............

الله يقومها بالسلامة ان شاء الله

أنـا عن تجـربه و نصيـحه منــي المفروض اللي تسوي عمليــه قيصريه إنهــا تتحرك يعني دايما تحاول إنهـا تمشي .. ما أقصد المشي برا عشـان ما تتعرق بس اللي اقصده إنهـا لازم تتحــرك ... انـا من أول يوم من بعد العمليه يت الدكتوره وقـالت لازم ابدأ اتحرك اول ما قعدوني من على السرير و حاولت إني أوقف حسيت بدوخه بس بعدها قالت لي حطي أيدج على الجرح و حاولي توقفين مستقيمه .. ومن يومهــا أنا على هالشـله و اللي كان يخليني اتحرك اكثر إني كنت اضطر اني اروح العنــايه المركزه عشان اشوف البيبي فكنت امشي مسافه و ما شاء الله بعد اسبوع احس عمري بخير ... اما السدحه و الرقـاد ما بينفعهــا ... لمــده 6 شهور لازم ما تشل أي شي ثقيـــل ...

ربي يسهل عليهـــا و يرزقهــا بذريه الصـالحه المعــافــاه .. وهذي تجربتي المتواضعه مع العمليـــه

انا مني تجربتي ولدت مرتين قيصري لازم تمشين من اول يوم مو مشي رياضه لا تمشي كم خطوه كل ماقدرتي ولازم يكون جسمج مشدود يعني لاتحنين ظهرك عشان الجرح يلتئم بشكل ممتاز وبتعانين من الغازات اول اسبوع والامساك مو زين عشان الجرح كثري من السوائل باستثناء الحليب لانه يسبب غازات واشربي نعناع وزعتر يريح البطن ولاتشيلين شي ثقيل او حتى دزينه برجلك ..لاتنسدحين كثير اجلسي او امشي يعني نوعي باوضاع الجلوس اهم شي انك ماتتعرضين للامساك لانه وانتي بكرامه لما تروحين الحمام وانتي فيك امساك ممكن كثر الضغط يفتح الجرح اتمنى لك الصحه

نصيحه بعد الزنجبيل مفيد جدا للي يجرون عمليه قيصريه لانه طارد للغازات و يخفف من دوخه العمليه يعني راح يفيدها وااااااايد .. و طمنينا عليهـــا و على النـونو أول ما تقوم بسلامه

الله يقومها بالسلامه انشاء الله...