للبحرينيات .. أشعة الصبغة

انا اختي مو من البحرين بس حبيت افيدج

لحد يخرعج ويقولج ان الاشعه مؤلمه .. الاشعه ما تاخذ وقت وغير مؤلمه بس ان لما تمشي الصبغه تسبب لج الم بسيط حيل بالانابيب ... واللي يحسون بألم شديد هذا معناه ان الأنابيب مسكره عندهم والصبغه وهيا تمشي تفتح الانابيب علشان جذيه يحسون بالعوار ... انا في ناس خرعوني وايد منها خلوني وانا رايحه ارجف بس الحمدالله عدت على خير ... سويها وتوكلي على الله .

حبيبتي مثل ما قلتي احمد بركات دكتور قمة في الاخلاق..

وانا سوى لي عملية اطفال انابيب والله طرح البركه على ايده..

عموما اشعة الصبغه سويتها اول ما قمت اسوي فحوصات..

في السلمانيه.. اهي مثل الفحص النسائي بس يدخلون لج انبوب يوصل الصبغه يبين لهم اذا الانابيب مفتوحه اولا..

وكانت عاددي لاني كنت مرتخيه وخالتها على الله وعدت الحمد لله.. وكان عندي كل شي سليم..

أنا بعد حبيت أعرف ووين أفضل مكان يسوونها وكم تكلفتها.. ناوية أسويها على نهاية السنة....

الله يرزقنا جميعا بالقريب العاجل

الله يرزقكم الذرية الصالحة

وانا اعرف وحده شخصيا حملت بعد هذه الاشعة ..


وتقووول ماكنت اتخيلها جي

بس سبحان الله هذه ارزاق وربي موزعنها

حجزت موعد في العسكري للأشعة وبكره ان شاء الله بيتصلون يخبروني بالوقت

ادعو لي تتيسر أموري ويروح مني هالخوف

أخت رانيا ..
قالوا لي بالتلفون ان سعرها 22 دينار ولايندرى اذا رحت يتغير شي أو لا
ويعطونش النتيجة بنفس الوقت

أختى بريق الأمل عند أي دكتورة؟؟ او بس تتصلين العيادة؟؟؟

انا فينى انبوب واحد مسدود وسويتها الاشعة بس بصراحة كانت تعور وايد بالذات لين يدش الدواء لكن طبعا من جسم لجسم....... ويمكن اللي سوت لي كانت يدها ثقيلة بس هالاشعة وايد زينه تفتح الانابيب....... تساعد على الحمل.......

السلام عليكم بنات

الحمد لله رحت اليوم وعملت الأشعة في المستشفى العسكري
طبعاً مثل ماذكرت الدكتور عطاني ورقة لعملها في العسكري وخلوني أفتح لي ملف مجان طبعاً .. وبعدها دفعت للأشعة 22 دينار وعطوني التقرير والفيلم في نفس الوقت وراح اراجع الدكتور ان شاء الله

طبعاً أنا قال لي الدكتور أشعة الصبغة وجيت جري على النت أبحث ويش ذي أشعة الصبغة واشلون طريقتها ورحت والحمد لله وانا فاهمة كل شي راح يسوونه لي حتى لاانصدم حزتها واتبهدل هناك

ولكن مااخفي عليكم اني كنت ميييته خووووف وكل اشوي وأهون عن الروحة ولكن زوجي كان بالمرصاد لي على خوفي :qaq:
واللي خلاني ماأهون اول شي هو زوجي وثاني شي أن هالأشعة لازم تنعمل بعد الطهر من الدورة مباشرة وقبل حصول أي عملية جنسية وتكون في اليوم السابع أو الثامن .. يعني اذا ماسويتها الحين بضطر أأجلها للشهر الجاي

توكلت على الله واتصلت قسم الأشعة حجزت لي موعد وقلت ليهم اني محولة من دكتور واني لازم اعملها اليوم لأني مخلصة الدورة فعطوني مباشرة في نفس اليوم ورحت

طبعاً هي العملية ماتخوف بس الخوف ومايسوي
يدخلون لش على قولتهم بوز البطة وما يألم كلش وبعدين يبدأون يضخون الدواء داخل من خلال الأداة اللي دخلوها .. في أثناء بث الدواء يألم اشوي نفس آلام الدورة بس محتملة لاتموت ولاشي :2_106: وينزل اشوي دم والدواء اللي دخلوه لج هم بعد ينزل

وبس وخلصنا وانتظرت النتيجة والصورة وبشوف لي بكره ان شاء الله اراجع الدكتور وان شاء الله مايصير الا الخير

وان شاء الله نبشركم عن قريب وتبشرونا انتون بعد :poster_dev:

أخت رانيا ..

مايدخلونج على دكتور ولاشي
مجرد تعطينهم الورقة اللي من الدكتور ويفتحون لج ملف وتدخلين غرفة الأشعة وبس

أخت حبوية البحرين
ويش فرق بين التخصصي والعسكري
العسكري بـ 22 سويتها .. وبالتخصصي اذا نفس ماتقولين بـ 50 ماتسوى . فيه البديل

وبالنسبة لخوفش من الانسداد .. اختي المادة اللي يدخلونها لج في الاشعه هي أساساً تفتح الانسداد

وان شاء الله تسوينها وتتوفقين

اختي حبوبة البحرين
هكو التفاصيل كتبتها في الصفحة الاولى من الموضوع

وبالنسبة ليي سوتها لي مرة ومستّر كامل بس تفتح جزء بسيط حتى تشتغل وبس

حبيباتي الله يرزقنا ويرزقكم

والله صرت اخاف من كل شيء

مو عارفة سبب التاخير والوساوس ذابحتني

انا اول زواجى الدكتورة قالت لزوجى زوجتك فيها شبه عقم يعنى يبيلها سنين لين تحمل وزوجى بطل عينه على كلامها ان هذا الشي بيد الله ومو بيدهم وخلت هالشي في بالي ان انا ما احمل الا عقب سنين ومع ذلك عندى انبوب مسدود وتكيس ولكن بمعجزة الله سبحانه وتعالى وقدرته عقب كم شهر حملت لا اله الله ........ وبعد 3 سنين الله اكبر انا ما استخدم حبوب منع الحمل على اساس انى ما احمل وخطط لسفرة حلوة بس ربي لك الحمدوالشكر بعد طلعت حامل بولدى الله يحفظه فمن كلامى ابي ابين لكم ........ ان ما عليكم من كلام الدكاترة اذا في التصاقات وانبوب مسدود وكذا وكذا وكذا وكذا لأن محد يقدر يتحدى الله سبحانه وتعالى ......... والله ييسر لكل وحدة بحق لا اله الله ..............وبعد بقول لكم معجزة الله سبحانه وتعالى انا قررت هالسنة اروح الحج وحجزت وبرزت اوراقي وكنت مستانسة وطايرة من الفرح انى باروح بيت الله . بس بعد بمعجزة الله سبحانه وتعالى طلعت حامل الله اكبر ماشالله مع العلم ان من المفروض حمل ما يصير لي الا بالكلوميد والابر والحالة حالة فأرجوكم لا تيأسون من رحمة الله شوفوا شنو حكمة ربكم....

بنات حق حالتي هل تنصحوني أعمل أشعة الصبغة؟؟ زميلتي بالعمل تقول ماله داعي دام حملتي مرتين وتوك كنت حامل متى مداهم ينسدون؟؟؟؟

مو مسألة انك حملتى ، ومو مسألة ان في انسداد بالانابيب ، مسألة ان الاطمئنان على كل شي ، ويشوفون اذا في التصاقات او تكيس ....... انا نصيحتى اتوكلي على الله وسوي الاشعه ما بتخسرين شي ابداً اسمه تتطمنين ، انا برائيي ان حالتك ،،،، ان فيك تكيس وتحتاجين الى حبوب السكر 500مل مرة او مرتين باليوم وهذا التكيس يروح بإذن الله لأن اذا في تكيس ما يتم حمل والله اعلم.............................. وانا عطيتج اسم دكتور شاطر عندنا روحى له .........

اخت حبوبة البحرين
مااتوقع يوافقون على عمل الاشعة لش بدون وصفة دكتور
لأنه انا يوم رحت طلبوا مني ورقة التحويل من الدكتور اول

انصحش تجربين الدكتور احمد بركات ترى الكل يمدح فيه ويبدأ يفحص من الصفر