ساعدوه ،،، دخيلكم ،، لو بدعاء يفرج همه !!

السلام عليكم ،،

شحاااالكم ،، شخباركم ،، ان شاءالله بخيير ,,

يا بنات انا اول مره اكتب ف هالقسم ،،، واتمنى منكم انكم تساعدوني او بالاحرى تعينوني اني اساعد هالانسان ..

خلوني اقولكم من البدايه : هالانسان يحس بالذنب في موت ابوه ،، هو مسوي حادث سياره وابوه كان وياه ،، ابوه اتوفى بين ايدينه وهو انكتب له يعيش ....

ما تتصورون يا بنات كيف تغييييير من بعد الحادث وخصوصا هو يحس بانه هو الي قتل ابوه ( يحس بالذنب يعني ) ،، انا هالانسان ما عرفه ولا شكى لي حاله ،،


الي شكى لي انسااااااان يعزه واااااااايد ،، واحد يقرب له ،، وعايش وياه ،، يبي يظهره من الحاله الي هو فيها ،، حاول وبكل الطرق انه يظهره من الحاله الا انه ما قدر

يقولي انا وامه كلمناه ،، وهو مب راضي يتغير ،،

والله يا بنات هذا الشخص يقولي :انه هو صار ما يظهر من البيت كلش ،، ودومه يالس ف البيت ،، وكله قاعد في حديقه البيت وكله يفكر برووحه ،، الحادث صار له تقريبا من صار سنه واربع شهور ،، حتى رقممممه غيره واااايد عشان يقطع ربعه !! :(


وهو لا راضي يتغير ولا راضي يظهر من الحاله الي هو فيها ،، بس من الكليه لي البيت ومن البيت لي الكليه ،، حتى في الكليه ما يظهر من السكشن ولا يروح حتى الكفتريا .. كله قاعد بروحه بالسكشن و على الزاويه

وكله يفكر ،، واليا جا الليل ،، صلى صلاة قيام الليل ،، وثم ينام ،، وكل يوم ع هالحاله ،، وهو ماشاءالله عليه ،، دايم يذكر الله ،، يصلي ،، وطايع ربه ما شاءالله عليه

المهم : هو يبني اساعده في انه نظهر هالانسان من هالحاله ،، لانه هو كلمه وايد ،، وامه كلمته وايد ،، وماشي فايده ،، عاد انا شرت عليه انه يكلم شيخ (مطوع ) يروح له ويشرح له عن حاله هالانسان مخصوص،، عشان

يجي يكلمه ،، المهم هو سووى الي قلت له عليه ،، ورد علي بيوم ثاني وقالي ماشي فايده ،، بدل لا المطوع ينصحه هو قام ينصح المطوع والمطوع ساكتـ ،، وانسدت في ويهه كل البيبان ،، كل شي سواه وما فيه فايده !!

في الاخير قالي انا ابيج تكلمينه يمكن يتغير ،، طبعا قالي ابيج تكلمينه ع المسن ،، انتي ماشاءالله عليج ،، ما شفت شي منج ،، طيبه ومحترمه تحبين الخير للكل ،، وفوق هذا مب ناسيه ربج في كل شي ويمكن لين كلمتيه يتغير لانه انتي نادر الي مثلج !!

المهم يا بنات :

انا ادري المساله صعبه ،، بس ساعدوني ،، انا ما قصرت عطيته من الكلام الي عندي،، وكلام قوووي يمكن يظهره من الحاله الي هو فيها ،، حسيته متاثر وحززززين وااااااااااااااااااااايد وااااااايد ،،.. اني مابي منكم الا تساعدونا

وتدعوووون له الله يفرج همه ،، اخوووكم محتااااج لدعواتكم وااايد ،،

ساعدونا نظهره من الحاله الي هو فيها ،،، الي من حوله قلوبهم متقطعه عليييييييييه وايد :( ،،، والي ما عنده حل ،، يكفينا انه يدعي له
.
واسمحولي ع الاطاله ،، والله من ضيج فينا ...


اتريا ردودكم ،،